20. nóvember - 27. nóvember - Tbl 47
Framsýn biðlar til þingmanna um stuðning við áframhaldandi áætlunarflugi til Húsavíkur
Aðalsteinn Árni Baldursson og Svandís Svavarsdóttir að loknum fundi
„Áhugaleysi þingmanna kjördæmisins er algjört. Það er að okkar mati ámælisvert. Við gerum ráð fyrir að áhuginn verði meiri þegar líður að vori og kosningum, þá má búast við að sjá þetta fólk hér á ferðinni,“ segir Aðalsteinn Árni Baldursson formaður Framsýnar.
Hann vísar í bréf sem hann sendir þingmönnum í Norðausturkjördæmi og formanni fjárlaganefndar, þar sem kallað var eftir afstöðu þingmanna til áætlunarflugs milli Húsavíkur og Reykjavíkur. Enginn svör hafa borist. Framsýn hefur lengi barist fyrir áætlunarflugi á milli Húsavíkur og Reykjavíkur. Flugið lagðist af 1. apríl síðastliðinn þar sem ríkisstyrkur var ekki lengur til staðar.
Hann er forsenda þess að halda úti flugi milli þessar áfangastaða og segir Aðalsteinn að fyrir slíkum styrkjum sé fordæmi frá öðrum áfangastöðum sem flogið er til, m.a. Hafnar í Hornafirði.
Höfum áhyggjur og höldum að tilboðið verði dregið til baka
Vegagerðin hyggst bjóða upp á ríkisstyrkt áætlunarflug þrjár mánuði á ári, tímabilið desember til loka febrúar. Flugið hefur verið boðið út og tilboð liggur fyrir. „Þrátt fyrir þetta tilboð hefur ekki verið gengið til samninga við það flugfélag sem bauð í leiðina. Við vitum ekki hvað tefur en höfum miklar áhyggjur af því að draga eigi þetta útboð til baka,“ segir hann.
Aðalsteinn fór ásamt Katrínu Sigurjónsdóttur sveitarstjóra á fund Svandísar Svavarsdóttur innviðaráðaherra þar sem mikilvægi flugsamgangna milli Húsavíkur og Reykjavíkur voru til umræðu og nauðsyn þess að koma þeim á aftur. Aðalsteinn segir að horft sé til þess að flugið verði ríkisstyrkt í 5 til 6 mánuði yfir árið en það rekið á markaðslegum forsendum frá vori og fram á haust.
„Þetta var góður fundur og ráðherrann hafði skilning á því hversu mikilvægt það er að halda þessu flugi áfram, m.a. út frá öryggissjónarmiðum,“ segir hann.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
