,,Fylgist vel með veðurspám og takið mark á þeim“
Fyrst gul en svo appelsínugul viðvörun, ófærð á fjallvegum, slydda jafnvel snjókoma í byggð er það sem veðurspár boða. Það verður kalt og risjótt veður út vikuna.
Vefurinn náði tali af okkar manni á Veðurstofu íslands Óla Þór Árnassyni og við báðum hann um að segja okkur af veðurútlitinu svona frá fyrstu hendi.
,,Nú á næstu klukkustundum fer veður versnandi um landið norðanvert. Bæði eykst vindur og ofankoma. Almennt verður rigning á láglendi en sums staðar slydda. Ofan u.þ.b. 200 m.y.h (meturum yfir hafi) verður úrkoman líklegast snjókoma.
Að næturlagi lækkar þessi lína um 50-100 metra svo krapi getur myndast á láglendi.
Verst verður veðrið á mið-Norðurlandi frá og með í kvöld og út morgundaginn, þriðjudag. Reikna má með að flestir fjallvegir verði mjög erfiðir yfirferðar, ekki síst þar sem langflestir bílar eru ekki búnir til vetraraksturs.
Þetta veðrakerfi færist hægt til austurs seint á morgun og aðfararnótt miðvikudags og er einna helst að sjá að norðausturhornið fá enn einhverja ofankomu á miðvikudag en í mun minna mæli en það sem kemur í nótt og á morgun.“
Sérðu veðrið hafa áhrif á innanlandsflug? ,,Mögulega að einhverju leiti, þá helst fyrripartinn á morgun. Gæti alveg séð síðustu vél á morgun fara, jafnvel seinnipartsvélina líka. Ekki viss með ferðirnar þar á undan."
Veðurstofan hefur sett út gular og appelsínugular veðurviðvaranir og ætti fólk að annað hvort að flýta för milli landahluta ef kostur er á en annars að bíða eftir að veðrið sé gengið yfir og færð aftur kominn í rétt horf.
,,Fylgist vel með veðurspám og takið mark á þeim“ segir Óli Þór Árnason að endingu.
Óli Þór Árnason veðurfræðingur
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
