Hannaði lykt af Íslandi
Anna Örvarsson ólst upp í úthverfi Washington DC en settist að á Akureyri fyrir 6 árum með manninum sínum, tónskáldinu Atla Örvarssyni. Anna er bæði mannfræðingur og hönnuður að mennt og hefur hún starfað á sviði innanhúshönnunar í Los Angeles síðustu 15 ár.
Anna segist vera afskaplega ánægð á Akureyri, þar sé hún jarðtengd. „Ég hef bæði búið í borg og í sveit og mér finnst sveitin betri, því einangraðra því betra. Ég er mikið náttúrubarn og við vildum að börnin okkar myndu alast upp í betra umhverfi. Akureyri var kjörinn staður, enda er Atli héðan.“
Lífsstílsverslunin Fjord
Árið 2019 opnaði Anna lífsstíls- og konseptverslunina Fjord í hjarta Akureyrar, en í henni má finna ýmsar vandaðar heimilis- og lífsstílsvörur innblásnar af íslenskri náttúru.
Í Fjord má finna ýmsan varning sem Anna hannar sjálf, ásamt vörumerkjum eins og t.d. Farmers Market, en Anna segir að það hafi myndast ákveðinn spenningur hjá Akureyringum fyrir því. „Ég hugsa að Farmers Market merkið verði vinsælt hjá okkur um jólin, en það er komið aftur til Akureyrar eftir 5 ára pásu.“
Anna býr til kerti í mörgum fallegum litum.
Eins og í allri verslun er jólatörnin mikilvægur tími og það er óhætt að segja að mikið úrval af jólagjöfum sé að finna hjá Önnu. „Kertin okkar, sem unnin eru úr náttúrulega býflugnavaxi, eru rosalega vinsæl og þau eru í svo fallegum litum. Við erum einnig með lítil, handgerð keramikblóm og fólk elskar að nota Móa, heimilisilminn til að spreyja á þau. Ég held að þetta væru frábærar jólagjafir.“
Nýr heimilisilmur þróaður í Frakklandi
Anna segir að hugmyndin á bakvið verslunina sé „The slow living movement“ (sem einhver þýddi á íslensku sem: Njóta en ekki þjóta – innskot blaðamanns) en í versluninni eru vörurnar gerðar á eins náttúrulegan hátt og hægt er, ásamt því að forðast að nota óendurnýjanlegar eða skaðlegar auðlindir.
Anna fær útrás fyrir sköpunargáfuna en reynir að stuðla ekki að neysluhyggju og hefur ekki áhuga á fjöldaframleiðslu. „Ég hef alltaf haft mikla sköpunargáfu ásamt því að vera, eins og ég sagði áður, mikið náttúrubarn. Mannúðarmál skipta mig líka miklu máli. Ég sinni góðgerðarmálum fúslega og hef alltaf reynt að leggja mitt af mörkum til heimilislausra.“
Anna hannaði heimilisilminn MÓA í Frakklandiog telur hann endurspegla íslenska náttúru.
Hún leggur mikinn metnað í verslunina og er til að mynda nýlega búin að vera í Frakklandi að þróa nýjan heimilisilm. „Frakkar eru þekktir fyrir ilmvatnsgerð og við ákváðum að við þyrftum að fara á aðal ilmvatnsstaðinn til að búa til þennan ilm.“ Úr varð til ilmurinn Mói, en hann einkennist af mosa og mjúkum viðartónum, eða einfaldlega íslenskri náttúru.
Anna segir að það taki tíma og sé dýrt að hanna heildstæða línu, en hún sé að vinna í því. „Í dag panta ég vörur frá hönnuðum og fyrirtækjum í sambland við mína hönnun,” segir hún og að þannig takist henni að skapa heildstætt útlit fyrir verslunina á meðan hún þróar hægt og rólega stærri línu.
VET
Nýjast
-
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli. -
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“
