Grafið undan góðu og nauðsynlegu starfi
Verið er að grafa undan góðu og nauðsynlegu starfi Markaðsstofu Norðurlands með því að hætta stuðningi við mikilvægasta verkefnið fyrir ferðaþjónustu á Norðurlandi segir í bókun sem gerð var á stjórnarfund MN en tilefni er það mörg af fjölmennustu sveitarfélögunum á Norðurlandi hafa hafnað beiðni MN um áframhaldandi stuðning við Flugklasann Air 66N.
Í hópi þeirra sem hyggjast ekki styðja við verkefnið áfram eru Akureyrarbær, Norðurþing, Sveitarfélagið Skagafjörður og Fjallabyggð. Verkefnið var sett á laggirnar árið 2011 og hafa sveitarfélög greitt sem nemur um 300 krónur á hvern íbúa þess í styrk árlega, en framlag Akureyrarbær verið nær 500 krónum á íbúa.
Í fundargerð stjórnar MN kemur fram að það að sveitarfélögin hætti stuðningi við verkefnið um komandi áramót þýði að óbreyttu að starf Flugklasans mun leggjast af og þar með markaðssetning fyrir beint millilandaflug til Akureyrar. Lýstu flestir stjórnarmenn vonbrigðum með þessa ákvörðun sveitarstjórnanna, sem í öllum tilfellum var tekin án nokkurs samtals við MN. Verkefnið hafi verið eitt hið mikilvægasta í starfsemi stofunnar og sé með ákvörðuninni grafið undan því.
Meirihluti stjórnar samþykkti að fela framkvæmdastjóra að óska eftir samtali við sveitarfélög, landshlutasamtök sveitarfélaga, ráðuneyti ferðamála, Isavia, Íslandsstofu, Austurbrú og aðra hlutaðeigandi aðila, til þess að ræða fármögnun og stefnu fyrir markaðssetningu á beinu millilandaflugi. Það starf þurfi að fjármagna og verði ekki unnið fyrir minni fjármuni en hingað til.
Hilda Jana Gísladóttir lagði fram sérstaka bókun á fundinum þar sem hún telur sig ekki hafa umboð frá SSNE til að taka afstöðu til fjármögnunar Flugklasans og muni því sitja hjá við afgreiðslu málsins. „Fyrir hönd samtakanna bendi ég þó á að það er sameiginleg áhersla SSNE að koma á á reglubundnu millilandaflugi til Norðurlands eystra líkt og fram kemur í samþykktri Sóknaráætlun Norðurlands eystra.“
Talsvert millilandaflug er framundan um Akureyrarflugvöll en þar má , m.a. nefna að easyjet muni fljúga áætlunarflug til London frá Akureyri tvisvar í viku og hefst það nú í lok október og stendur til loka mars á næsta ári. Leiguflug Voigt Travel er á dagskrá á tímabilinu janúar til mars 2024, alls 12 flug og félagið verður einnig á ferðinni frá Hollandi næsta sumar. Leiguflug frá Sviss með Kontiki eru í boði frá febrúar til mars og þá mun Edelwiss bjóð upp á vikulegt áætlunarflug frá Sviss í júní og til loka ágúst næsta sumar.
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
