Hugmynd að bók um brýr yfir Eyjafjarðará kviknaði í hjóltúr
„Ég get nákvæmlega tímasett hvenær hugmynd um þessa bók kviknaði fyrst hjá mér,“ segir Arnór Bliki Hallmundsson sem hefur gefið úr bókina Brýrnar yfir Eyjafjarðará. Hann bætir við að það hafi verið 29. ágúst 2020, þegar hann var í hjóltúr um fremstu byggðir Eyjafjarðar. Bókin er um 50 blaðsíður og líkt og nafnið gefur til kynna fjallar Arnór í bókinni um brýr yfir Eyjafjarðará, stiklað er á milli þeirra ellefu brúa sem yfir hana liggja.
Arnór átti fyrir ljósmyndir af nokkrum brúm yfir Eyjafjarðará, en ákvað að láta slag standa, og ljósmynda þær sem eftir voru. „Þá hugsaði ég með mér, að þetta væri upplagt að setja saman í bók, myndir af öllum brúnum og upplýsingar um þær. Ég byrjaði á því að setja myndirnar inn á vefsíðuna mína og fór svo seinna meir að dunda við að setja saman handrit,“ segir hann en Arnór, en síðan er á slóðinni arnorbl.blog.is.
Sá að bókaútgáfa var yfirstíganlegt verkefni
Ákvörðunina um að hafa brýrnar yfir Þverárnar tvær með tók hann um það leyti sem nýja brúin eðaræsið yfir Þverá ytri gaf sig í vatnavöxtum við upphaf hitabylgju, eftir kalt vor í júní árið 2021. Arnór átti handritið nokkurn veginn klárt snemma árs 2022 „en einhvern veginn fékkst ég ekki til að taka skrefið við útgáfu.“
Samstarf við Kristínu Aðalsteinsdóttur um útgáfu á bók um Oddeyrina segir hann að hafi leitt sér fyrir sjónir að bókaútgáfa væri bara vel yfirstíganlegt verkefni. „Og svo vill til, að elstu brýrnar yfir Eyjafjarðará, óshólmabrýrnar á Þverbrautinni, eru 100 ára í haust svo tímasetningin gat ekki verið betri,“ segir hann.
Lesandanum er fylgt meðfram Eyjafjarðará frá upptökum til ósa þar sem hverri brú er eignaður einn stuttur kafli. Hver brú fær 2-3 blaðsíður þar sem birtast myndir af brúnum ásamt stuttu söguágripi um þær í bland við fróðleikskorn um nánasta umhverfi þeirra.
Þannig er um að ræða nokkurs konar örbyggðalýsingu á svæðinu sem hverfist um Eyjafjarðará og brýrnar yfir hana. Hvorki er rakin ítarlega saga brúasmíða í héraðinu né eru nákvæmar tæknilegar lýsingar á mannvirkjum heldur fyrst og fremst svipmyndir af brúnum og nágrenni þeirra.
Merkisafmæli
Einna ítarlegustu umfjöllun í bókinni fá þó gömlu brýrnar þrjár á Þverbrautinni en þær eiga aldarafmæli á þessu ári, það er einmitt um þessar mundir sem 100 ár eru liðin frá því Eyjafjarðará var brúuð með brúnum þremur yfir óshólmana. „Tímasetningin á útgáfu bókarinnar gat því vart verið betri, það er gaman að minnast þessara tímamóta óshólmabrúnna með þessum hætti,“ segir Arnór. Ritið má því segja að sé nokkurs konar afmælisrit öldunganna þriggja á óshólmunum. Þá eiga tvær brýr yfir ána í fyrrum Saurbæjarhreppi níræðisafmæli í ár, svo það er annað ærið tilefni til þessarar útgáfu nú.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
