13.nóvember - 20.nóvember - Tbl 46
Grátlega erfið staða hjá mörgum
Ekki óalgeng sjón fyrir utan heimili Sigrúnar á Akureyri. Bæjarbúar koma með matvæli sem koma þeim til góða sem hafa ekki úr miklu að moða.
-Örvæntingarfull skilaboð frá fólki sem á ekkert
mth@vikubladid.is
„Staðan er mjög erfið hjá mörgum, það er greinilegt,“ segir Sigrún Steinarsdóttir sem stendur fyrir fésbókarsíðunni Matargjafir Akureyri og nágrenni. Undanfarna daga hafa hjálpsamir bæjarbúar komið með matvæli af ýmsu tagi að heimili hennar, „og hann stoppar stutt við,“ segir hún.
Auk þess sem bæjarbúar hafa lagt fram matvæli hefur Sigrún lagt inn á Bónuskort hjá þeim sem ekki eiga mat fyrir sig og sína. „Ég er að afgreiða í bilinu 8 til 10 beiðnir á dag auk þess sem fólk er að sækja mat hér fyrir utan heima,“ segir hún.
Stöðugt bætast nýjar fjölskyldur við
„Þetta er mjög stór hópur sem ekki á fyrir mat, það er mikið af nýju fólki að óska eftir aðstoð,“ segir Sigrún og telur hópinn sem illa stendur alltof stóran. Að meðaltali afgreiði hún um 8 beiðnir á dag sem geri um 240 beiðnir í mánuði. „Ég fæ oft örvæntingarfull skilaboð, fólk á ekki neitt og þessi staða er bara hreint úr sagt grátleg,“ segir hún. „Ég var virkilega að vonast til þess að hagur fólk myndi batna, en því miður er staðan þannig að stöðugt koma inn nýjar fjölskyldur.“
Sigrún segir ungt fólk með börn áberandi í hópi þeirra sem leita aðstoðar matargjafanna, einnig öryrkjar, eldra fólk og einstæðingar. „Þetta er í raun fjölbreyttur hópur en því miður verð ég að forgangsraða, því það er alls ekki alltaf til peningar eða matur,“ segir hún en barnafjölskyldur gangi fyrir.
Nýjast
-
Endurreisnartónleikar Hymnodiu og SCS í Akureyrarkirkju n.k. sunnudag
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli. -
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“ -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins. -
Afleit veðurspá á morgun sýnum gát
Spáð er afar slæmu veðri seinnipart föstudagsins 15. nóvember. Óttast er að sambærilegar aðstæður gætu skapast á Akureyri og í september 2022, þegar sjór flæddi yfir hluta Oddeyrar og olli miklu tjóni. -
Kvikmynd um Kröflu sigraði á Landkönnunarhátíð á Húsavík
Alls voru níu kvikmyndir sýndar á hátíðinni sem haldin var í 10. sinn -
Oddvitar í Norðausturkjördæmi mætast í beinni útsendingu
Oddvitar framboðanna til Alþingis mætast í kvöld í beinni útsendingu á RÚV og vef Vikublaðsins . Rætt verður um áherslumál framboðanna í kjördæminu.
