27. nóvember - 4. desember - Tbl 48
Fiskrétturinn frá mömmu og pabba sem slær í gegn á Dalvík !
Fanney Davíðsdóttir Fanney Davíðsdóttir matráður í fiskvinnsluhúsi Samherja á Dalvík Mynd Samherji
Þó að í dag sé sjálfur Bóndadagurinn og margir þvi með hugann við súra hrútspunga, bringukolla og sviðakjamma þá eru ekki allir dagar Bóndadagar. Við gátum ekki sleppt þvi tækifæri að setja hér inn skemmtilega frásögn af heimasíðu Samherja sem m.a. býður upp á spennandi uppskrift fiskrétt sem slegið hefur rækilega í gegn í mötuneyti Samherja á Dalvik.
„Við erum með fisk á boðstólum tvisvar sinnum í viku og það segir sig auðvitað sjálft að hráefnið hérna er alltaf ferskt sem er auðvitað mikill kostur. Fiskurinn nýtur vinsælda hjá flestum og auk þess finnst mér alltaf gaman að elda fisk,“ segir Fanney Davíðsdóttir matráður í fiskvinnsluhúsi Samherja á Dalvík, sem gefur lesendum heimasíðunnar uppskrift af dýrindis fiskrétti sem nýtur mikilla vinsælda meðal starfsfólks fiskvinnsluhússins. Að jafnaði eru um 120 manns í mat hjá Fanneyju og hennar samstarfsfólki í mötuneytinu.
Halda að mötuneytið sé háklassa veitingastaður
„Ég hef verið matráður hérna í eitt og hálft ár og líkar afskaplega vel. Nýja húsið er mjög glæsilegt og öll aðstaða starfsfólks er til fyrirmyndar. Matsalurinn er bjartur og fallegur og útsýnið er magnað, sem er stórt atriði. Það hefur meira að segja komið fyrir að erlendir ferðamenn sem eru að skoða hafnarsvæðið dragi þá ályktun að þetta sé háklassa veitingastaður, sem okkur finnst bara skemmtilegt og viss viðurkenning,“ segir Fanney.
„Pabbi og mamma eru mikið fyrir að prófa sig áfram í alls konar fiskréttum og þessi uppskrift er einmitt frá þeim. Upphaflega voru þau með skötusel en þorskhnakkar eru ekkert síðri og auk þess er mun auðveldara að verða sér úti um góða þorskhnakka allan ársins hring. Siggi yfirverkstjóri spyr okkur reglulega hvort ekki fari að styttast í þennan rétt. Hann er greinilega hrifinn, enda með vel þjálfaða bragðlauka þegar fiskur er annars vegar. Þessi réttur hefur sannarlega slegið í gegn hjá þorra starfsfólksins og það er auðvitað frábært og skemmtilegt.“
Yfirverkstjórinn fær ósk sína uppfyllta von bráðar
„Við vorum síðast með þennan rétt þegar um fimmtíu konur í sjávarútvegi skoðuðu húsið og þær rómuðu réttinn, rétt eins og starfsfólkið gerir. Það er greinilega eitthvað við þennan rétt sem gerir hann svona góðan og ég er ekki frá því að Siggi fái ósk sína uppfyllta á næstu dögum.“
„Nei, ég fer sjaldnast nákvæmlega eftir uppskriftum, heldur smakka mig áfram, rétt eins og mamma og pabbi gera yfirleitt. Þegar ég er spurð um einhverja uppskrift man ég hana sjaldnast, einfaldlega vegna þess að ég nota gjarnan það sem til er í eldhúsinu en grunnurinn er samt sem áður alltaf gott og ferskt hráefni, hérna er sannarlega enginn skortur á því,“ segir Fanney Davíðsdóttir.
Skötuselur/þorskhnakkar a la Davíð og Vilborg
Hérna er svo uppskriftin að fiskréttinum góða, sem slegið hefur í gegn hjá starfsfólki fiskvinnsluhúss Samherja á Dalvík.
Sósu-jukk:
1 gul paprika söxuð - smátt
½ laukur saxaður - smátt
ca 6 meðalstórir sveppir – saxaðir smátt.
Þetta er steikt í olíu og smá smjöri (smjörva) á pönnu.
Kryddað með slatta af karrí og blönduðum piparkornum og salti. (Smakka vel)
1 rjómaostur með sólþurrkuðum tómötum settur saman við grænmetið ásamt
1 lítil dós kókosmjólk og
¼ rjómi
1 msk kókosmjöl
Sósan er þykkt svolítið með ljósum sósujafnara þannig að þetta verði líkara leðju en sósu.
Sósu-jukkinu er hellt í eldfast fat.
Fiskurinn:
Ca. 800 gr. Þorskur/skötuselur skorinn í ca 1.5 cm sneiðar.
Velt upp úr eggi og mjólk og síðan blöndu af brauðraspi og kókosmjöli (jöfn hlutföll) + salt.
Steikt í olíu á pönnu í stutta stund ca 1-2 mín á hvorri hlið.
Skötuselnum/þorskinum er næst raðað þétt ofan á jukkið.
Í lokin er sósan sett með teskeið smá af Mango Chutnay ofan á hvern fiskbita.
Sett inn í 170 gr heitan bakaraofn í ca 8-12 mín.
ATH: Hægt er að gera þennan rétt með einhverra klukkutíma fyrirvara og eiga bara eftir að setja hann í ofninn og þá kannski aðeins lengur ef hann er alveg kaldur. Passa samt vel að ofelda ekki skötuselinn. Ef notaður er þorskur er fiskurinn ekki eins viðkvæmur fyrir ofeldun.
Verði ykkur að góðu !
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
