20. nóvember - 27. nóvember - Tbl 47
Fyrsti dagur ,,sumarsins" þar sem tvö skemmtiferðaskip heimsækja bæinn
Aidaluna
Í dag er fyrsti dagur sumarsins þar sem tvö skip leggjast að bryggju á sama degi í Akureyrarhöfn. AIDAluna kom um 7 leytið í morgun og verður hér þar til seinnipartinn. Um svipað leytið og AIDAluna fer í dag, kemur Borealis og verður hér þar til annað kvöld. Á morgun koma svo bæði Fridtjof Nansen og Norwegian Prima.
Til þess að stýra betur umferð farþega skemmtiferðaskipanna í sumar, höfum við reynt að draga í sundur komur og brottfarir skipanna. Við minnum á að hægt er að sjá yfirlit yfir komur og brottfarir hér: https://port.is/cruiseships/
Síðustu tvær vikur hafa starfsmenn okkar unnið hörðum höndum við að gera hafnarsvæðið öruggara fyrir bæði starfsmenn og farþega. Ný og betri skilti hafa verið sett upp, hlið hafa verið færð til og vakthúsi fyrir gæslu Securitas hefur verið bætt við. Við höfum fengið gott fólk með okkur í þessi verkefni en það er ansi margt sem býr í starfsmönnum okkar og hafa þeir langt mikið á sig svo allt virki vel.
Hönnuðurinn Vaiva Straukaite hjá Studio Vast hannaði fyrir okkur ný skilti. Hermann Arason hjá Prentsmiðjunni hefur staðið í ströngu og prentað öll okkar skilti. Friðrik Bjarnason tók svo að sér að færa hlið á Tangabryggju fyrir breytt skipulag. Við þökkum þeim öllum kærlega fyrir frábært og faglegt samstarf.
Meðfylgjandi myndir sýna nokkur af skiltunum, vinnu við breytingar og yfirferð hafnastjóra með starfsmönnum hafnarinnar og Securitas.
Frá þessu segir á heimasíðu Akureyrarhafnar
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
