20. nóvember - 27. nóvember - Tbl 47
Höldum einbeitingu - höldum áfram!
Sindri Kristjánsson
Á Akureyri er afar fjölbreytt íþróttastarf sem leitt er áfram af öflugum íþróttafélögum. Íþróttafélögin gegna mikilvægu hlutverki í samfélaginu okkar, hvort sem það er vegna forvarnargildis íþrótta fyrir börn og ungmenni, aukinar lýðheilsu og heilsueflingar eða þeirra tekna sem starf íþróttafélaganna skapar fyrir bæinn í viðburðahaldi. Samfylkingin á Akureyri ætlar að halda áfram uppbyggingu íþróttamannvirkja íþróttafélaganna okkar í samræmi við skýrslu um forgangsröðun þessara verkefna sem allir sitjandi bæjarfulltrúar samþykktu fyrir rétt rúmlega 18 mánuðum síðan.
Í aðdraganda kosninga 14. maí næstkomandi hafa heyrst raddir frá íþróttafélögum í bænum að rétt sé að endurskoða þessa forgangsröðun og endurskoða þessa forgangsröðun og breyta í samræmi við þeira óskir og þarfir, og færast þannig fram fyrir í röðinni. Þetta er skiljanlegt, enda flest íþróttafélög bæjarins í þörf fyrir betri aðstöðu fyrir sína starfsemi. En af þeirri einföldu ástæðu að Akureyrarbær ræður eingöngu við tiltekið magn fjárfestinga á hverju ári var ráðist í framangreinda vinnu við að forgangsraða uppbyggingu fyrir íþróttafélögin. Akureyrarbær þarf einnig á ári hverju að fjárfesta öðru en uppbyggingu íþróttamannvirkja t.d. í skólahúsnæði og húsnæði fyrir fatlað fólk svo eitthvað sé nefnt
Framboð sem lofa nú að endurskoða þessa nýsamþykktu forgangsröðun sem samþykkt var af öllum sitjandi bæjarfulltrúum fyrir skömmu síðan þurfa að mínu mati að svara nokkrum spurningum.
Fyrsta spurningin er þessi: Hvaða verkefni á að færa aftar í röðina? Afrit af svörum við þessari spurningu má m.a. senda á Knattspyrnufélag Akureyrar, Golfklúbb Akureyrar og Skíðafélag Akureyrar, en næstu þrjú verkefni í samþykktri forgangsröðun eru hjá þessum félögum.
Önnur spurningin er þessi: Hversu lengi er ásættanlegt að setja uppbyggingu íþróttamannvirkja í bænum á bið á meðan forgangsröðin er endurskoðuð? Það er óumflýjanlegt að algert stopp verði á framkvæmdum meðan kjörnir fulltrúar ráða ráðum sínum um ný og endurskoðuð næstu skref.
Þriðja spurningin er svo til þeirra sem lofa að gera bara meira og hraðar: Á hvaða öðrum sviðum bæjarins á að draga úr fjárfestingum? Afrit af þessum svörum má t.d. senda á fatlað fólk í bænum og aðstandendur þeirra, og foreldra með börn á leikskólaaldri svo einhver dæmi séu tekin.
Á næsta kjörtímabili ætlum við í Samfylkingunni að vinna að næstu verkefnum í umræddri forgangsröðun eins fljótt og verða má og ganga frá samkomulagi í upphafi kjörtímabilsins við KA um byggingu þjónustuhúss og framkvæmdir undirbúnar í framhaldinu. Þá vill Samfylkingin hefja undirbúning og í kjölfarið framkvæmdir á þjónustuhúsi í Hlíðarfjalli og vetraraðstöðu hjá Golfklúbbi Akureyrar. Í kjölfarið vill Samfylkingin að hafist verði handa við undirbúning á 50 metra innisundlaug í samræmi við þarfir Sundfélagsins Óðins og grunnskólanna í bænum vegna skólasunds, ásamt því að hefja undirbúning vegna frekari uppbyggingu á félagssvæði Þórs. Allt í samræmi við samþykkta forgangsröðun um uppbyggingu íþróttamannvirkja á Akureyri.
Samfylkingin vill halda stefnu, halda einbeitingu og halda áfram – fyrir íþróttir á Akureyri.
Höfundur skipar 2. sæti á lista Samfylkingarinnar fyrir kosningarnar 14. maí.
Áfram Akureyri - fyrir okkur öll!
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
