Fáránleiki nýja ársins
Egill P. Egilsson skrifar
Það er engu líkara en að mannskepnan sé komin með einhverja helsjúka áráttu fyrir því að skapa sér hefðir; sem eru hver annarri vitlausari.
Ein þessara hefða er að strengja ármótaheit sem er sök sér en undanfarin ár virðist pöpullinn keppast við að gera þessi heit að einhverju heilsubulli og neita sér um allar lífsins unaðssemdir í janúar, þessum leiðinlegasta mánuði ársins.
Eftir hátíðarnar, þegar við höfum notið góðra máltíða, samveru með fjölskyldu og vinum og jafnvel fengið smá frí frá vinnu, þá ákveðum við að byrja nýja árið með því að setja okkur strangar reglur og takmarkanir. Hvaða árátta er þetta eiginlega?
Eins og janúar sé ekki nógu erfiður fyrir. Dagarnir eru stuttir, veðrið er kalt, dómsdags myrkur og þá á ég ekki bara við í sálartetrinu þegar visareikningurinn kemur! Það er nógu erfitt að komast aftur í rútínu eftir hátíðarnar þó við séum ekki að pína okkur bláedrú, spriklandi í líkamsræktarsölum með vindgang af baunafæði. Fyrir utan það að markmiðin eru svo óraunhæf og ómanneskjuleg að þau eru dæmd til að mistakast og sjálfsmyndin brotnar í þúsund mola. Við erum ekki vélmenni sem geta breytt lífsstíl sínum á einni nóttu. Við þurfum tíma til að aðlagast og finna jafnvægi.
En að öllu gríni slepptu væri ráð að einbeita okkur að því að njóta lífsins og finna gleði í litlu hlutunum. Augnablikin eru dýrmæt og koma aldrei aftur. Við getum sett okkur markmið yfir tíma sem eru raunhæf og uppbyggileg, eins og að eyða meiri tíma með fjölskyldu og vinum, læra eitthvað nýtt og áhugavert og virkja áhugamálin sem við elskum.
Það er kominn tími til þess að hætta vera alltaf í látlausri keppni við allt og alla. Við getum tekið lífinu með ró og umfram allt, leyft okkur að njóta þess á meðan það varir. Janúar er þegar nógu erfiður mánuður, svona eins og skrítni frændinn sem er alltaf of fullur í fjölskylduboðum svo af hverju að gera hann enn erfiðari með því að setja okkur þessi leiðinlegu áramótaheit?
Lífið er of stutt til að eyða því í að neita okkur um lífsins munað. Við ættum að leyfa okkur að njóta þess sem við elskum og finna gleðina í hverjum degi. Þannig getum við byrjað nýja árið með jákvæðni og hamingju, frekar en með álagi og vonbrigðum.
Egill P. Egilsson
Nýjast
-
Fáránleiki nýja ársins
Egill P. Egilsson skrifar um afneitun lífsins nautna -
Okkar heimur vinnur að því að setja upp fjölskyldusmiðju á Akureyri
Velferðarráð Akureyrar er tilbúið að styrkja verkefni sem góðagerðarsamtökin Okkar heimur hefur óskað eftir um 400 þúsund krónur með þeim fyrirvara að fyrir liggi að það sé að fullu fjármagnað og ljóst að það fari af stað eins og það er orðað í bókun Velferðarráðs. -
Fræðslu- og lýðheilsuráð skoðar notkun á Hreyfikorti eldri borgara um mitt ár
Fræðslu- og lýðheilsuráð Akureyrar mun um mitt þetta ár, 2025 taka stöðuna á notkun Hreyfikorts og fara yfir kosti og galla þess. Ráðið mun þá leita álits öldungaráðs Akureyrarbæjar um hvernig til hefur tekist. -
Gefins bækur í dag!
Bókasafn Svalbarðsstrandarhrepps hefur verið lagt niður og gerður þjónustusamningur við Amtsbókasafnið sem mun veita íbúum Svalbarðsstrandarhrepps sömu þjónustu og íbúum Akureyrarbæjar hvað varðar aðgang að safnakosti og annarri þjónustu sem safnið hefur upp á að bjóða hverju sinni. -
Útisvæðið við Glerárlaug opnað í dag eftir endurbætur.
Útisvæðið við Glerárlaug var opnað í dag eftir umfangsmiklar endurbætur. Gestir geta nú nýtt sér nýja heita potta, kalt kar, útisturtu og saunaklefa. Skipt var um yfirborðsefni á svæðinu og aðgengi og umhverfi bætt. Auk þess voru gömlu útiklefarnir fjarlægðir og skjólveggurinn endurnýjaður að hluta. -
„Amaróhúsið“ sett í sölu
Framkvæmdasýslan - Ríkiseignir (FSRE) hefur sett gömlu heilsugæslustöðina á Akureyri, Hafnarstræti 99-101, í sölu ásamt öllu því sem eigninni fylgir. Óskað er eftir tilboði í eignina. Fasteignamat er tæplega 340 milljónir króna og brunabótamat 860 milljónir. -
Dreifingu Dagskrár seinkar í dag
Vegna vandræða i samgöngum milli Reykjavíkur og Akureyrar í nótt seinkar dreifingu á Dagskránni verulega i dag. Blaðið er hinsvegar komið á vefinn og geta þvi áhugasamir skoðað það með þvi að smella á slóðina hér fyrir neðan. https://issuu.com/dagskrain/docs/0225_dagskrain_vefur -
Nýr samningur Akureyrarbæjar og Skákfélags Akureyrar undirritaður
Í gær var undirritaður nýr samningur Akureyrarbæjar við Skákfélag Akureyrar sem hefur það að meginmarkmiði styðja við starf barna og ungmenna og gefa þeim kost á heilbrigðu og metnaðarfullu félags- og æskulýðsstarfi. -
Ferðaþjónustufólk kemur saman
Í upphafi hvers árs er mikið um að vera hjá ferðaþjónustufólki sem kemur saman til að ráðfæra sig við hvert annað, finna nýjar hugmyndir og skapa verðmæti. Mannamót Markaðsstofa landshlutanna er haldið í Kópavogi og samhliða því er heil vika af spennandi viðburðum með mismunandi áherslum. Þar er meðal annars rætt um tækniþróun, ráðstefnur, sjálfbærni og auðvitað markaðssetningu. Nú eru liðin 11 ár frá því að hugmyndin um Mannamót varð til í einu af mörgum samtölum Markaðsstofanna um hvernig mætti efla íslenska ferðaþjónustu og vinna að dreifingu ferðafólks um landið. Þessi hugmynd um að skapa vettvang fyrir landsbyggðarfyrirtækin til að koma saman í höfuðborginni og eiga þar fundi með ferðaþjónustunni er nú orðin að stærsta kynningarviðburði ferðaþjónustunnar og farin að vekja áhuga erlendra ferðaskrifstofa.
