Dagskráin 18.desember - 8.janúar 2025
Háskólinn á Akureyri vill vera leiðandi í gervigreind
Magnús Smári Smárason til vinstir, Gísli Ragnar Guðmundsson. til hægri
Það hefur ekki farið fram hjá neinum hve mikið pláss gervigreindin er farin að taka. Einhverjir óttast gervigreindina en aðrir sjá tækifærin sem í henni felast og á það svo sannarlega við um Háskólann á Akureyri. Stúdentar og starfsfólk hafa verið að nýta gervigreindina í sínum störfum og hefur Kennslu- og upplýsingamiðstöð Háskólans á Akureyri (KHA) meðal annars staðið reglulega fyrir fyrirlestrum og vinnustofum sem snúa að gervigreind. Þriðjudaginn 3. desember sl. fékk starfsfólk góða heimsókn frá Gísla Ragnari Guðmundssyni sem starfar sem sérfræðingur í gervigreind hjá Háskóla- iðnaðar- og nýsköpunarráðuneytinu. Gísli átti fundi með sérstökum einingum skólans auk þess sem hann hélt erindi og vinnustofu þar sem starfsfólk fjölmennti. Gísli leiddi vinnuna að aðgerðaráætlun Íslands um gervigreind og fór meðal annars yfir hana, tækifærin sem felast í gervigreindinni, gagnleg tól og hvernig er hægt að nýta gervigreindina til sóknar í námi og rannsóknum frekar en að líta á hana sem ógn eða hindrun.
Verkefnastjóri í gervigreind hefur störf við HA í janúar
Magnús Smári Smárason hefur verið ráðinn í nýtt starf verkefnastjóra í gervigreind. Starfið er til tveggja ára og mun Magnús hefja störf í byrjun janúar 2025. Aðalverkefni Magnúsar verður að stýra innleiðingu og þróun gervigreindar innan háskólans, með sérstakri áherslu á fræðslu, ráðgjöf og mótun stefnu í tengslum við þessa byltingarkenndu tækni.
Magnús mun leiða verkefni sem efla nýtingu gervigreindar innan háskólans með því að styðja stoðþjónustu og akademískt starfsfólk við að nýta tæknina í störfum sínum, auk þess að sjá um fræðslu og skipulag námskeiða fyrir starfsfólk og stúdenta. Þá verður hann í forsvari fyrir mótun og innleiðingu gervigreindarstefnu skólans í samvinnu við stjórnendur, starfsfólk og stúdenta skólans.
HA tekur stórt skref inn í framtíðina með tímamótaráðningu
Dr. Áslaug Ásgeirsdóttir rektor HA segir að ráðning Magnúsar séu tímamót fyrir Háskólann á Akureyri. „Gervigreindin er þegar farin að hafa áhrif í háskólum og er líkleg til að umbylta menntun, störfum og rannsóknum. Því er mikilvægt fyrir starfsfólk og nemendur að læra hvernig er hægt að nýta sér þessa tækni, sem og takmarkanir gervigreindarinnar,“ segir Áslaug.
„Með þessari ráðningu er HA að taka stórt skref inn í framtíðina með því að móta gervigreindarstefnu fyrir Háskólann á Akureyri sem miðar að því að valdefla og styðja starfsfólk og stúdenta skólans að nýta sér gervigreind í námi og starfi,“ segir Dr. Auðbjörg Björnsdóttir forstöðumaður KHA.
