30. október - 6. nóember - Tbl 44
Háskólinn á Akureyri þátttakandi í Sjávarútvegsskóla GRÓ
Stúdentahópurinn Mynd Magnús Víðissson
Háskólinn á Akureyri hefur verið virkur þátttakandi í Sjávarútvegsskóla Sameinuðu þjóðanna frá upphafi hans árið 1998. Skólinn er nú nefndur Sjávarútvegsskóli GRÓ, eftir að hann var fluttur undir GRÓ Þekkingarmiðstöð þróunarsamvinnu, sem starfar undir merkjum UNESCO, Mennta-, vísinda- og menningarmálastofnun Sameinuðu þjóðanna.
Stúdentum skólans er skipt í fjóra hópa eftir að þeir hafa allir verið saman í upphafshluta námskeiðsins. Einn hópurinn er staðsettur við Háskólann á Akureyri. Í ár sækja tíu stúdentar skólann sem er hýstur í HA. Stúdentarnir eru frá Líberíu, Sierra Leone, Keníu, Tansaníu, Malawi, Papúa Nýju-Gíneu, Solomoneyjum, Fiji og Sri Lanka og munu þeir dvelja hér fram í maí.
„Þau eru að læra um hvernig á að stjórna fiskveiðum í mjög víðu samhengi, hvernig veiða má á sjálfbæran hátt, hvernig hafa má veiðarnar arðbærar og hvernig samfélagið getur haft sem mestan hag af. Dagskráin er mjög fjölbreytt og það eru um tuttugu [FH1] starfsmenn HA sem leiðbeina og kenna þessum stúdentum. Auk þess er mikið samstarf við Fiskistofu, sem er með okkur í húsi. Afar mikilvægur hluti af þessu er líka heimsóknir í fyrirtæki á svæðinu. Þar hefur okkur ávallt verið afar vel tekið,“ segir Hreiðar Þór Valtýsson, deildarforseti Auðlindadeildar og umsjónarmaður Sjávarútvegsskólans á Akureyri.
Tengir saman sjávarútveg, menningu og sögu
„Sem meðlimur GRÓ FTP (Fisheries training program) er ég með skammtíma- og langtímamarkmið. Langtímamarkmið mitt er að gera verkefni um kenískan sjávarútveg þar sem ég mun fjalla um samvinnu milli hagsmunaaðila í sjávarútvegi. Í Keníu er ekki gott samband milli stjórnvalda og almennings þegar kemur að ákvörðunum í sjávarútvegi. Í framtíðinni langar mig að gerast doktor í mannfræði sem tengir saman sjávarútveg, menningu og sögu. Skammtímamarkmið mitt hér er er að taka þátt í sjálfbærniráðstefnu sem haldin verður við Háskólann á Akureyri 12. apríl næstkomandi,’’ segir Patrick Wanguche Otuo frá Keníu, sem segir ýmsar áskoranir fylgja því að búa á Akureyri þennan tíma. „Auðvitað er erfitt að vera í burtu frá fjölskyldu og vinum og ég sakna Keníu. Veðrið er ólíkt heimalandinu og ég er vanur meira sólskini. Hins vegar eru Akureyringar og Íslendingar almennt mjög vingjarnlegir. Ísland er einnig mjög friðsamur staður. Þessir þættir gera dvölina ekki það krefjandi.’’
Patrick segir ýmislegt skemmtilegt þegar hafa átt sér stað. „Samskipti við fjölbreytta einstaklinga hafa gefið mér dýrmæt tækifæri, eins og að taka þátt í sjálfbærniráðstefnunni. Þá hef ég einnig þegar náð að eignast vini á staðnum. Það skemmtilegasta sem við höfum gert nú þegar er líklega ferð sem við fórum í á Hauganes með Magnúsi Víðissyni og Freysteini Nonna Mánasyni, aðjúnktum við Auðlindadeild HA. Við fórum í hvalaskoðun þar sem við sáum hnúfubaki og veiddum mikið af þorski, og síðan fengum við frábæra kynningu frá Elvari Reykjalín, eiganda Ekta Fisks. Þá enduðum við ferðina á því að borða mjög góðan fisk á Baccalá Bar á Hauganesi,’’ segir Patrick glaður í bragði.
Alltaf gott veður á Akureyri
„Hingað til hefur mér líkað dvölin á Akureyri. Umhverfið er vinalegt og íbúarnir líka. Annað en fyrir sunnan þá er strætó frír! Hins vegar undirbjuggum við okkur fyrir það versta áður en við komum norður. Okkur hafði verið sagt að Akureyri væri mun kaldari staður en Suðurlandið og við höfðum áhyggjur af því. Við erum þó enn að bíða eftir þessu slæma og kalda veðri,’’ segir Patrick að lokum.
Nýjast
-
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri. -
Flokkur fólksins er fyrir þig
Ég er þakklátur fyrir að vera sýnt það traust að fara fyrir frábærum frambjóðendum Flokks fólksins í Norðausturkjördæminu í komandi Alþingiskosningunum. Öll mín orka og þrek mun fara í að standa vörð um kjördæmið okkar. Flokkur fólksins hefur verið einarður málsvari landsbyggðarinnar og talað óhikað fyrir framtíð sjávarbyggðanna og jöfnun búsetuskilyrða. -
Hvaða þjónusta skiptir þig máli?
Maskína er um þessar mundir að gera þjónustukönnun fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu. -
Uppeldi á Íslandi í dagsins önn
Sigurbjörg Anna Þorleifsdóttir, stúdent í meistaranámi við Sálfræðideild, vinnur þessa dagana að meistaraverkefni sínu og rannsókn sem skoðar mismunandi uppeldisaðferðir í tengslum við hegðun barna á Íslandi. Dr. Hilal Sen, lektor við Sálfræðideild, er leiðbeinandi Sigurbjargar.
