20. nóvember - 27. nóvember - Tbl 47
Heimamenn í fararbroddi hjá LA í vetur
Samkomuhúsið á Akureyri.
Heimamenn verða í fararbroddi á sviði hjá Leikfélagi Akureyrar að sögn Jóns Pálsl Eyjólfssonar, leikhússtjóra LA. Ekki verður neinn fastráðinn leikari við LA þetta leikárið. Hjá LA er aukin áhersla á frumsköpun leikskálda af svæðinu og að nýta krafta þess sviðslistafólks sem hér er búsett.
„Draumurinn er að við náum að ráða hér aftur leikhóp eins og var upphaflega árið 1973. Atvinnuleikhús byggist á leikhópi en því miður höfum við ekki nægt fjármagn og þetta er fyrsta árið sem ég get ekki fastráðið neinn leikara,“ segir Jón Páll í samtali við Vikudag.
„Við viljum samt sýna samfélaginu hver ávinningurinn sé af því að nýta eins mikið af þeim kröftum sem eru hér til staðar og við getum. Enda erum við það heppinn að hér er mikið af frambærilegu sviðslistafólki. Hér er mikill uppgangur en núna vantar okkur bara innspýtingu frá hinu opinbera til að tryggja framtíðarstarfsemi.“
Jón Páll segir eitt af markmiðum Leikfélagsins sé að byggja upp atvinnustarfsemi í listum. Stefnan sé að fastráða fjóra leikara á næsta starfsári og allt að sex leikara þarnæsta ár. „En þetta þýðir auðvitað að við þurfum meira fjármagn.“
Samkomuhúsið upp til fyrri vegs
Á síðustu þremur árum hefur markvisst verið að unnið því að byggja upp starfsemina í Samkomuhúsinu. Búið er að endurnýja alls kyns tæknibúnað og skipta út húsgögnum. „Við fengum fjármagn til að hressa upp á húsnæðið og hefja Samkomhúsið upp til fyrri vegs. Húsið er algjörlega einstakt og verður alltaf þungamiðjan leiklistar á svæðinu,“ segir Jón Páll.
Hjá Leikfélagi Akureyrar verða settar upp tvær gamanleiksýningar í Samkomuhúsinu í vetur. Annars vegar Kvenfólk þar sem Hundur í óskilum fer yfir kvennasöguna á hundavaði og hins vegar mun Sjeikfélag Akureyrar setja upp Sjeikspír eins og hann leggur sig. Auk þess snýr Stúfur aftur með jólasýningu í Samkomuhúsið í desember.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
