Flugklasinn Air 66N Fjögur sveitarfélög á Norðurlandi láta af stuðning
Nokkur sveitarfélög á Norðurlandi sem stutt hafa við verkefni Flugklasans Air 66N hafa ákveðið að styrkja verkefnið ekki lengur. Það á við um Akureyrarbæ, Norðurþing, Skagafjörð og Fjallabyggð. Svör hafa ekki borist frá öllum sveitarfélögum á Norðurlandi sem fengu beiðni um áframhaldandi stuðning við verkefnið. Flugklasinn hefur verið í gangi frá árinu 2011.
Sveitarfélög á Norðurlandi hafa um árabil stutt við starf flugklasans með sérstökum fjárframlögum. „Breiður stuðningur og samstaða sveitarfélaga hefur reynst ómetanleg fyrir starf klasans og skapað þann árangur sem náðst hefur,“ segir í erindi sem barst sveitarfélögum um áframhaldandi stuðning til að byggja upp heilsárs áfangastað fyrir millilandaflug á Norðurlandi. Óskað var eftir framlagi frá sveitarfélögum öðrum en Akureyri, sem nemur 300 krónur á hvern íbúa til næstu þriggja ára, eða frá 2024 til 2026. Sótt var um stuðning til Akureyrarbæjar sem nemur 500 krónum á íbúa. Undanfarin ár hefur Akureyrarbær greitt fasta upphæð, 9 milljónir króna.
Fram kemur í fundargerð byggðaráðs Norðurþings að það hyggist ekki styrkja Flugklasann áfram þar sem um tímabundið átaksverkefni sé að ræða.
Bæjarráð Akureyrar ákvað á fundi í lok október í fyrra að gera sólarlagssamning við Flugklasann um árin 2022 og 2023. Fram kemur í bókun bæjarráðs að Akureyrarbær hefði verið dyggur stuðningsaðili Air 66N frá upphafi. Töluverður árangur hefði náðst í átakinu varðandi það að koma á beinu millilandaflugi um Akureyrarflugvöll árið um kring og ljóst að áfram þurfi að sinna því verkefni Bæjarráð telji farsælla að sá stuðningur verði í gegnum sameiginlegan stuðning sveitarfélaga og fyrirtækja á svæðinu við Markaðsstofu Norðurlands.
Hilda Jana Gísladóttir S-lista segir í bókun miður að Akureyrarbær hætti stuðningi við Air 66N, bærinn ætti að leggja metnað sinn í að byggja ofan á þann árangur sem hefur náðst, „ekki síst þar sem enn eru mikil tækifæri til þess að byggja Norðurland upp sem heilsárs áfangastað fyrir millilandaflug.“
Í erindi Flugklasans er bent á það sem framundan er, m.a. að easyjet muni fljúga áætlunarflug til London frá Akureyri tvisvar í viku og hefst það nú í lok október og stendur til loka mars á næsta ári. Leiguflug Voigt Travel er á dagskrá á tímabilinu janúar til mars 2024, alls 12 flug og félagið verður einnig á ferðinni frá Hollandi næsta sumar. Leiguflug frá Sviss með Kontiki eru í boði frá febrúar til mars og þá mun Edelwiss bjóð upp á vikulegt áætlunarflug frá Sviss í júní og til loka ágúst næsta sumar.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
