Glatvarmi frá TDK nýtist á ný inn í heitaveitukerfið
„Þetta verður góð viðbót fyrir okkur og veitir ekki af að styrkja kerfið sem mest,“ segir Anton Benjamínsson verkefnastjóri hjá Norðurorku og vísar til þess að verkefni sem snýst um að nýta glatvarma frá álþynnuverksmiðju TDK til upphitunar á bakrásarvatni úr kerfum Norðurorku. Gert er ráð fyrir að skili um 10m MW inn í hitaveitukerfi Norðurorku.
Framkvæmdir við lagnir hefjast á næstu dögum, en þær liggjafrá gatnamótum Hörgárbrautar og Hlíðarbrautar á Akureyri þar sem heitt vatn kemur inn til Akureyrar og í verksmiðju TDK, önnur að verksmiðjunni og hin frá henni. Skrifað var undir viljayfirlýsingu fyrir rúmu ári á milli Norðurorku og TDK um að kanna fýsileika þessa verkefnis. Unnið hefur verið að frumhönnun, kostnaðaráætlun og tímalínu verkefnisins auk áfangaskiptingar.
Eftir miklu að slægjast
Gangi allt að óskum segir Anton að framkvæmdum ljúki næsta haust og að hægt verði að nýta glatvarmann frá TDK inn í kerfi Norðurorku í september næstkomandi. „Það er eftir miklu að slægjast með því að fanga glatvarma og nýta hann, sérstaklega þar sem varminn er innan bæjarmarka og tiltölulega stutt að og ódýrt að sækja hann,“ segir Anton.
„Miklu magni af sjó er nú dælt upp og inn á varmaskipta til að kæla hringrásarkerfi verksmiðjunnar TDK. Að kælingu lokinnier þessum sama sjó dælt heitum á haf út og þar með tapast mikill varmi. Næsta haust, þegar glatvarmaverkefnið verður komið í gang, mun bakrásarvatn úr hitaveitukerfum Norðurorku renna til TDK þar sem það verður hitað upp. Síðan dælist það aftur inn í hitaveitukerfið og nýtist til húshitunar. Þetta er mikill ávinningur fyrir alla,“ segir Anton. Á sama tíma og unnið er við lagnir til að flytja vatnið á milli verður viðeigandi búnaði komið fyrir hjá verksmiðju TDK.
10 MW bætast við kerfið
Hitaveita Norðurorku er um 100 MW að stærð, en gert er ráð fyrir að um 10mw bætist við með glatvarma frá TDK.„Við gerum ráð fyrir að fá 70 til 100 sekúndulítra af heitu bakrásarvatni inn í kerfið okkur og það er góð búbót því vissulega er það svo að stundum má varla tæpara standa,“ segir Anton. „Þetta verður lyftistöng í rekstri hitaveitunnar.“
Nefnir hann að á þeim tíma sem hitaveitan var tekið í notkun hafi vatnið verið dýrt, en nú greiði notendur álíka mikið og aðrir hitaveitunotendur í landinu. „Ef til vill fer fólk ekki nægilega vel með það sem ekki kostar mikið fé,“ segir hann en bendir líka á að fólki hafi fjölgað og mun meira sé af húsnæði sem hita þarf upp en áður var. Margir noti líka meira vatn en áður, m.a. í heita potta við heimahús og snjóbræðslukerfi svo dæmi séu nefnd.
Nýjast
-
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna. -
Norðurþing Rauði krossinn hættir fatasöfnun
Heimasíða Norðurþings segir frá þvi að Rauði Krossinn í Þingeyjarsýslum hættir allri fatasöfnun þann 26. nóvember 2024. Eftir sem áður geta íbúar í Norðurþingi losað sig við textíl (fatnaður, lök og handklæði, skór, dúkar og gardínur, tuskur og viskastykki) í grenndargáma fyrir textíl sem eru staðsettir á Húsavík, Kópaskeri og Raufarhöfn. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu. -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin.
