13.nóvember - 20.nóvember - Tbl 46
Hverju svarar bæjarstjórnin?
Hjörleifur Hallgríms.
Vikudagur birti fyrir stuttu niðurstöður farþegakönnunar Rannsóknarmiðstöðvar ferðamála, sem sýna hátt ánægjustig farþega skemmmtiferðaskipa til Akureyrar. Könnunin, sem gerð var árið 2018 sýnir að um 98% gesta voru ánægð eða mjög ánægð með dvölina hér.
Og Vikudagur heldur áfram og segir: „Heilt yfir var það mikil náttúrufegurð og snyrtimennska á heimsóknarsvæðum auk greiðvirkni og glaðlegs viðmóts heimamanna, sem stóð upp úr hjá gestunum. Það, sem helst þótti skorta var aðgengi að almenningssalernum auk almenningssamgangna og betri leiðbeiningar að söfnum.” Nýlega las ég gott blaðaviðtal við frú Ásthildi Sturludóttir nýjan bæjarstjóra hér á Akureyri þar sem hún lýsir furðu sinni á að íbúar Akureyrar séu ekki orðnir 50 þúsund og lýsir bænum líkt og farþegar skemmtiferðaskipanna
þegar hún segir:
„Akureyri er fallegur bær og veðursæld mikil og nokkuð gott mannlíf”, og furðar sig á að hingað vanti fólk til búsetu. En þess má líka geta að fólksfjölgun hér hefur aðeins verið 0,2% fyrstu þrjá mánuði þessa árs og það að frúin sé ekki búin að hafa hér búsetu nema í nokkra mánuði og þekkir því ekki nógu vel (skiljanlega) til vinnubragða síðustu bæjarstjórna Akureyrar og þar síður einstakra nefnda og ráða eins og t.d. skipulagsráðs með lítt menntað fólk á sumum sviðum.
Svo eru það salernismálin
Einu sinni enn með fjölgun ferðamanna í bænum ekki síst af skemmtiferðaskipunum eru það almenningssalernin, sem fólki finnst réttilega vanta. Það er ekki ný saga að veitingamenn í miðbænum, sem talað hefur verið við kvarta sáran yfir ágangi ferðafólks sérstaklega af fyrrgreindum skipum, sem óneitanlega skilur eftir sig óþrif,sem svo starfsfólk þarf svo að sjá um að þrífa. Það hvað svo rammt að, að í Akureyrarkirkju varð að loka salerninu á anddyri kirkjunnar því ásóknin var orðin svo mikil af óviðkomandi og kostnaður við þrif orðinn svo mikill að hann var orðinn kirkjunni ofviða.
Það hefur oftar en einu sinni verið bent á hvers vegna salernin undir kirkjutröppunum séu ekki tekin í notkun en þar er öll aðstaða fyrir hendi og
getur varla kostað að lagfæra þar til og opna nema brota brot af þeim tugum milljóna sem kostaði að byggja Gil-restaurant og fínu salernisaðstöðuna þar. En kannski væri ráð að auglýsa og beina ferðafólki þangað, sem í leiðinni myndi e.t.v. skapa veltuaukningu á
Gili. Einversstaða þarf fólk að pissa og kúka og þarna færi vel um það.
Hækkanir fasteignaskatta
Síðustu fjögur árin hafa tekjur sveitarfélaga af fasteignasköttum aukist mjög og sést það best þegar tekjum nokkurra sveitarfélaga af fasteignasköttum heimila og fyrirtækja er skipt niður á fjölda íbúa. Það er samt athygli vert hvernig tekjur sveitarfélaga, alveg sama hvaða mælikvarði er notaður, rjúka upp en langmest sker sig úr höfuðborgin Reykjavík með ríflega 37% hækkun á þessum fjórum árum. Og er þar í fyrsta sæti af 12 sveitarfélögum hvað þessar álögur varða eða 146 þús. á hvern íbúa höfuðborgarinnar.
En Akureyri er ekki langt undan eða í þriðja sæti og vill ekki láta sitt eftir liggja í álögur á bæjarbúa og er með 107 þús.kr. á hvern íbúa. Einhvern
tímann hefði maður haldið að Sjálfstæðismenn væru engir unnendur hækkun skatta. Að lokum má geta þess að sveitarfélagið sem er lægst íþyngirsínum íbúum með aðeins 61 þús. kr.
-Hjörleifur Hallgríms
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
