Háskólinn á Akureyri iðar af lífi
Það er alltaf mikið líf sem fylgir nýju skólaári, sama á hvaða skólastigi það er. Þar er Háskólinn á Akureyri engin undantekning. Gangarnir eru iðandi af stúdentum, starfsfólki og ýmislegt nýtt sem lítur dagsins ljós í góðu samstarfi eininga og annarra stofnana.
Fyrir skemmstu fór í fyrsta skipti á Íslandi af stað námskeiðið ReDo, sem stendur fyrir ReDesigning Daily Occupations. Námskeiðið er fyrir iðjuþjálfa og er á vegum Símenntunar Háskólans á Akureyri í samvinnu við Iðjuþjálfunarfræðideild skólans. ReDo námskeiðið er hópíhlutun sem byggir á iðjuþjálfunarfræði og er þróuð af Lena-Karin Erlandsson, prófessor í iðjuþjálfun við Halmstad Högskola í Svíþjóð.
Lena og Susanne Bohs, Msc. í iðjuþjálfun við Malmö Stad, komu til landsins og héldu þriggja daga staðnámskeið sem er svo fylgt eftir með fjartímum. Dr. Björg Þórðardóttir, kennari og rannsakandi við Oslo Met háskólann í Noregi og Háskólann á Akureyri, hafði áður þýtt handbókina fyrir námskeiðið á íslensku. „Næsta námskeið verður líklega kennt í fjarkennslu af því að þetta tókst svo vel og námskeiðshaldarar voru alsælir með íslenska iðjuþjálfa“ segir Björg eftir reynslu síðustu viku.
Á dögunum fór svo af stað ný námsleið í ráðgjöf í málefnum fólks með heilabilun. Námsleiðin er dæmi um árangursríkt samstarf. Heilbrigðisráðuneytið leitaði til skólans með að leiða skipulagningu og undirbúning á námskrá fyrir námið sem er þverfræðilegt og kennt í samstarfi við félagsráðgjafadeild Háskóla Íslands. Undirbúningur hófst árið 2020, styrkur í verkefnið fékkst því næst úr samstarfssjóði Háskóla í febrúar 2024 og þá var hægt að fara í kennslu og framkvæmd.
Sú framkvæmd byrjaði í síðustu viku þegar fyrstu stúdentar mættu á svæðið og sátu fyrstu lotu námsins. Kristín Þórarinsdóttir, dósent við Heilbrigðis-, viðskipta- og raunvísindasvið skólans, sem leiddi vinnuhópinn við skipulagningu og undirbúning námsins segir: „Fagfólkið sem við munum útskrifa úr þessari nýju framhaldsnámsleið getur m.a. unnið hjá heilsugæslum, í minnismóttökum á Landakoti og á Sjúkrahúsinu á Akureyri, í heimahjúkrun, félagsþjónustu og á hjúkrunarheimilum.“
Öflugt samstarf líkt og birtist í þessu nýja námi er ekki sjálfgefið og þurfa allir hlutaðeigandi að leggja í það talsverða vinnu. Á sama tíma er samvinnan krafturinn sem leiðir til framþróunar ásamt auknu framboði og aðgengi fyrir samfélagið að námi. Háskólinn á Akureyri er í góðu samstarfi við ýmsa aðila samfélagsins og eru þetta tvö góð dæmi um það.
Nýjast
-
Dansaðu vindur
Á Íslandi er eftirspurnin eftir raforku mikil. Það er jákvætt að atvinnulífið sé svo blómlegt að umframeftirspurn hafi myndast en neikvætt ef stjórnvöld ná ekki að tryggja að af framkvæmdum verði vegna seinagangs í uppbyggingu á raforkukerfinu. Til mikils er að vinna svo hugmyndir og tækifæri renni ekki úr greipum okkar. -
Tollfrelsi minni skemmtiferðaskipa afnumið um næstu áramót
„Það er augljóst eins og málið horfir við okkur að þetta verður skaði fyrir landsbyggðina, sérstaklega minni staði þar sem skipin skipta miklu máli fyrir samfélagið,“ segir Jóhanna Tryggvadóttir verkefna- og markaðsstjóri Hafnasamlags Norðurlands. Um næstu áramót verður tollfrelsi sem m.a. leiðangursskip hafa notið hér við land afnumið o -
Danskan á undir högg að sækja
Helga Dögg Sverrisdóttir skrifar -
Sálfélagsleg þjónusta við börn og ungmenni efld hjá HSN með nýju geðheilsuteymi barna
Fleiri stöðugildi en áður - vel gekk að ráða í störf sérfræðinga - Öflug geðheilbrigðisþjónusta fyrir börn á Norður- og Austurlandi -
Kærkomið nýtt hitatæki í hársnyrtiiðn VMA
Fyrirtækið Halldór Jónsson í Reykjavík færði námsbraut í hársnyrtiiðn Verkmenntaskólans á Akureyri veglega gjöf á dögunum, Climazone hitatæki, sem nýtast mun vel í kennslunni. Gjöfin er gefin í tilefni af 40 ára afmæli skólans. -
Háskólinn á Akureyri iðar af lífi
Það er alltaf mikið líf sem fylgir nýju skólaári, sama á hvaða skólastigi það er. Þar er Háskólinn á Akureyri engin undantekning. Gangarnir eru iðandi af stúdentum, starfsfólki og ýmislegt nýtt sem lítur dagsins ljós í góðu samstarfi eininga og annarra stofnana. -
Tóku við veglegri gjöf Framsýnar
Aðalfundur Framsýnar stéttarfélags samþykkti að færa Styrktarfélagi HSN í Þingeyjarsýslum að gjöf kr. 15.000.000,- til kaupa á tækjum og búnaði til að efla starfsemina enn frekar -
Þingeyjarsveit hástökkvari norðursins
Þingeyjarsveit er í toppbaráttunni á Norðurlandi eystra þegar kemur að tölum yfir íbúa. Nýjar tölur frá Þjóðskrá um íbúafjölda sveitarfélaga sýna að íbúum. Þingeyjarsveitar hefur fjölgað um 89 frá 1. desember 2023 til 1. september 2024 eða um 6%. -
Ný glæsileg fríhöfn opnar á Akureyrarflugvelli n.k laugardag
Hjördís Þórhallsdóttir flugvallarstjóri á Akureyrarflugvelli segir i morgun í færslu á Facebokarvegg hennar frá opnun nýrrar fríhafnar á flugvellinum. Vefurinn fékk leyfi til þess að birta færsluna.
Athugasemdir