Frá Hong Kong til Húsavíkur
Hulda Þórey Garðarsdóttir, hjúkrunarfræðingur og ljósmóðir Myndir HSN
Eftirfarandi viðtal við Huldu Þóreyju Garðarsdóttur, hjúkrunarfræðing og ljósmóður er fyrst að finna á heimasíðu HSN.
Hulda Þórey Garðarsdóttir, hjúkrunarfræðingur og ljósmóðir er afskaplega sigld kona. Hún kom til Húsavíkur sem ljósmóðir alla leið frá Hong Kong árið 2019 og tók svo við starfi deildarstjóra á heilsugæslunni á Húsavík fyrir ári síðan. Auk Húsavíkur vinnur hún ásamt samstarfsfólki sínu í Þingeyjarsýslum á Kópaskeri, Raufarhöfn, Þórshöfn, Mývatni og Laugum. Hún keyrir þess vegna ófáa kílómetra en getur líka gengið til vinnu og finnst það algjörlega stórkostlegur lífstíll að búa í svona fjölskylduvænu samfélagi eins og Húsavík er.
„Ég er mikið á ferðinni í þessu starfi, þó við vinnum auðvitað líka með fjarfundi. Ég fann það fljótt að með því að fara á hinar starfsstöðvarnar er ég miklu meira hluti af starfinu, fæ bæði meiri yfirsýn en ég nýt þess líka meira og kynnist fólkinu. Ég fer með reglulegu millibili á alla staðina og sinni klínískri vinnu, eins og t.d. krabbameinsskoðunum og meðgöngueftirliti í samstarfi við þau sem eru á stöðunum.“
Hjartað slær eins á Húsavík og í Hong Kong
„Ég ólst upp á Kópaskeri en á mínar ættir að rekja vestur á Suðureyri við Súgandafjörð. Ég kom til Húsavíkur sem hjúkrunarfræðinemi í starfsnám. Ég fékk mikið sjálfstæði sem nemi og upplifði mikla fjölbreytni, sem mér fannst gríðarlega heillandi. Ég fór svo að læra til ljósmóður fyrir sunnan en ætlaði mér alltaf að koma aftur, en þá bauðst tækifæri til að flytja til Hong Kong, þar sem ég var í 20 ár. Í einhverri tilviljanakenndri heimsókn til Húsavíkur árið 2019 er mér sagt að það vanti ljósmóður á svæðið, ég ákvað að slá til og prófa og hér er ég ennþá.“
Hulda Þórey var glæný ljósmóðir í Hong Kong þegar hún fór að leysa af í lítilli ljósmæðraþjónustu sem hún keypti síðan og stækkaði. „Það er margt að sjá sem er ólíkt því sem maður er vanur, ólíkir menningarlegir hlutir sem ég skildi kannski ekki strax. En engu að síður er ljósmóðurstarfið alls staðar eins, það snýst um það sama – hlýja nálgun og heiðarleika í starfi. Húsavík eða Hong Kong, fjölskylduferlið er eins, hjartað slær eins.“
Konur upplifi sig öruggar á meðgöngu
Það fæðast á bilinu 35-65 börn í Þingeyjarsýslum á hverju ári en langflest fæðast þau á Sjúkrahúsinu á Akureyri. Næstum allri meðgönguvernd er engu að síður sinnt heima í héraði. „Við erum í nánu sambandi við verðandi mæður heima í héraði og erum alltaf tilbúnar ef eitthvað óvænt gerist. Við erum líka með mjög góða tengingu við Sjúkrahúsið á Akureyri, fæðingar- og kvensjúkdómalæknir kemur reglulega til okkar á Húsavík og sinnir eftirliti. Við leggjum mikla áherslu á að konur upplifi sig öruggar þrátt fyrir fjarlægðir.“
Vinna með sveitarstjórnum að forvörnum og heilsumiðaðri nálgun
Það er gott og þverfaglegt teymi sem sinnir heilsugæslu í Þingeyjarsýslum. „Þetta er lifandi samstarf þvert á starfsstöðvar sem er sífellt í mótun. Við vinnum mikið með sveitarstjórnum og reynum að samræma vinnulag með heilsumiðaða nálgun í samfélaginu. Við viljum vera í forvarnarhlutverki og reynum samnýta þau úrræði sem við höfum með öðrum starfsstöðvum. Það er áhugaverður hluti af starfinu að taka þátt í að móta þetta á víðum grundvelli og finna út hvernig við getum forgangsraðað með þarfir fólks í huga.“
Hulda Þórey og samstarfsfólk í Þingeyjarsýslum er um þessar mundir að kafa dýpra í heilsueflingu aldraðra, verkefni sem er verið er að þróa betur með leiðsögn frá Þróunarmiðstöð íslenskrar heilsugæslu. „Þetta er mjög skemmtilegt verkefni sem er komið aðeins í gang. Við höfum nú þegar hitt um 50 eldri borgara á Húsavík í kringum þetta átak og munum útvíkka yfir á hinar stöðvarnar. Þá erum við einnig að þróa áfram og útvíkka þjónustu með meðgönguvernd heima í héraði og bjóðum upp á heimavitjanir í samvinnu við hjúkrunarfræðinga á svæðinu.“
