Líkan af „Stellunum“ afhjúpað við glæsilega athöfn
Líkan af systurskipunum Sléttbak EA 304 og Svalbak EA 302 var afhjúpað og afhent við hátíðlega athöfn í matsal Útgerðarfélags Akureyringa, í gær, nákvæmlega hálfri öld eftir að þessi glæsilegu skip komu í fyrsta sinn til Akureyrar.
Að smíði líkansins stendur hópur er kallar sig „Stellurnar,“ sem er áhugahópur um varðveislu sögu ÚA togara. Líkanið smíðaði Elvar Þór Antonsson á Dalvík.
Sigfús Ólafur Helgason safnstjóri Iðnaðarsafnsins á Akureyri er hvatamaður að verkefninu. Hann segir að sú hugmynd hafi kviknað sl. vetur að setja á laggirnar söfnun til að standa straum af kostnaði við að smíða líkan af skipununum. Tímasetningin á afhjúpun líkansins hafi verið einstaklega ánægjuleg og táknræn.
Stellunafnið á sér uppruna í nöfnum skipanna áður en þau urðu að Svalbak og Sléttbak, þegar ÚA keypti þau frá Færeyjum.
Fjölmenni sótti hátíðina í ÚA salnum, svo sem sjómenn sem voru á Stellunum. Einnig færeyskt áhugafólk um Stellurnar, sem gerði sér ferð til Akureyrar til að taka þátt í viðburðinum.
Karlakór Akureyrar Geysir söng, sjómannalög, ræður voru fluttar m.a ávarpaði bæjarstjórinn i Klakksvík samkomuna gegnum fjarfunabúnað en Stellurnar voru gerðar út þaðan áður en skipin voru seld til ÚA. Ásthildur Sturludóttir bæjarstjóri á Akureyri talaði einnig sem og Kristján Vilhelmsson framkvæmdastjóri útgerðarsviðs Samherja sem bauð gesti velkomna og þakkaði Stellunum fyrir frumkvæði að smíði glæsilegs og vandaðs líkans. Freysteinn Bjarnason rifjaði upp en hann var yfirvélstjóri á Svalbak.
Þorleifur Ananíasson varð heiðraður af hópnum sem að byggingu líkansins stóð en hann vann á svokölluðum launakontor ÚA og eins og Sigfús Ólafur sagði við það tilefni ,,Á einn stað fórum við allir sjómenn daginn sem skipin komu að landi, en það var á svokallaðan launakontórinn til að fá einhverja aura, og til að halda því til haga skorti þar aldrei á og staðfesti það sem allir vissu, fyrirtækið var einstaklega vel rekið.
Á kontórnum mætti maður yfirleitt kl 13.00 og fyrirfram var búið að ákveða hvaða greiðsla yrði innt af hendi miðað við afla skipsins sem maður var á og þetta gekk nánast alltaf á vandkvæða. Stundum kom það fyrir að manni vantaði kannski aðeins meiri aur en í boði var í það skiptið, og þá voru stundum samningaviðræður hafnar og oftast fór maður sáttur heim.
Einn er þó sá maður sem ég veit að við sjómenn allir áttum alla tíð gott með að leita til á kontórnum og fundum aldrei annað en hlýtt viðmót, skilning og samstöðu með okkur, og nú á þessum tímamótum sem við stöndum á í dag langar okkur fyrrum Ú.A. sjómönnum að segja einfaldlega við þennan mann.
Takk fyrir viðmótið og vinarþelið sem þú sýndir okkur alla tíð.
Vil ég biðja Þorleif Ananíasson fyrrverandi skrifstofumann á launakontór Ú.A. að koma hingað til mín og veita hér viðtöku smá þakklætisvotti frá okkur fyrrum Ú.A. sjómönnum. Við fyrrum Ú.A. sjómenn minnumst áranna sem við áttum saman því sannarlega vorum við samstarfsfélagar þínir og viljum nú segja það bara beint við þig.
Þorleifur Ananíasson.
Kæri vinur. Takk fyrir okkur. Hafðu hjartans þakkir fyrir.“
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
