Götuhornið - Gamall góðkunningi lögreglunnar skrifar
Við sem eru eldri en tvævetra munum eftir því þegar lögreglan var hluti af samfélaginu og skipuð mönnum sem leystu fleiri vandamál en þeir sköpðu. Lögregluþjónar gengu um á meðal fólks í svörtum jakkafötum með gyllta flautu hangandi í keðju framan á búningnum, vinsamlegir og kurteisir en þó albúnir og fullfærir um að grípa inn í af fullu afli ef nauðsyn var. Þeir voru alls ekki óvopnaðir því að innan við hægri buxnaskálmina og niður með lærinu var allþung trékylfa sem ekki var þægilegt að vera á hinum endanum á. Sumar drottningar næturinnar töldu reyndar að þarna væri falið annarskonar verkfæri en ekki verður farið nánar út í það hér.
Við strákarnir áttum köflótta sögu samskipta við þessa lögreglumenn en hún var þó að mestu án vandræða. Þegar okkur hitnaði milli eyrnanna og hendur voru látnar skipta komu þessir menn, gripu okkur og færðu okkur til hliðar. Svo var maður spurður: „Eruð þið ekki búnir að ná þessu úr ykkur strákar?“ eða „Er ekki skynsamlegra að eyða orkunni í kvennafar?“ Oftast gengu menn sáttir frá borði en ef einhver kólnaði ekki á vettvangi var honum e.t.v. ekið upp að Möl og sandi eða suður að Kjarnaskógi og látinn róast á göngunni til baka. Annars þurfti að setja menn í steininn. Einstaka sinnum sagði maður eitthvað við þessa ágætu menn sem truflaði samviskuna næsta dag. Þá var bara að hysja upp um sig buxurnar, fara niður á stöð og biðjast fyrirgefningar. Margir vina minna segja mér að þeir eigi þessum ágætu lögreglumönnum það að þakka að þeir náðu fótfestu í lífinu og komu því inn á rétt spor.
En nú er ég orðinn gamall og hef ekki skrokk eða lifur sem ráða við vikulegt slark fram í birtingu. Ég hlera þó enn eftir slarksögum og líst ekki vel á það sem ég heyri. Ég heyri sögur af lögreglumönnum sem fara ekki út á meðal fólks nema í brynjum og hnífavestum og koma fram við fólk með hroka, yfirlæti og lítilsvirðingu. Sérhver athöfn fólks er túlkuð sem brot og ef númersljós bíls er til að mynda ekki í réttum hvítum lit fá menn sekt og boðun í endurskoðun sem kostar tugi þúsunda. Ef einhver er ósammála er hann sagður ógnandi. Allt virðist gert til að búa til eins mikil vændræði og mögulegt er. Andrúmsloftið milli lögreglunnar og fólksins hefur breyst og lögreglan virðist vera að einangrast í eigin veröld á bak við ósýnilega bláa línu. Og bak við þá línu er stutt í stemmingu sem þolir illa dagsljós eins og kynþáttahyggju, óhóflegt ofbeldi og niðurlægjandi misnotkun þeirra sem minna mega sín svo sem með kaupum nektardansi eða annarri kynlífsþjónustu. Dýrmætasta eign íslensku lögreglunnar, sem var það traust sem almenningur bar til hennar, er að rýrna og hverfa. Þá er ekkert annað framundan en vantraust og fjandskapur. Ein sem ég ræddi við sagðist viss um að þessi breyting hefði komið með nýjum herrum.
En þrátt fyrir allt þetta sér maður stundum hina eldri og reyndari lögreglumenn koma út á meðal fólks eins og í gamla daga. Þeir eru einkennisklæddir en sýna sig óhræddir og án þess að fela sig bakvið hnífavesti með öll hugsanleg valdbeitingartæki hangandi utan á sér. Vingjarnlegir, þægilegir, hugrakkir og ábyrgir menn sem enn leysa fleiri vandamál en þeir búa til.
Nýjast
-
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri. -
Flokkur fólksins er fyrir þig
Ég er þakklátur fyrir að vera sýnt það traust að fara fyrir frábærum frambjóðendum Flokks fólksins í Norðausturkjördæminu í komandi Alþingiskosningunum. Öll mín orka og þrek mun fara í að standa vörð um kjördæmið okkar. Flokkur fólksins hefur verið einarður málsvari landsbyggðarinnar og talað óhikað fyrir framtíð sjávarbyggðanna og jöfnun búsetuskilyrða. -
Hvaða þjónusta skiptir þig máli?
Maskína er um þessar mundir að gera þjónustukönnun fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu. -
Uppeldi á Íslandi í dagsins önn
Sigurbjörg Anna Þorleifsdóttir, stúdent í meistaranámi við Sálfræðideild, vinnur þessa dagana að meistaraverkefni sínu og rannsókn sem skoðar mismunandi uppeldisaðferðir í tengslum við hegðun barna á Íslandi. Dr. Hilal Sen, lektor við Sálfræðideild, er leiðbeinandi Sigurbjargar.
