Heilsuvernd óskar eftir lóð við Þursaholt undir lífsgæðakjarna
Heilsuvernd ehf.vill byggja á lóðinni númer 2 til 12 við Þursaholt Mynd gn
Heilsuvernd ehf. hefur óskað eftir byggingareit á lóðinni númer 2 til 12 við Þursaholt. Búfesti hafði þá lóð til umráða en skilað henni inn þar sem forsendur fyrir þeim byggingu sem félagið ætlaði að reisa á svæðinu voru ekki fyrir hendi.
Forsvarsmenn Heilsuverndar hafa hug á að byggja svonefndar lífsgæðakjarna við Þursaholt. Heilsuvernd Hjúkrunarheimili rekur samkvæmt samningi við Sjúkratryggingar Íslands hjúkrunarheimilin Hlíð og Lögmannshlíð á Akureyri. Þegar hefur verið samið við SÍ um stækkun hjúkrunarrýma um 80 rými á svæði við Vestursíðu, vestan við Síðuskóla og á að vera tilbúið í janúar árið 2027. Þegar er komnar upp tafir á því verkefni. Í bréfi Teits Guðmundssonar forstjóra Heilsuverndar til skipulagsráðs Akureyrarbæjar segir að samtenging þess húsnæðis við Lögmannshlíð sé ekki fyrir hendi sem leiðir af sér að skynsamlegt sé að horfa einnig til annarra staðsetninga við uppbyggingu hjúkrunarheimilis. Horft sé til svæðisins við Þursaholt í þeim efnum.
Ekki hægt að bíða með frekari uppbyggingu
Fram kemur að miklar tafir hafi orðið á endurbótum á Hlíð og fyrir liggi að um 30 rými verið lokuð næstu mánuði vegna þeirra. ”Mótvægisaðgerðir heimilisins, tilfærsla íbúa og starfsfólks eru miklar og hafa áhrif á alla innviði heilbrigðisþjónustu á Akureyri,” segir í bréfinu. Og að það sé mat Heilsuverndar að ekki sé hægt að bíða með uppbyggingu hjúkrunarrýma frekar, leita þurfi leiða til að hraða henni með öllum mögulegum ráðum til að vernda innviði og þjónustu við eldri borgara.
Heilsuvernd og tengdir aðilar sækja um lóðina með það að markmið að byggja upp lífsgæðakjarna á grunni samninga um rekstur hjúkrunarheimilis, ein einnig þjónustukjarna og íbúðir fyrir eldri borgara.
Skiplagsráð frestaði afgreiðslu málsins þar til fyrir liggja viðbrögð frá heilbrigðisráðuneyti.
Nýjast
-
Miklar endurbætur á gömlu heimavist Þelamerkurskóla í gangi
Miklar framkvæmdir hafa verið í gangi í Hörgársveit undanfarin misseri sem miða að því að styrkja innviði sveitarfélags þar sem íbúafjölgun hefur verið mikil hin síðari ár. Gagngerar endurbætur standa yfir á gamla heimavistarhúsnæði Þelamerkurskóla og var nú við upphaf skólaárs tekið í notkun nýtt rými þar fyrir unglingadeild skólans. Áður eða í fyrrahaust var enn ein nýja byggingin tekin í notkun við Heilsuleikskólann Álfastein. Þar var horft til framtíðar, pláss er fyrir 90 börn en þau eru kringum 70 um þessar mundir. Stærstu vinnustaðir sveitarfélagsins eru í leik- og grunnskólanum, en þar eru starfsmenn nú samtals 51. Í Hörgársveit búa nú 866 íbúar og er að því stefnt að þeir verði 1001 í það minnsta um mitt ár 2026. -
Umhverfisvænni kostir fundust ekki fyrir nýjan ferlibíl
Leitað verður eftir nýjum ferlibíl fyrir Strætisvagna Akureyrar sem gengur fyrir dísel orkjugjafa og uppfyllir að lágmarki Euro 6 mengunarstaðal. Ekki fundust aðrir umhverfisvænni kostir segir í bókun umhverfis- og mannvirkjaráðs. -
Fataslá sett upp í MA - Kaupum sjaldnar, kaupum notað
Nú má finna fataskiptislá framan við bókasafn Menntaskólans á Akureyri. Fólki er frjálst að koma með fatnað og/eða taka af sláni eftir því hvað hentar hverju sinni. Í tilkynningu frá umhverfisnefnd skólas segir að textíliðnaðurinn sé einn sá umfangsmesti í heimi og að honum fylgi gríðarleg mengun og umhverfisspjöll. -
Nýtt stjórnsýsluhús á Laugum tilbúið
Í dag var merkilegur áfangi í sögu Þingeyjarsveitar þegar nýtt stjórnsýsluhús á Laugum var formlega tilbúið. Ragnheiður Jóna Ingimarsdóttir, sveitarstjóri fékk lyklana afhenta við óformlega athöfn í haust blíðunni. Húsið mun hýsa skrifstofu sveitarfélagsins og þar verða einnig rými sem fyrirtæki, stofnanir og einyrkjar geta nýtt sér. Vonast er til þess að húsið verði iðandi af lífi, suðupottur hugmynda og verkefna þar sem allir eru velkomnir -
Grýtubakkahreppur, Norðurþing og Þingeyjarsveit - Ekki innheimt gjald fyrir ávexti
Ekki verður innheimt gjald fyrir þjónustu mötuneytis Grenivíkurskóla við nemendur skólans fá og með haustinu 2024. Allur matur sem börnin fá í skólanum, morgunmatur, hádegisverður, ávextir eða annað er gjaldfrjáls. Áður var innheimt eitt gjald fyrir allan mat. -
Síðuskóli 40 ára
Eins og fram hefur komið var því fagnað í gær að þá voru 40 liðin frá þvi að Síðuskóli á Akureyri tók til starfa. -
Áætlað að slátra um 88 þúsund fjár á Húsavík
Sláturtíð hófst hjá Kjarnafæði Norðlenska á Húsavík í fyrradag. Áætlað er að hún standi yfir til loka október, ljúki 31. þess mánaðar og á þeim tíma er gert ráð fyrir að slátra á bilinu 87.500 til 88.000 fjár. -
Ekkert ferðaveður á Mývatnsöræfum
Lögreglan á Norðurlandi eystra segir á Facebooksíðu embættisins frá illviðri á Mývatnsöræfum og er færslan svohljóðandi: ,,Lögreglunni á Norðurlandi Eystra voru að berast upplýsingar um mjög slæmt verður á Mývatnsöræfum. Sandstormur og ofsarok. Malbik er að flettast af veginum vestan við Jökulsá á Fjöllum við Grímsstaði. Ökumenn hafa leitað vars með bíla sína á aðeins skjólsælli stöðum. Lögreglumenn sem fóru um svæðið fyrir skammri stundu óskuðu þess að vegfarendur yrðu upplýstir með þessar aðstæður ef nokkur kostur væri. Vegagerðin er einnig að setja inn viðvörun um hættulegar aðstæður á veginum vegna veðurs, á sinn vef í þessum töluðu orðum. Látið endilega vini og kunningja vita ef þið vitið af ferðum fólks þarna efra. Bíðið af ykkur veðrið og fylgist með veðurspá og færð.” -
Sólin skín og vindur blæs
Það er óhætt að segja sem svo að það blási ansi hressilega hér i bæ enda hefur samkvæmt mælum Veðurstofu Íslands vindhraðinn slegið í 27 metra hér í kviðum og þó aðeins hafi lægt s.l. klukkustundina eru enn 10 metrar á klst og fer i 20 metra í kviðum.
Athugasemdir