Ferðafrelsi eða frelsið til að ferðast ekki
Fyrir um það bil 30 árum endaði skipting Þýskalands í austur- og vesturhluta. Á meðan vesturhlutinn taldi sig arftaka hugmynda um frjálsræði í efnahagslegu og pólitísku tilliti gafst íbúum austurhlutans tækifæri á að taka þátt í uppbyggingu sósíalisma. Komust þar fleiri að en vildu, því takmarkanir á tjáningarfrelsi, atvinnuvali og ferðafrelsi settu fljótlega sinn svip á lífið í austurhlutanum.
Þannig urðu Austur-Þjóðverjar ekki aðeins fyrir aðskilnaði frá landsmönnum sínum í vestrinu, heldur var þeim jafnframt gert ókleift að ferðast til vesturlanda yfir höfuð. Meira að segja voru ferðamöguleikar til landa innan Varsjárbandalagsins einnig háð takmörkunum. Slíkar aðstæður er erfitt að ímynda sér, og vekur það væntanlega enga furðu að krafan um ferðafrelsi var eitt af lykilatriðunum í þeim mótmælunum sem urðu að lokum austur-þýsku stjórninni að falli. Allt fram að Covid 19 hefur síðan hinn iðnvæddi heimur notið þeirra forréttinda að geta hagað ferðalögunum sínum eftir áhuga, framboði og burðaþoli peningaveskis.
Að því kom þó að áður óþekktar aðstæður fóru að setja takmarkanir á ferðafrelsið okkar, og það í slíkum mæli sem við höfðum ekki getað ímyndað okkur áður. Allt í einu átti hið vestræna efnahagskerfi í kröggum, af því að flestallir keyptu einungis það sem þá vantaði, en ekki það sem framleiðendur og auglýsingastofur töldu fólki trú um að það þyrfti. Kannski meira af nauðsyn en af vilja hvarf óþarfinn af innkaupalistunum okkar, og með minnkandi eftirspurn kom nokkuð vel í ljós hversu mikið neyslumunstur okkar er hvatt áfram utan frá.
Mér sýnist tilhögun á utanlandsferðalögum einmitt teljist líka í þennan flokk. Ferð til útlanda sem við hjónin ætluðum að fara um páskana varð að engu vegna breyttra aðstæðna. Jafnvel áður en flughafnirnar lokuðust veltu margir ferðalangar fyrir sér hvort réttlætanlegt væri að leggja í langferð. Því að öllu frelsinu fylgir ábyrgð. Þó að sú ábyrgð snéri upphaflega að veiruvörnum, kom þó annað í ljós þegar ferðalögin til útlanda stöðvuðust nærri algjörlega: mengunartölur um heim allan fóru að lækka, og sums staðar þar sem slíkt hafði ekki gerst í áratugaraðir fór aftur að sjást til sjóndeildarhrings. Breytingar sem rekja má til minnkandi umsvifa; þ.m.t. ferðalaga.
Við sýndum samstöðu og ferðuðumst innanhúss. Nú, þegar áhrif Covid-veirunnar eru í rénun, á Íslandi a.m.k., velti ég fyrir mér hvort hagsmunir umhverfis séu ekki jafn réttháir og veiruvarnir. Hvort ábyrgð hegðun gagnvart dreifingu veirunnar hafi sýnt okkur fram á ábyrgð okkar gagnvart umhverfinu. Að sumu leyti eru því veiruvarnir umhverfisvarnir - og öfugt.
Ísland með sína staðsetningu í miðju Atlantshafi mun um ókomna framtíð þurfa á flugsamgöngum að halda, og er ég ekki að tala um að bannfæra utanlandsferðir. En vissulega mun ég hafa efasemdir hvort það sé rétt að láta eftir mér að skreppa til Evrópu í eina helgi. Þegar ég sé svart á hvítu jákvæðu áhrifin af minnkandi umsvifum í flugmálum finnst mér ennþá auðveldara að fylgja slagorðinu um að „hugsa hnattrænt, en framkvæma heima fyrir.“
Með öðrum orðum: Ferðafrelsið er mikilvægur réttur. En það er líka rétturinn til að ferðast ekki.
Að lokum afhendi ég Bjarti Aðalbjörnssyni varaþingmanni pennan og hlakka til að lesa pistil hans í næstu viku.
-Wolfgang Frosti Sahr, framhaldsskólakennari
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
