13.nóvember - 20.nóvember - Tbl 46
Hagkvæmar leiguíbúðir á Akureyri
Björn Snæbjörnsson.
Verkalýðshreyfingin hefur ávallt lagt ríka áherslu á húsnæðismál, haft frumkvæði að mótun og endurreisn félagslegs leiguíbúðakerfis og beitt sér fyrir því að byggt verði upp varanlegt og traust kerfi.
Í nýafstöðnum kjaraviðræðum náðist mikilvægur áfangi í þessum efnum, meðal helstu atriða í innleggi ríkisstjórnarinnar í tengslum við kjarasamningana er aukið fjármagn til húsnæðismála. Sérstaklega er tekið fram að unnið verði með aðilum vinnumarkaðarins að leiðum til að auðvelda ungu fólki fyrstu kaup, auk þess sem núverandi nýting til séreignarsparnaðar verði framlengd.
Fjórðungur í leiguhúsnæði
Það er ekki að ástæðulausu að verkalýðshreyfingin berst fyrir því að stórátak verði gert í húsnæðismálum. Húsnæðisvandi þeirra tekjulægstu er gríðarlegur og hið opinbera verður að styðja við fólk sem vill eignast húsnæði og sömuleiðis verður að stórbæta réttarstöðu þeirra sem leigja húsnæði. Samkvæmt könnun sem Gallup gerði meðal félagsmanna Einingar-Iðju á síðasta ári, bjuggu 24,9% félagsmanna í leiguhúsnæði og 13,3% í foreldrahúsum.
Framkvæmdir hafnar á Akureyri
Bjarg íbúðafélag var stofnað af ASÍ og BSRB í lok árs 2016. Félagið er rekið án hagnaðarsjónarmiða og er ætlað að tryggja tekjulágum fjölskyldum á vinnumarkaði aðgengi að öruggu íbúðarhúsnæði í langtímaleigu á hagstæðu verði. Bjarg stefnir að því að byggja hagkvæmar, vel hannaðar íbúðir víða um land, meðal annars á Eyjafjarðarsvæðinu. Á Akureyri er stefnt að byggingu 75 íbúða. Framkvæmdir við byggingu fjölbýlishúss við Gudmannshaga 2 á Akureyri hófust nýverið. Í húsinu verða rúmlega þrjátíu íbúðir og verða þær tilbúnar til afhendingar eftir rúmt ár, nú þegar hafa 50 manns lagt inn umsókn um íbúð.
Þetta er merkur áfangi og víst er að íbúðirnar koma að góðum notum. Eining-Iðja mun áfram leggja lóð á vogarskálarnar, þannig að þetta brýna hagsmunamál verði að veruleika á félagssvæðinu. Samkvæmt könnun sem Gallup gerði, styðja langflestir félagsmenn aðkomu verkalýðshreyfingarinnar að byggingu félagslegra íbúða.
Allar upplýsingar á heimasíðu Bjargs
Á heimasíðu Bjargs má finna ýmsar upplýsingar um félagið, m.a. hvernig á að sækja um íbúð og eins má finna þar fjölda svara við spurningum sem geta komið upp ef fólk er að hugsa um að sækja um íbúð hjá Bjargi. Á heimasíðunni eru meðal annars ítarlegar úthlutunarreglur. Eingöngu fullgildir félagsmenn ASÍ og BSRB koma til greina við úthlutun íbúðanna.
Þá segir í úthlutunarreglunum að greiðslubyrgði leigu skuli að jafnaði ekki fara umfram 25%-30% af heildartekjum leigutaka að teknu tilliti til húsnæðisbóta. Þar sem framkvæmdir eru nú hafnar á Akureyri er full ástæða til að óska verkafólki til hamingju með þennan góða áfanga í húsnæðismálum. Stofnun Bjargs er stórt framfaraskref á íslenskum húsnæðismarkaði, sem sannarlega þarf að taka tillit til tekjulágra fjölskyldna.
-Höfundur er formaður Einingar-Iðju og formaður Starfsgreinasambands Íslands
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
