Góð afmælisgjöf til VMA
Það er alveg meiriháttar að fá þessa gjöf og kemur sér afar vel, segir Guðmundur Geirsson, kennari við rafiðndeild en Reykjafell afhenti deildinni sl. föstudag með formlegum hætti veglega gjöf í tilefni af 40 ára afmæli VMA. Um er að ræða ýmsar gerðir af stýriliðum og stýribúnaði sem kemur heldur betur að góðum notum í kennslu í stýringum í rafniðndeildinni.
Reykjafell er rótgróið fyrirtæki á sviði raf- og lýsingarbúnaðar á fyrirtækjamarkaði. Höfuðstöðvar fyrirtækisins eru í Reykjavík en einnig er stór starfsstöð á Akureyri og raunar var fyrirtækið að opna nýja starfsstöð sína á Akureyri sl. föstudag að Baldursnesi 6a, þar sem Tengir var áður til húsa. Í nýja húsinu er vítt til veggja og mun rýmra en áður um bæði starfsmenn og viðskiptavini. Áður var Reykjafell í húsnæði á Óseyri.
Á þessum tímamótum afhenti Reykjafell rafiðndeild VMA með formlegum hætti þessa veglegu 40 ára afmælisgjöf. Að gjöfinni standa annars vegar Reykjafell og framleiðandi búnaðarins Eaton. Kennarar við deildina veittu gjöfinni viðtöku og þá voru þessar myndir teknar.
Guðmundur Geirsson segir að eldri búnaður hafi verið orðinn gamall og úr sér genginn og því hafi verið sem himnasending að fá þennan nýja búnað í kennsluna. Annar kennari við rafiðndeildina, Björn Hreinsson, hefur lengi unnið ötullega að því að endurnýja þennan búnað og fékk hann Reykjafell til liðs við deildina. Stór hluti búnaðarins kom í hús sl. vor og þá unnu kennarar að því að koma honum fyrir eftir kúnstarinnar reglum upp á 40 stórar plötur og er hver og einn nemandi með sína plötu þegar þeir eru að læra inn á þessar stýringar. Lokið var við að setja plöturnar upp í haust áður en kennsla hófst. Fimmtán minni stýriplötur voru líka settar upp með dýrari búnaði og ganga þær á milli nemenda í kennslustundunum.
Ég held að sé ekki hægt að orða það öðruvísi en að þetta sé algjör bylting og það er sannarlega ástæða til þess að þakka þeim Reykjafellsmönnum alveg sérstaklega við þennan höfðinglega stuðning, segir Guðmundur Geirsson.
Þetta er fjarri því í fyrsti skipti sem Reykjafell hefur stutt við bakið á rafiðnbrautinni í VMA. Árið 2012 gaf fyrirtækið VMA Instabus eða KNX er forritanlegt raflagnakerfi. Árið 2017 raf Reykjafell úttektarmæli af gerðinni KEW 6016 frá Kyoritsu og árið eftir ýmsan búnað að upphæð kr. 100 þúsund.
