Hættulegur förunautur.
Svanhildur Daníelsdóttir átti lokaorðið í blaðinu s.l. fimmtudag
Allt sem við veitum athygli vex og dafnar. Fyrir um ári síðan náði reiðin heljar tökum á hjörtum okkar vegna stríðsins fyrir botni Miðjarðarhafs. Ástandið þar versnar enn, dag frá degi og nærir reiðina í brjóstum okkar. Heimsbyggðin öll stendur á öndinni ráðalaus. Við erum öskureið og örvæntingarfull. Það eru heilbrigð og eðlileg viðbrögð. Verra væri ef okkur væri sama og ypptum bara öxlum. Reiðin er hins vegar afar hættulegur förunautur til lengdar.
Reiði hefur oftast hrundið af stað alvarlegustu stríðum heims, ásamt græðginni. Það var einmitt reiðin sem hratt af stað umræddu stríði, sem síðan leiddi svo af sér söngvakeppnistríðið hér heima. Reiðin vall í okkur og byrgði okkur alla sýn vegna þess að meðal þjóðanna þrjátíu var stríðandi þjóð. Vopnin sem við notuðum af afli í okkar stríði voru kjaftur, klær og níðhögg. Söngvakeppnin sem margir fylgjast með í barnslegri gleði varð skyndilega að heiftúðlegu bitbeini. Fordæmingar og ljót orð féllu í garð keppenda, þeirra sem unnu við keppnina og jafnvel í garð þeirra sem voguðu sér að horfa á keppnina. Fólk dró fyrir glugga og hélt því leyndu ef það fylgdist með keppninni af hræðslu við að fá yfir sig formælingar.
Fram til þessa dags hafa ekki síst krakkar haft gaman af keppninni og fjölskyldur haldið partý með poppi og snakki og skemmt sér yfir litríkum atriðum, karakterum og búningum. Sumum finnst keppnin lágmenningarleg peningasóun og fíflaleg og það er allt í lagi að finnast það. Það er líka allt í lagi að finnast hún skemmtileg og nota tækifæðið til að hittast og sprella. Margir óþekktir laga- og textahöfundar hafa fengið dýrmæt tækifæri sem og óþekktir flytjendur, ekki síst ungt fólk og margar perlur hafa orðið til. Þetta er keppni í tónlist. Keppni í lagagerð, textagerð, tækni- og sviðsatriðum.
Tónlist er heilög og hafin yfir hroðann sem stríðin valda. Tónlist sameinar og tónlist er samofin lífi okkar bæði á gleði og sorgar stundum. Tónlist leggur líkn með þraut og mörg frægustu lög og tónverk heims hafa verið samin í sorg og hörmungum, bæði klassísk- og dægurtónlist. Við ættum ekki að leyfa morðóðum að næra reiðina í brjóstum okkar og sundra vinum, vinnufélögum og fjölskyldum. Við ættum að velja gleðina. Því allt sem við veitum athygli vex og dafnar – líka reiðin.
Nýjast
-
Hættulegur förunautur.
