13.nóvember - 20.nóvember - Tbl 46
Heiðursborgari Húsavíkur
Bergur Elías Ágústsson.
Undirritaður, fulltrúi í sveitarstjórn Norðurþings, sá á vefmiðlum að hin frábæra söngkona Molly Sandén hafi fengið titilinn Heiðursborgari Húsavíkur, í beinni útsendingu í Svíþjóð þar sem sendiherra Íslands hafi veitt viðurkenninguna fyrir hönd sveitarstjóra Norðurþings. Í síðasta Vikublaði kom viðtal við formann byggðarráðs Norðurþings með óljósum skýringum á ferli málsins.
Áður en lengra er haldið, er rétt að það komi fram að Molly ásamt fleirum hafa staðið fyrir frábærri kynningu á mínu indæla samfélagi sem Húsavík er, eftir því hefur verið tekið um víða veröld. Án efa mun það efla okkar kæra samfélag, skapa tekjur og lífsviðurværi fyrir íbúa Húsavíkur sem staðsettir eru á norðurhjara, með þeim mörgu kostum sem því fylgja. Fyrir það er undirritaður mikið þakklátur.
Til upplýsingar, þá er tilnefning heiðursborgara stórt mál, enda er oftast verið að veita viðurkenningu fyrir áratuga starf í þágu samfélagsins og íbúa þess. Í flestum tilfellum gilda ákveðnar viðmiðunarreglur um slíka heiðursnafnbót og er hún hjá flestum sveitarfélögum með svipuðum hætti. Þær eru, með blæbrigðum;
Við val á heiðursborgara m.a. eftirfarandi haft í huga.
- Störf viðkomandi hafi haft veruleg jákvæð áhrif á samfélagið.
- Störf og framganga hafi verið til fyrirmyndar og til eftirbreytni.
- Jákvæða ímynd bæði innan samfélagsins sem utan.
- Sveitarstjórn skal vera einhuga við val á heiðursborgara.
- Sveitarstjórn skal fara með val á heiðursborgara sem trúnaðarmál fram að heiðrun viðkomandi, þó skal nánustu ættingjum væntanlegs heiðursborgara gert kunnugt um valið.
- Heiðursborgari skal heiðraður við hátíðlega athöfn, s.s. við opinbera hátíð eða stórafmæli viðkomandi.
- Heiðursborgari fær skrautritað innrammað skjal undirritað af öllum sveitarstjórnarfulltrúum til staðfestingar. Á skjalinu kemur fram nafn viðkomandi, dagsetning fundar sveitarstjórnar, undirritun sveitarstjórnar og sveitarstjóra.
- Heiðursborgari hefur engar skyldur gagnvart sveitarfélaginu sem slíkur.
- Sveitarfélagið hefur eftirfarandi skyldur gagnvart heiðursborgara: Fellir niður fasteignaskatt af íbúðarhúsi heiðursborgara sem hann á og býr í.
- Býður heiðursborgara til opinberra athafna/veislna á vegum sveitarfélagsins.
- Heldur nöfnum heiðursborgara með titlinum heiðursborgari á lofti við tilhlýðileg tækifæri.
- Tekur þátt í athöfn við útför heiðursborgara, þegar þar að kemur, að beiðni
aðstandenda
Nú er málum þannig háttað að undirritaður situr í sveitarstjórn Norðurþing sem kjörinn fulltrúi. Málið hefur því miður hvergi verið rætt í sveitarstjórn né ákvörðun tekin um veitingu titilsins Heiðursborgari Húsavíkur/Norðurþings. Því miður er málið þannig vaxið að hér er um „falsfrétt“ að ræða sem sveitarstjóri og formaður byggðarráðs Norðurþings, virðast samkvæmt fjölmiðlum, bera alfarið ábyrgð á, þar sem sveitarstjórn hefur ekki fjallað um málið.
Það sem vekur mikla furðu hjá undirrituðum er að sendiherra Íslands í Svíþjóð, hefur (samkvæmt fjölmiðlum) fyrir hönd sveitastjóra Norðurþings veitt okkar yndislegu Molly titil heiðursborgara, með þeirri ábyrgð sem því fylgir. Svo virðist sem sendiherra Íslands í Svíþjóð hafi ekki tryggt að sú heiðursnafnbót sem hann afhenti fyrir hönd Húsavíkur/ Norðurþings eigi við rök að styðjast. En sennilega er það ósanngjörn krafa til sendiherrans að fylgjast með stjórnsýsluafgreiðslum í litlu sveitarfélagi á Norðurlandi.
Í flestum sveitarfélögum landsins, líður langt á milli þess sem einstaklingum er úthlutað heiðursborgara titli. Ef ég man rétt þá var það síðast gert á Húsavík um 1980, Guðrún Þórðardóttir sem var þá 100 ára og hafði staðið fyrir heimili alla sína tíð með sonum sínum. Tákn fyrir samheldni og góðri umgjörð heimilis- kjarna lífsgæða og öryggis. Tákn hinna glæsilegu íslensku konu sem tryggt hefur velferð lands og þjóðar svo öldum skiptir.
Að lokum kæra Molly, takk fyrir allt sem þú hefur fært Húsavík með þínum hæfileikum, gleði og gæsku. Í mínum huga eru þú eistaklingur ársins á Húsavík, þó svo að heiðursnafnbótin heiðursborgari hafi ekki verið samþykkt. Hver veit nema að það verði gert síðar og þá af þar til bærum aðilum.
