13.nóvember - 20.nóvember - Tbl 46
Hús vikunnar: Viðarholt í Glerárþorpi – örlítil viðbót við fyrri pistil
Í lok hvers pistils kemur að öllu jöfnu fram, að ég taki við ábendingum og öðrum upplýsingum varðandi Hús vikunnar. Er mér að sjálfsögðu ljúft og skylt að koma þeim upplýsingum framfæri á þessum vettvangi. Kristján Skarphéðinsson hafði samband við mig og langaði að koma fram nokkrum atriðum varðandi Viðarholt í Glerárþorpi (birtist þ. 18. apríl sl.) og þáði ég það að sjálfsögðu með þökkum, og laugardaginn 11. maí hittumst við og áttum spjall um m.a. fólkið sem bjó í Viðarholti um og fyrir miðja síðustu öld.
Kristján Skarphéðinsson tengist Viðarholti gegn um móðurfjölskyldu sína, og er hann nefndur eftir Viðarholti, Kristján Viðar. Frændi hans var Kristján Guðni Tryggvason sem bjó í Viðarholti frá 1930 til dánardægurs og var jafnan kenndur við bæinn. Kristján Tryggvason og kona hans Ingiríður Jósefsdóttir munu hafa keypt býlið af þeim Kristjáni Þorlákssyni og Indíönu Jóhannsdóttur en þau síðarnefndu byggðu býlið um 1918. Móðurafi Kristjáns Skarphéðinssonar hét Tryggvi Kristjánsson en hann og Kristján Tryggvason í Viðarholti voru hálfbræður, sammæðra og ólust upp á Meyjarhóli á Svalbarðsströnd. Kristján Tryggvason í Viðarholti lést árið 1946, en Ingiríður bjó áfram í Viðarholti sem og synir þeirra, Jósef og Friðrik. Jósef var bifvélavirki en Friðrik var kennari og síðar skrifstofumaður m.a. hjá Valbjörku og Þórshamri.
Á sjöunda áratugnum fluttu þau Kjartan Sumarliðason og Stella Jónsdóttir að Viðarholti, ráku þarna myndarlegt fjárbú og áttu m.a. verðlaunahrút á Hrútasýningu 1974. Bjuggu þau Kjartan og Stella í Viðarholti fram yfir aldamót, en þá voru tún Viðarholtsbýlisins löngu komin undir íbúðabyggð í Hlíðahverfi. Hér birtist aftur myndin af Viðarholti, sem tekin er í júní 2012.
Þakka Kristjáni Skarphéðinssyni kærlega fyrir veittar upplýsingar og ánægjulegan fund á Bláu könnunni.
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