Nýjast
-
Nýtt app fyrir Sparisjóðinn
Nú á dögunum gaf Sparisjóðurinn út nýtt app sem er þróað í samstarfi við Origo. Í Sparisjóðsappinu geta viðskiptavinir sinnt öllum helstu bankaviðskiptum á fljótlegan, einfaldan og öruggan hátt. -
Hafdís Sigurðardóttir Íslandsmeistari í götuhjólreiðum og í tímatöku 2024
Hafdís Sigurðardóttir fór ekki erindisleysu vestur i Skagafjörð um nýliðna helgi en þar fór fram Íslandsmeistaramótið í timatöku og götuhljólreiðum tvær aðskildar keppnir. Tímatakan fer þannig fram að einn keppandi er ræstur af stað í einu og er því ekki um annað að ræða en gefa allt í botn, þarna er verið að keppa við skeiðklukkuna sem fer ansi hratt áfram. Hafdís hjólaði allra kvenna hraðast og vann reyndar með nokkrum yfirburðum og er þetta í þriðja árið í röð sem hún stendur efst á palli. -
Áslaug Ásgeirsdóttir tekin við embætti rektors Háskólans á Akureyri
Áslaug Ásgeirsdóttir er frá og með deginum í dag formlega tekin við embætti rektors Háskólans á Akureyri. Eyjólfur Guðmundsson kveður nú Háskólann á Akureyri eftir farsæl tíu ár sem rektor. -
Ný heimasíða Driftar EA í loftið
Viltu gerast Driftari ! Á föstudaginn 28.júní opnuðum við fyrir fyrsta hluta heimasíðu DriftarEA , www.driftea.is Heimasíða DriftarEA hefur verið opnuð formlega og nú geta bæði fyrirtæki og einstaklingar skráð sig til þátttöku í því að byggja upp nýsköpunarsamfélagið og gerst Driftarar. Vertu með – smelltu hér -
Lokaorðið-Loðna einkadóttirin
Ég átti aldrei gæludý í æsku, nema skjaldböku með systrum mínum. Henni var sturtað niður um klósettið, því allir héldu að hún væri dauð. Síðar fréttum við að trúlega hafi hún verið í dvala. Veit ekki hvað var rétt í því, en í minningunni átti hún ekki sérlega skemmtilegt líf og var sjálf ekki mjög fjörug. Ég var hins vegar mikið í sveitinni hjá ömmu og afa, vön dýrum þ.m.t. hinum hefðbundna sveitahundi sem var frammi í forstofu, ekki upp í sófum, borðum eða rúmum. -
Stórkostlegi bakgarðurinn okkar
Ég verð að viðurkenna að stundum tekur á að búa rétt við norðurheimskautsbaug, þrátt fyrir að snjórinn geti verið yndislegur, þá anda ég einhvern vegin alltaf léttar þegar hann loksins fer. Ég elska vorið enda gefur það fögur fyrirheit, snjórinn hörfar, gróðurinn skiptir um ham og fuglarnir syngja. Ég hef alltaf vitað að umhverfi okkar væri fallegt, en það var samt ekki fyrr en fyrir nokkrum árum sem ég fór að njóta þess af alvöru. Nú finn ég að það besta sem ég geri, bæði fyrir líkamlega og andlega heilsu, er að vera úti í náttúrunni, fá súrefni í kroppinn og koma púlsinum á hreyfingu. Þá er svo sannarlega ómetanlegt að hafa við túnfótinn jafn stórkostlegan bakgarð og við eigum og óteljandi frábæra stíga. Hér eru þær leiðir sem eru í uppáhaldi hjá mér: -
Sláttur hefst óvenju seint þetta árið,
„Það eru margir í startholunum en enn sem komið er fáir byrjaðir að einhverju ráði,“ segir Sigurgeir Hreinsson framkvæmdastjóri Búnaðarfélags Eyjafjarðar. Sláttur er um það bil hálfum mánuði síðar á ferð hjá flestum en í meðalári. -
Breiða út faðminn fyrir golfara framtíðar
Nú er rétt um ár síðan Golfklúbbur Húsavíkur opnaði nýjan og glæsilegan golfskála við Katlavöll. Nýja aðstaðan er algjör bylting í golfiðkun á Húsavík en félagar í klúbbnum eru alls um 150 -
Afrakstur kvennakvölds afhentur
Kvennkvöld Þórs og KA var haldið í Sjallanum 4. maí síðastliðinn þar sem að um 200 konur konur saman og áttu skemmtilegt kvöld. Þetta er 3. árið sem þetta er haldið með þessu sniði og fer stækkandi á milli ára. Hugmyndin á bak við þetta var fyrst og fremst að styrkja og efla kvennaíþróttir á Akureyri. Með þessu náum við einnig að vekja meira athygli á kvennaíþróttum í bænum.
Athugasemdir