20. nóvember - 27. nóvember - Tbl 47
Gestavinnustofa Listasafnsins á Akureyri opin á laugardaginn
Andrea Weber og Marius van Zandwijk
Undanfarnar vikur hefur myndlistarfólkið Marius van Zandwijk og Andrea Weber dvalið í gestavinnustofu Listasafnsins á Akureyri. Laugardaginn 24. ágúst kl. 15-18 verður vinnustofan opin og má þá sjá afrakstur vinnu þeirra síðustu vikur.
Hollenski myndlistarmaðurinn Marius van Zandwijk býr og starfar í Amsterdam í Hollandi. Samtenging náttúru og menningar er stór þráður í listsköpun hans. Hann kannar þessa samtengingu í gegnum áþreifanlega reynslu og sögur. Frá 2020 hefur van Zandwijk stundað rannsóknir á alaskalúpínu á Íslandi. Í opnu vinnustofunni sýnir hann þrívíddarverk og málverk á pappír.
Marius van Zandwijk er með gráðu í myndlist frá Gerrit Rietveld Academy í Amsterdam og hafa verk hans m.a. verið sýnd í Bijbels Museum, Arti et Amicitiae og Stedelijk Museum í Amsterdam, Kunsthalle Kohta í Helsinki og SÍM-Gallery í Reykjavík.
Í listsköpun sinni vinnur hin fransk-þýska Andrea Weber mikið með hugmyndir um tíma og rúm og sambandið milli líkama og umhverfis. Til þess notar hún málverk, ljósmyndir og gjörningalist.
Síðasta áratug hefur Weber sótt innblástur í einstakar aðstæður eyjunnar sem og flutninga þangað. Í dvöl sinni á gestavinnustofunni ögraði hún hugmyndinni um eigin endurkomu til eyjunnar og hvernig ætti að halda skrá yfir landslagið án þess að taka neitt frá því.
Í ferlinu vinnur Weber með ólíkar aðferðir eins og abstrakt, frottage og vefnað, en núverandi uppsetning hennar er tilraun til að umlykja þætti eyjunnar. Hún er menntuð í ljósmyndun frá listaháskólanum í Essen og Beaux Arts í París.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
