Húsnæðisskortur í Grímsey yfir háannatímann - Jákvætt tekið í að bjóða lóðir undir smáhýsi
Hverfisráð Grímseyjar hefur óskað eftir að boðið verði upp á lóðir fyrir smáhýsi í eynni sem leyst gætu tímabundinn húsnæðisvanda yfir háannatíma. Skipulagsráð Akureyrar hefur tekið jákvætt í erindið.
Hverfisráðið óskaði jafnframt eftir því að haft yrði samráð við íbúa Grímseyjar um það hvernig best megi nýta það húsnæði sem til er á vegum bæjarins með þarfir íbúa og fyrirtækja í eynni í huga.
Þar megi skoða hvort skipta megi húsnæði upp í minni einingar þannig að það nýtist fleirum, t.d. yfir háannatímanna fyrir starfsfólk sem er tímabundið í eynni eða fyrir fólk sem vill prófa að búa í eyjunni og nýta sér fjarvinnuaðstöðuna sem er í Múla, til lengri eða skemmri tíma.
Mikill skortur er á húsnæði fyrir starfsfólk og stendur það fyrirtækjum eyjarinnar fyrir þrifum, upp á að geta veitt alla þá þjónustu sem þörf er á, að hafa ekki nægjanlegt starfsfólk m.a. með aukningu í komum skemmtiferðaskipa og lengra ferðamannatímabili.
Síðasta sumar komu 50 skemmtiferðaskip til Grímseyjar á tímabilinu maí til september og á næsta ári er þegar komnar 45 bókanir fyrir sama tímabil.
Fram kemur í bókun hverfisnefndar að síðasta sumar hafi verið óvenjulegt, m.a. vegna tafa á viðgerðum á ferjunni, vandamála við að flytja reksturinn frá Samskip yfir á Vegagerðina og bókunarsíðu sem ekki var í lagi. Það olli því að færri bókuðu ferð með ferjunni í ár miðað við fyrri ár. „Vandamál sem vonandi mun ekki hafa áhrif á næsta ári og því aðkallandi að leysa húsnæðismál fyrir næsta sumar.
Nýjast
-
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember.
