20. nóvember - 27. nóvember - Tbl 47
Fjölmennur fundur um staðsetningu björgunarþyrlu á Akureyri
Frá fundinum í gærkvöldi Myndir Steinunn María Sveinsdóttir/Hörður Geirsson
Alþingi hefur nú til eins og kunnugt er og Vikublaðið hefur greint frá til meðferðar þingsályktunartillögu Njáls Trausta Friðbertssonar (D) sem hann flutti ásamt 16 öðrum þingmönnum um auknar fjárveitingar til LHS svo hægt verði að staðsetja björgunarþyrlu á Akureyri. Boðað var til fundar um málið og fór hann fram fór í gærkvöldi. Óhætt að segja á mikil áhugi hafi verið fyrir fundinum og mæting var eftir því góð en nokkuð á annað hundrað manns mætti.
,,Ég er mjög ánægður með þá frábæru mætingu sem var á fundinum í gærkvöldi á Flugsafninu. Það er gríðarlega mikill stuðningur fyrir þessu máli og ræður fyrirlesara voru allar á þá leið að það væri mikilvægt að klára þetta mál sem allra fyrst og byggja upp nýja starfstöð á Akureyrarflugvelli fyrir eina af þyrlum Landhelgisgæslunnar og byggja upp betra og öflugra öryggisvaðbrögð á þeim svæðum landsins sem eru lengst í burtu frá Reykjavíkurflugvelli þar sem flugdeild Gæslunnar rekur sína starfsemi í dag. Íbúar Norður- og Austurlands, ferðafólk og sjómenn á miðunum norðan og austan land eiga það skilið eins og aðrir landsmenn að öflugt neyðarviðbragð sé til staðar á þeim svæðum sem standa lengst frá Reykjavík."
,,Þetta er auðvitað algjörlega borðleggjandi dæmi“ sagði Njáll Trausti í samtali við Vikublaðið.
Framsögu hafði fólk sem hefur þekkingu á málinu eftir að hafa áunnið reynslu og þekkingu í bráðaviðbragði og lækningum. Á fundinum kom fram að unnt yrði að bregðast við 94% tilvika af lífshættulegum veikindum/slysum á innan við 60 mínútum vegna ,,lífshættulegs ástands” með opnun annarrar starfstöðvar á Akureyri, en í dag er það gerlegt í u.þ.b. í 50% tilfella.
,,Rannsókn Björns Gunnarssonar yfirlæknis sjúkraflugs og fleiri er auðvitað gríðarlega mikilvægt plagg inn í þessa umræðu og styrkir málið mikið“ sagði Njáll ennfremur.
,,No brainer“
Auðunn Kristinsson framkvæmdastjóri aðgerðasviðs Landhelgisgæslunnar lagði mikla áherslu á það í máli sínu að starfssvæði þeirra væri það stórt (allt landið og miðin) að engan veginn væri nægjanlegt að vera einungis á einum landshluta með allt viðbragð. Hann gekk svo langt að fullyrða að það,, gæfi augaleið“ eða eins og Auðunn orðaði það ,,no-brainer“ að opna starfsstöð á Akureyri.
Segja má að orð Björns Gunnarssonar yfirlæknis sjúkraflugs og dósents við Heilbrigðisvísindasvið Háskólans á Akureyri. Hildigunnar Svavarsdóttur, forstjóra SAk. og Páleyjar Borgþórsdóttur lögreglustjóra á Norðurlandi eystra hafi tekið mjög undir afdráttarlaus orð fulltrúa LHG. Sama má segja um orð Reimars Viðarssonar, formanns svæðisstjórnar björgunarsveita í Eyjafirði Hann benti líka á að með staðsetningu varðskipsins Freyju væri LHS í raun byrjuð reka starfstöð úti á landi og því væri staðsetning þyrlu á Akureyri eðlilegt framhald á því sem hafið er.
,,Jú, það var auðvitað skemmtilegt að halda fund þar sem gamli Fokker Landhelgisgæslunnar og TF-SIF björgunarþyrla sem Gæslan tók í notkun 1985 voru í bakgrunni fundarins, einstakur fundarstaður fyrir svona umræðu“ sagði Njáll en fundurinn fór eins og áður sagði fram á Flugsafninu.
Rétt er að geta þess að fundurinn var tekin upp og hægt að nálgast hann á youtube slóðin er
https://www.youtube.com/watch?v=qoiI5rHAuRI
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