Nýjast
-
Góð afmælisgjöf til VMA
Það er alveg meiriháttar að fá þessa gjöf og kemur sér afar vel, segir Guðmundur Geirsson, kennari við rafiðndeild en Reykjafell afhenti deildinni sl. föstudag með formlegum hætti veglega gjöf í tilefni af 40 ára afmæli VMA. Um er að ræða ýmsar gerðir af stýriliðum og stýribúnaði sem kemur heldur betur að góðum notum í kennslu í stýringum í rafniðndeildinni. -
Alþýðusamband Norðurlands Ósk nýr formaður
Ný stjórn var kjörin á þingi Alþýðusambands Norðurlands á Illugastöðum í fyrri viku. Ósk Helgadóttir, frá Framsýn, var kjörin nýr formaður til næstu tveggja ára. Með henni í stjórn eru Jóhannes Jakobsson, frá Byggiðn, sem er varaformaður stjórnar, og Vigdís Edda Guðbrandsdóttir, frá Samstöðu, sem er ritari stjórnar. -
Alþýðusamband Norðurlands Markvisst verið dregið úr heilbrigðisþjónustu á landsbyggðinni
Hver vill ekki hafa aðgengi að lækni og öðru heilbrigðisstarfsfólki í sinni heimabyggð? Alþýðusamband Norðurlands varpar þessari spurningu fram í ályktun um heilbrigðismál sem samþykkt var á þingi þess nýverð. Öflug heilbrigðisþjónusta séu sjálfsögð mannréttindi. -
Ný kornþurrkstöð risin á Húsavík
Búnaðarsamband Suður-Þingeyinga (BSÞ) ásamt Fjárfestingafélagi Þingeyinga kynnti áform um þurrkstöð við Húsavík á fjárfestingahátíð Norðanáttar sem fram fór á Siglufirði á síðasta ári. Þurrkstöðin við Húsavík mun auk þess að framleiða grasköggla, þurrka korn og eins er ætlunin að þurrka grisjunarvið og framleiða m.a. undirburð. Nýttur verður glatvarmi frá Hveravöllum í þurrkstöðina -
Fulbright Arctic Initiative IV verkefni Tveir prófessorar við HA taka þátt
Prófessorarnir Sigrún Sigurðardóttir í hjúkrunarfræðideild og Rachael Lorna Johnstone í lagadeild tóku ásamt átján öðru framúrskarandi fræðafólki þátt í kynningarviku og vísindaferð Fulbright Arctic Initiative IV verkefnisins. Hópurinn mun taka þátt í þverfræðilegum rannsóknum á næstu átján mánuðum í fjórða hluta verkefnisins á vegum bandaríska utanríkisráðuneytisins. -
Listasafnið á Akureyri: Þriðjudagsfyrirlestur - Steinunn Arnbjörg Stefánsdóttir
Þriðjudaginn 15. október kl. 17-17.40 heldur sellóleikarinn Steinunn Arnbjörg Stefánsdóttir Þriðjudagsfyrirlestur undir yfirskriftinni ListaÉg. Í fyrirlestrinum mun hún spekúlera í listferli og listalífi. Hún mun grúska í tilurð, gjörðum og lífi einhvers konar listapersónu sem á heima í einhvers konar alvöru persónu. Aðgangur er ókeypis. -
Hvernig er samfélagið okkar?
Samfélag sem ekki getur orðið við lögvörðum rétti fatlaðra til þjónustu, sem getur umborið að veikt barn sé sótt inn á Landspítalann með lögregluvaldi og látið húka á Keflavíkurflugvelli meðan ríkisstjórn landsins rambar á barmi stjórnarslita, samfélag sem lætur nútíma þrælahald viðgangast gegnum starfsmannaleigur, samfélag þar sem andlega veikt fólk fær ekki aðstoð fyrr en það er of seint og saklaus líf glatast, samfélag sem telur það eðlilega umgengni að ofbeldismenn geti fengið að vera einir með börnum sínum, samfélag þar sem fjöldi karlmanna telur það sinn sjálfsagða rétt að geta keypti líkama kvenna, kvenna sem eru ýmist hraktar eða neyddar í vændi, fluttar til landsins eins og hver annar varningur til sölu og neyslu, kjötskrokkar. -
Saga Maríu Júlíu heldur áfram á Húsavík
Í síðustu viku kom hið fornfræga björgunarskip Vestfirðinga, María Júlía BA 36 til hafnar á Húsavík en ætlunin er að gera það upp í Húsavíkurslipp. -
Byggja upp alþjóðlega rannóknarmiðstöð i eldfjalla- og orkurannsóknum í Kröflu.
Samkomulag hefur verið undirritað sem tryggir fjármögnun fyrirtæksins Krafla Magma Testbed, KMT til tveggja ára.Umhverfis-, orku- og loftslagsráðuneytið, Landsvirkjun, Orkuveitan og KMt eru aðilar að samkomulaginu. Samkomulagið markar ákveðin tímamót fyrir KMT þar sem Orkuveitan gengur til liðs við verkefnið, auk þess sem áframhaldandi stuðningur frá stjórnvöldum og Landsvirkjun er tryggður.
