20. nóvember - 27. nóvember - Tbl 47
Götuhornið - Bóndi framan úr firði skrifar
Mjólk er góð en bændur þyrftu að hafa efni á að framleiða hana
Mikið er ég ánægður með að háskólarnir útskrifi mikið af ungu fólki sem hefur mikið vit á allskonar fræðigreinum. Við eigum nóg af viðskiptafræðingum, lögfræðingum, búfræðingum, læknum og hjúkrunarfræðingum og svo eigum við líka allskonar fræðinga í nýjum greinum sem finna upp ný kyn og ný og áður óþekkt vandamál sem nauðsynlegt er að leysa og nota til þess skattpeninga sem nóg er af. Við eigum meira að segja sprenglærða lögreglufræðinga sem þó komast ekki með tærnar þar sem Palli á Litla-Hóli hafði hælana.
Ástæðan fyrir þessari ánægju minni er sú að ég hef verið í vandræðum með reksturinn á kúabúinu mínu sem áður stóð ágætlega undir sér og aflaði tekna fyrir mig og fjölskyldu mína. En með árunum jókst kostnaðurinn, mjólkurverðið lækkaði og reglugerðafarganið varð óbærilegt. Það liggur við að ég megi ekki lengur hreyfa mig nema mér fylgi eftirlitsmaður frá ríkinu sem ég þarf svo að borga fyrir. Búið stendur ekki lengur undir þessu.
Þetta gat auðvitað ekki gengið lengur. Ég fór þess vegna að fylgjast með ríkisstofnunum okkar. Forstjórar þeirra eru jú valdir á grundvelli hæfni og reka þær að sögn á hagkvæmasta mögulega máta. Nærtækast var að fylgjast með heilsugæslunni af því að þangað þarf ég að koma oftar og oftar eftir því sem árin líða. Ég sé að þaðan hverfa læknar, ljósmæður og hjúkrunarfræðingar en af því hlýtur að verða ómældur sparnaður. Í stað þess koma mannauðsstjórar og svo er auglýst eftir mannauðsfulltrúum til að mannauðsstjórinn hafi einhverja undirmenn. Ég hef nú rekið vinnumanninn, selt tvo traktora og bindivélina. Ég rak reyndar líka kellinguna mína. Hún hefur reyndar aldrei fengið neitt borgað en mér fannst vissara að gera það samt. Í stað þessa réði ég til mín mannauðsstjóra og tvo verkefnastjóra. Þau hafa búið til verkferla og gæðahandbók og við mundum funda daglega í vinnuhópum um hin ýmsu bústörf. Nú er ekkert eftir annað en að fá ráðgjafafyrirtæki til að búa til nýtt vörumerki fyrir búið, finna grunngildi þess og semja einkunnarorð. Ég hef miklar væntingar til hagræðingarinnar af þessu og hlakka til að fara efnaður inn í efri árinu.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
