20. nóvember - 27. nóvember - Tbl 47
Hver er Igga í 2. sætinu á V-lista?
Ingibjörg Benediktsdóttir
Ingibjörg Benediktsdóttir skrifar
Undirrituð, Ingibjörg Benediktsdóttir (Igga) flutti til Húsavíkur ásamt fjölskyldu fyrir þremur árum síðan. Það er ekki von á að bornir og barnfæddir Þingeyingar þekki mig, fyrir utan þá sem voru með mér í Laugaskóla. Við fjölskyldan höfum aðlagast vel, ég og Sverrir minn bæði ánægð í störfum okkar og krakkarnir sáttir í skólanum á Húsavík. Okkur líkar vel að búa í Norðurþingi. Ég á stóra fjölskyldu með Sverri (sonur Gumma stæ og Möggu í Vilpu), fimm börn og eitt barnabarn. Við Sverrir rákum smábátaútgerð, með tvo báta og fjölskyldan verkar hákarl á Ströndum. Við eigum líka skógrækt sem yngsti sonur okkur stefnir á að taka við þegar afi hans hættir.
Fv. oddviti í Strandabyggð
Þegar við bjuggum á Hólmavík sat ég í sveitarstjórn og frá árinu 2010 gegndi ég ýmsum trúnaðarstörfum á mínu svæði á Ströndum. Ég var oddviti í sveitarstjórn Strandabyggðar og sat í stjórn Vestfjarðarstofu, í samgöngunefnd fjórðungsins og í stjórn Byggðasamlags um málefni fatlaðra á Vestfjörðum. Ég átti líka sæti í stjórn Orkubús Vestfjarða og Fiskmarkaði Hólmavíkur og ýmislegt fleira gæti ég talið.
Ég brenn fyrir málefnum barna og ungmenna. Ég tók þátt í að koma á fót ungmennaráði í Strandabyggð þar sem ungmenni eru áheyrnarfulltrúar í öllum nefndum sveitarfélagsins að undanskilinni Velferðarnefnd og þar fá ungmennin greiðslur líkt og aðrir í nefndum. Að mínu mati þá eflast ungmenni í samfélagslegri ábyrgð og taka þátt í að móta samfélagið og finna að þeirra skoðun skiptir máli og með því eykur það líkur á að þau taki þátt í slíkum störfum áfram á fullorðinsárum.
Þegar mér bauðst að fara á námskeið hjá Fjölmenningarsetri á síðasta ári um málefni erlendra íbúa var ég ekki lengi að skrá mig. Þar lærði ég að kenna námskeið sem kallast Fjölbreytnin auðgar og eru áform um að kenna þetta námskeið um allt land. Þetta námskeið fjallar um hvernig við getum hjálpast að við að útrýma hvers kyns fordómum með sérstaka áherslu á vinnumarkaðinn. Ég er með mikla réttlætiskennd og vil að allar raddir samfélagsins heyrist. Ég trúir því að samtal og samskipti séu besta leiðin.
Þetta eru ekki einubaráttu mál mín, ég tekst þó á við öll þau lífsins verkefni sem fyrir mér eru lögð með áræðni og þrautseigju, þó ég segi sjálf frá. Það er mér mikilvægt að leggja mitt af mörkum til samfélagsins og að raddir allra heyrist. Ég er forvitin og áhugasöm um fólk og skoðanir.
Ég hefur barist fyrir bættum samgöngum á Vestfjörðum, keypt slökkvibíl, byggt félagslegar íbúðir og ég hef staðið á tröppum Byggðarstofnunar og óskað eftir því að heimbær minn fái stöðu brothættrar byggðar. Ég mun því klárlega leggja mitt af mörkum við að gera Norðurþing betri.
Bjartsýn á komandi ár
Ég brenn fyrir að taka þátt í að gera samfélagið í Norðurþingi gott og búsetuvænt fyrir alla íbúa hvort sem þeir búa í þéttbýlinu eða dreifbýli. Norðurþing hefur alla burði til að þróast í jákvæða átt á komandi árum enda eru innviðir býsna sterkir á mörgum sviðum. Öfugt á við ýmis köld svæði á landinu eru til staðar miklar orkuauðlindir í Þingeyjarsýslum sem munu nýtast við frekari uppbyggingu á græna iðngarðinum á Bakka. Svo eru náttúruperlur sem laða að sér ferðamenn og öflugur landbúnaður einnig. Þá er til staðar sterkur sjávarútvegur í sveitarfélaginu og vaxandi uppbygging nýsköpunar- og þekkingargeira. Ég lít því bjartsýn til komandi ára og leita eftir stuðningi íbúa í Norðurþingi.
Ingibjörg Benediktsdóttir,
Höfundur er í 2. sæti á V-lista í Norðurþingi
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
