Félagar í Lionsklúbbnum Hæng gefa 80 viðareldunarofna til Úkraínu
„Þetta er mjög þarft og gott verkefni og við erum ánægðir með að geta lagt því lið,“ segir Jón Halldórsson formaður Lionsklúbbsins Hængs á Akureyri. Um 40 félagar eru í klúbbnum.
Klúbburinn hefur ákveðið að gefa 50 viðaeldunarofna til Úkraínu og þá hafa einstaka félagar tekið ákvörðun um að bæta um betur og kaupa sjálfir 30 ofna, þannig að Hængur leggur 80 viðarofna til í söfnun sem Lionsfélagar í Evrópu standa að. Jón segir að þörfin sé mikil og vaxandi eftir nærri tveggja ára styrjöld í Úkraínu, þar sem heimamenn verjast árásum Rússa, sé staða innviða víða í landinu mjög bágborin.
Á síðasta starfsári stóðu finnskir Lionsfélagar fyrir söfnun til kaupa á litlum rafstöðvum og tóku Hængsfélagar þátt í þeirri söfnun en hún náði til 13 Evrópulanda. Keyptar voru í allt 2260 rafstöðvar og fengu yfir 300 þúsund úkraínsk börn ljós og hita í kjölfarið. „Það var mikil þörf fyrir rafstöðvarnar í fyrra , enda víða rafmagnslaust. Nú söfnum við til kaupa á viðareldavélum sem smíðaðar eru í Finnlandi og sendar til Úkraínu. Við munum leggja til 80 viðarofna sem örugglega koma einnig að góðum notum,“ segir Jón.
Hagkvæmir ofnar og gagnast vel
Hver viðareldunarofn kostar 23 þúsund krónur og er hannaður í Finnlandi. Þessir ofnar þykja mjög hagkvæmur á öllum sviðum. Auðveldir í framleiðslu og í flutningum, gott að sinna viðhaldi og þá er gott að nota hann, sem auðvitað er mest um vert. „Þessir ofnar uppfylla allar kröfur sem gerðar eru, hann er afkastamikill og úr ryðfríu stáli, yfirborðið er stórt og því er mjög auðvelt að nota hann. Þetta er frábær finnsk hönnun sem tekur mið af öllu, þeir pakkast vel í gáma sem auðveldar flutning á leiðarenda og gagnast svo einkar vel þangað komnir,“ segir Jón.
Erfitt um vik að elda mat
Hann segir verkefið m.a. til komið því mikill skortur sé á hita og díselolíu sem gerir erfitt um vik að elda mat. Ástandið sé einna verst í suðausturhluta Úkraínu og þangað muni flestir ofnarnir fara. Stefnt er að því safna á bilinu frá 500 ofnum og upp í 1000 ef vel gengur. Allir Lionsklúbbar á landinu geta tekið þátt. „Klúbbarnir eru misstórir og eru flestir líka að sinna verkefnum í sinni heimabyggð. Það á við um okkur Hængsmenn líka, við erum með stórt verkefni í gangi núna hér á Akureyri en það er vissulega líka gefandi fyrir okkur að geta lagt þessu verkefni lið að aukið.“
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