Allt sem við veitum athygli vex og dafnar. Fyrir um ári síðan náði reiðin heljar tökum á hjörtum okkar vegna stríðsins fyrir botni Miðjarðarhafs. Ástandið þar versnar enn, dag frá degi og nærir reiðina í brjóstum okkar. Heimsbyggðin öll stendur á öndinni ráðalaus. Við erum öskureið og örvæntingarfull. Það eru heilbrigð og eðlileg viðbrögð. Verra væri ef okkur væri sama og ypptum bara öxlum. Reiðin er hins vegar afar hættulegur förunautur til lengdar. -
Níu í prófkjöri Pírata í Norðausturkjördæmi
Níu einstaklingar taka þátt í prófkjöri Pírata í Norðausturkjördæmi. Það hófst í dag og stendur til þriðjudags.Frambjóðendum gafst í dag tækifæri að kynna sig á kosningafundi sem Píratar stóðu fyrir í Reykjavík eða með að senda inn myndband á þann fund. Fimm af níu frambjóðendum kjördæmisins nýttu þann valkost.Fyrstur þeirra var Viktor Traustason, sem vakti athygli í vor er hann bauð sig fram til forseta Íslands. Viktor sagðist ekki sækjast eftir oddvitasætinu, hann hefði aðeins farið inn á vef Pírata og skráð sig í prófkjör. Viktor hefur að mestu búið á Austurlandi síðustu tvö ár og starfað þar í sláturhúsi og við fiskvinnslu.Theodór Ingi Ólafsson býr í Reykjavík en er ættaður frá Akureyri. Hann starfar sem forstöðumaður í íbúðakjarna fyrir geðfatlaða. Hann býður sig fram í oddvitasætið.Adda Steina er fyrrum tómstunda- og forvarnarfulltrúi Fljótsdalshéraðs. Hún sagðist taka hvaða sæti sem er en „tæki efsta sætinu fagnandi.“Bjarni Arason, sem er lærður lögreglumaður og ferðamálafræðingur á Grenivík og Aðalbjörn Jóhannsson úr Norðurþingi, háskólanemi sem starfað hefur í menntakerfinu, tóku ekki fram sérstök sæti en þeir kynntu sig á myndbandi.Að auki eru í framboði Rúnar Gunnarsson, yfirhafnarvörður á Seyðisfirði, Guðrún Ágústa Þórdísardóttir, fyrrum varaþingmaður flokksins í kjördæminu, Júlíus Blómkvist Friðriksson, sölumaður hjá Tölvuteki á Akureyri Lena Sólborg Valgarðsdóttir, leikskólastjóri í Kópavogi.Kosning í prófkjörinu hófst klukkan 16:00 og stendur í tvo sólarhringa. Það er bindandi fyrir fimm efstu sætin en kjörstjórn raðar í önnur sæti. -
Framboðslisti Sjálfstæðisflokksins í Norðausturkjördæmi fyrir komandi kosningar
Listinn var samþykktur í heild sinni á lokin á viðburðaríku tvöföldu kjördæmisþingi Sjálfstæðisfólks í Mývatnssveit í dag. -
Bjarkey Ólsen Gunnarsdóttir stígur til hliðar og hættir þingmennsku
Bjarkey Ólsen Vinstir Grænum tilkynnir á Facebook síðu sinni i dag að hún hafi ákveðið að stíga til hliðar sem þingmaður og verði ekki i kjöri í komandi kosningum. -
Njáll Trausti skipar annað sæti Sjálfstæðisflokksins
Njáll Trausti Friðbertsson, þingmaður Sjálfstæðisflokksins í Norðausturkjördæmi, verður í öðru sæti á lista flokksins fyrir komandi þingkosningar. Kjörið var á kjördæmisþingi flokksins í Mývatnssveit í dag -
Jens Garðar oddviti Sjálfstæðisflokksins í Norðausturkjördæmi
Jens Garðar Helgason var í dag kjörinn oddviti Sjálfstæðisflokksins í Norðausturkjördæmi. Valið var milli hans og Njáls Trausta Friðbertssonar, oddvita í kosningunum 2021, á kjördæmisþingi í Mývatnssveit í dag. -
Nýr verktaki tekur við byggingu íbúðakjarna við Hafnarstræti
Samningi um byggingu 6 íbúða fyrir fatlaða í íbúðakjarna við Hafnarstæti 16 á Akureyri hefur verið rift. Nýr verktaki hefur verið ráðinn til að ljúka verkinu og er góður gangur í því nú að sögn Huldu Elmu Eysteinsdóttur formanns Velferðarráðs. -
Skapandi greinar í öndvegi í Grenivíkurskóla
Börn á Grenivík undirbúa bókaverslun með eigin verkum -
Skoðanagrein - Fréttatilkynning lögreglustjóra
Mikið hefur verið skrifað og skrafað um fréttatilkynningu Lögreglustjórans á Norðurlandi eystra 26. september þess efnis að embættið hefði hætt rannsókn á ætlaðri byrlun, afritun á upplýsingum af síma einstaklings og dreifingu á kynferðislegu efni sem hann geymdi. Ástæða umræðunnar er sú að ekki er venjan að lögreglustjórar birti svona langar tilkynningar þegar ákvörðun er tekin um að hætta rannsóknum sakamála.