Virðingarfyllst
Bergur Elías Ágústsson
Sveitarstjórnarfulltrúi í Norðurþing
Nýjast
-
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins. -
Uppruni jólakorta - Lauslega þýtt úr dönsku
Þegar fyrsta jólakortið var búið til um það bil árið 1800 á Englandi þá fékk það mikla athygli og með byr því að mörgum fannst það leiða athygli að jólum og sýna rétta jólaandann og varð það fjótt nokkuð vinsælt meðal Breta. Við þekkjum öll að jólin eru hátíð ljóss og friðar og á jólum sameinast fjölskyldur og vinir og við hugsum meira til vina og kunningja en á öðrum tímum. Jólakort hafa verðið þessi góði máti til þess að senda jóla- og vinarkveðju til þeirra sem við viljum gleðja á þessum tíma. Þessar kveðjur eru óskir um gleðileg jól og farsælt komandi ár, þetta er afar fallegur og góður siður og það gleður marga að fá fallega kveðju á fallegu jólakorti í svartasta skammdeginu. Það er talið að Kínverjar og Egyptar hafi byrjað að senda kveðjur á kortum fyrir 3000 árum og þaðan hafi þessi siður borist til Evrópu og hins vestræna heims. Í upphafi voru þessar kveðjur sendar í byrjun desember svo að þau gætu staðið á arinhillunni svo að fólk gæti notið þess alla aðventuna og jólin og fram á nýtt ár. Það sem á þeim stóð var oftast eitthvert biblíuvers, bæn, lítið kvæði eða eitthvað sem að minnti á vorið eða birtuna sem fólk var farið að bíða eftir á þessum dimmasta tíma. Oft voru líka send kort í tilefni árstíðaskipta svo sem um vor og sumar. -
Alvöru byggðarstefnu takk!
Um aldamótin 1900 bjuggu í Reykjavík ríflega 6000 manns, um 8% landsmanna en 11% á höfuðborgarsvæðinu. Nú 124 árum síðar býr 37% þjóðarinnar í Reykjavík og 65% á höfuðborgarsvæðinu. Og ef allt áhrifasvæði höfuðborgarinnar er tekið með, búa þar 80% landsmanna. Við hin 20% landsmanna búum svo utan þess. -
Flug til framtíðar
Fyrsta flug easyJet frá Manchester lenti á Akureyrarflugvelli í gær en flogið verður á þriðjudögum og laugardögum frá nóvember út mars. Samtals verða þetta því 40 flug í vetur með 186 sætum hvert og því má búast við 6-7 þúsund farþegum í þessu flugi. Flug frá London Gatwick hófst í síðustu viku og stendur það fram á vor með sömu tíðni og fjölda sæta. Ætla má að flug á þessa áfangastaði geti skilað um 40 þúsund gistinóttum á landinu og aukningu landframleiðslu um 700 milljónir króna. Flugið frá London Gatwick til Akureyrar síðastliðinn vetur gekk framar vonum. Nýting var góð, stöðugur vöxtur í komum erlendra ferðamanna og heimamenn nýttu flugið mjög vel í helgarferðir eða tengingar lengra út í heim. Aðstæður á flugvellinum voru erfiðar vegna þrengsla en starfsfólkið þar á hrós skilið fyrir að veita frábæra þjónustu. Lendingar gengu vel á Akureyrarflugvelli og þurfti easyJet aldrei að nota varaflugvellina. Það sýndi sig að í slæmu veðri þar sem innanlandsflug lá niðri var þrátt fyrir það hægt að fljúga út í heim án vandkvæða. Þannig gat ferðaþjónustan tekið á móti ferðafólki og sýnt Norðurland í fallegum vetrarbúningi. -
Kvenfélagið Hjálpin gefur 1.100.000 kr
Nú á haustdögum varð kvenfélagið Hjálpin í Eyjafjarðarsveit 110 ára. Í kvenfélaginu starfa tuttugu og fjórar konur auk nokkurra heiðursfélaga. Við erum á aldrinum 24 ára til 76 ára og meðalaldur okkar er 48 ár. Við erum vinkonur, nágrannar, bekkjarsystur, systur og í félaginu starfa í dag 3 pör af mágkonum, 3 pör af mæðgum og 5 pör af tengdamæðgum. Í tilefni af 100 ára afmælinu gáfum við út bókina Drífandi daladísir þar sem eru myndir og upplýsingar um allar 231 félagskonurnar ásamt sögu félagsins í máli og myndum. -
Atvinnulíf og uppbygging í Norðurþingi
Það eru spennandi tímar í atvinnulífinu í Norðurþingi en sveitarstjórn hefur unnið ötullega í þessum málaflokki á kjörtímabilinu, m.a. með áherslu á Grænan iðngarð á Bakka. -
Ungt fólk er meira en bara meme og sketsar á TikTok
Ungt fólk er meira en bara einn hópur. Ungt fólk samanstendur af mörgum mismunandi hópum, með mismunandi skoðanir, áhugamál og þarfir. Að reyna að ná til þeirra einungis með stuttum sketsum, meme-um og „brain rot “ efni á TikTok er mikil einföldun. Ungt fólk hefur líka áhuga á pólitík, vill fara á dýptina í málum og kynna sér stefnur flokka áður en það mótar sér skoðun. Ungt fólk á betra skilið en efni í litlum gæðum sem er of stutt til að geta talist upplýsandi. -
Það er ekki allt að fara til fjandans!
Af hverju tölum við niður kennara og annað starfsfólk sem vinnur með börnunum okkar? Hvers vegna köllum við ábyrga foreldra leiðinlega og tökum umræðu um börn og ungmenni stöðugt útfrá neikvæðustu rannsóknargögnum sem völ er á? Það tapa allir þegar að við tölum niður framtíð landsins.