Magnús hefur ástríðu fyrir gervigreind og hefur meðal annars sótt námskeið í gervigreind og gagnavísindum hjá University of Oxford og starfað með Erdos Research Labs, sem miðar að því að endurhugsa menntun með tilliti til gervigreindar. Magnús hefur víðtæka reynslu af kennslu og þróun námskeiða og hefur nýtt þá þekkingu til að setja upp námskeið og fyrirlestra um gervigreind og hefur skrifað fjölda pistla um samfélagsleg áhrif tækninnar. Þá er Magnús með meistarabréf í múriðn, með BA gráðu í lögfræði frá Háskólanum á Akureyri og stundar meistaranám í sama fag
Nýjast
-
Hjálpræðisherinn -Von og hlýja á jólunum fyrir þá sem þurfa mest á því að halda
Jólahátíðin er tími gleði, samveru og gjafa fyrir flesta, en fyrir aðra er hún áminning um erfiðar aðstæður. Fátækt, einmanaleiki og óöryggi eru veruleiki margra á þessum árstíma. Fyrir þá sem glíma við slíkar áskoranir hefur Hjálpræðisherinn staðið sem fastur punktur í mörg ár. Með hjálp sinni gefur Hjálpræðisherinn fólki ekki aðeins lífsnauðsynjar heldur einnig von og hlýju, eitthvað sem getur breytt öllu á hátíð sem snýst um kærleika og samkennd. -
Jólaminningar
Í æskuminningunni var alltaf snjór um jólin. Í jólagjafaleit var farið í Kaupfélag Þingeyinga, en einnig í búðir sem háðu samkeppni við kaupfélagið, Bókabúðina, Skóbúðina og Lenubúð. Þar var allt til alls. -
Dylan Anderson gestalistamaður Gilfélagsins í desember sýnir í Deiglunni.
Myndlistarmaðurinn Dylan Anderson frá New York (f. 2001, Evanston, IL) sem hefur dvali í gestavinnustofu Gilfélagsins síðasta mánuðinn, heldur sína fyrstu einkasýningu á ljósmyndum í Deiglunni á Akureyri. -
Bernskuminningar Hrefnu Hjálmarsdóttur
Á björtum og fallegum sunnudegi fór ég í heimsókn til Hrefnu Hjálmarsdóttur og ræddi við hana um hátíðar bernskuminningar hennar. Hrefna, sem fædd er árið 1943, ólst upp í Vesturbænum í Reykjavík. -
Jólahugvekja - Máttur trausts, einlægni og kærleika.
Það er komið að því. Undanfarnar vikur höfum við leyft okkur að undirbúa jólin, og undirbúa okkur sjálf undir jólin. Einhver okkar hafa látið jólalögin koma sér í rétta skapið, eða lagt sig fram um að umbera þau. Ég og fleiri tókum þátt í Whamageddon, reyndum að lifa aðventuna af án þess að heyra Last Christmas með gæðadrengjunum í Wham. Ég tórði ekki lengi en það er í lagi, þeir eru ágætir. -
Gleðileg jól!
Með þessum skemmtilegu myndum sem teknar voru á jólatrésskemmtun Skógræktarfélags Eyjafjarðar um liðna helgi sendir starfsfólk Vikublaðsins sínar bestu óskir til lesenda um gleðileg jól! -
Tónninn í þögninni.
Fyrir nokkrum árum kom fram hugtakið núvitund. Líkt og Íslendinga er siður helltum við okkur á kaf í málið og núvitund varð nýjasti plásturinn. Bjargráðið við óhófinu sem við höfum tileinkað okkur og kapphlaupinu um allt og ekkert. Óhóf kostar mikla peninga sem kalla á óhóflega vinnu og óhóf leiðir af sér heilsubrest, ekki síst andlega. Núvitund var lausnin við vanlíðan okkar svo við skelltum henni ofaná allt hitt. Skárum ekkert niður og héldum keppninni áfram. -
Hátíðarhefðir hjá prestum -Munur á helgihaldspresti og sjúkrahússpresti á jólunum
Jólin er hátíð sem margir þekkja og margir hafa sínar hefðir um jólin. Í guðspjöllunum kemur fram að María og Jósef fæddu barn sem var talið barn Guðs. -
Gul viðvörun í veðrinu
Lögreglan á Norðurlandi eystra sendi út tilkynningu fyrir skömmu og varar þar við veðri sem skella mun á okkur seinna í dag og standa fram á nótt.
