20. nóvember - 27. nóvember - Tbl 47
Fara ótroðnar slóðir
Geir Ívars flokkar ostrur. mynd/aðsend
Kristján Phillips og Geir Ívarsson ákváðu árið 2009 að troða ótroðnar slóðir og hefja kræklingarækt í Skjálfandaflóa og stofnuðu utan um það fyrirtækið Víkurskel. Aðspurður segir Kristján að þetta hafi aðallega komið til því þá vantaði eitthvað að gera. „Það var ekkert að gera hér á Húsavík á þessum árum þannig að við ákváðum að reyna búa til einhverja atvinnustarfsemi sem myndi virka, það virtist enginn vera gera neitt hérna,“ segir Kristján. Áður en langt um leið breyttust þó plönin hjá Víkurskel. „Kræklingurinn var ekki að gera sig, það var svo mikil vinna við þetta og hann var heldur ekki alltaf að halda sér á línunum þar sem hann átti að vera þannig að við misstum þetta allt saman,“ útskýrir Kristján.
Árið 2013 hófst annar kafli í þessu ævintýri þegar þeir hófu tilraunarækt á ostrum. Aðdragandinn var reyndar eitthvað lengri því það tók sinn tíma að fá öll tilskilin leyfi enda ostrur ekki hluti af náttúrulega lífríki við Íslandsstrendur. „Þetta þurfti að fara í gegnum sama ferli og krókódílarnir á sínum tíma. Eini munurinn er að við fengum leyfið að lokum,“ segir Kristján og hlær en bætir við að það sé engin hætta á að þetta sleppi úr búrunum. „Ef þetta fer niður á botn þá drepst þetta um leið, þetta er það viðkvæmt.“
Viðtalið má nálgast í heild sinni í prentútgáfu Skarps.
-Skarpur, 5. júlí
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
