Fylgist með slökkviliðsmönnum ganga Eyjafjarðarhringinn í reykköfunarbúningum
Slökkviliðsmenn Slökkviliðs Akureyrar lögðu af stað fótgangandi frá Ráðhústorgi á ellefta tímanum í morgun íklæddir reykköfunarbúningum með súrefniskúta. Ætla þeir að ganga Eyjafjarðarhringinn í múnderingunni og er áætlað að þeir ljúki göngunni á Ráðhústorgi um klukkan fjögur síðdegis.
Sjá einnig: „Konan mín fékk að pína okkur í þetta sinn“
Viðburðurinn er liður í söfnunarátakinu Gengið af göflunum – Gengið til góðs. Átakinu er ætlað að minna á söfnun Hollvina SAk. Samtökin eru að safna fyrir nýrri ferðafóstru. Ferðafóstra er sjúkraflutningstæki fyrir nýbura og fyrirbura. Á Facebooksíðu söfnunarinnar er farið yfir ferlið þegar ný- og fyrirburar eru fluttir með sjúkraflugi:
„Ef koma þarf nýbura/fyrirbura frá Neskaupsstað til Reykjavíkur er sjúkraflugið ræst út. Slökkvilið Akureyrar fer þá upp á Sjúkrahús Akureyrar og sækir ferðafóstruna á meðan starfsmenn Mýflugs gera sjúkraflugvélina klára, svo er flogið til Neskaupsstaðar. Áhöfn á sjúkrabíl flytur ferðafóstruna á sjúkrahúsið á Neskaupsstað, barninu er komið fyrir og flutt í ferðafóstrunni aftur um borð í sjúkraflugvélina og flogið til Reykjavíkur. Þar tekur áhöfn sjúkrabíls við og flytur barnið upp á Barnaspítala Hringsins. Sjúklingur kemst þá í nauðsynlega sérfræðimeðferð. Í sjúkraflutningnum er barnið er varið fyrir umhverfi sínu í ferðafóstrunni, og fær lífnauðsynlega ALS meðferð (advanced life support), en flutningar sem þessir geta tekið nokkrar klukkustundir.
Það er því af nauðsyn sem starfsmenn Slökkviliðs Akureyrar vilja vekja athygli á söfnuninni því búnaður í gömlu ferðafóstrunni er orðinn úreldur. Til að flytja hana þarf einn sjúkrabíll SA að vera búinn eldri sjúkrabörum sem geta fest ferðafóstruna í flutningi ásamt því að annar búnaður sem knýr fóstruna er gamall og því kominn tími á endurnýjun.
Ný ferðafóstra kostar 22-25 milljónir“
Opnaður hefur verið söfnunarreikningur sem er eyrnamerktur söfnunni og þá er einnig hægt að leggja sitt af mörkum með því að hringja í eftirfarandi símanúmer.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
