20. nóvember - 27. nóvember - Tbl 47
Ekkert að gerast í húsnæðismálum Kisukots Samþykkt í bæjarráði fyrir 10 mánuðum að hefja samningaviðræður
Bæjarráð Akureyrar samþykkti í nóvember í fyrra að hefja samningaviðræður við Kisukot um að koma starfseminni út af heimili í bænum og í húsnæði sem uppfyllti kröfur fyrir starfsleyfi. Ekkert hefur gerst Mynd af facebooksíðu Kisukots
„Vægt til orða tekið þá er ég orðin mjög þreytt á þessu. Ég er reglulega spurð að því hvernig gangi að fá stuðning frá Akureyrarbæ við Kisukot, en staðan þar er bara sú sama og verið hefur, það virðist ekkert vera að gerast. Síðustu samskipti mín við bæinn voru í apríl á þessu ár. Ég hef send nokkra tölvupósta síðan en ekki fengið svör. Það er greinilegt að áhuginn er enginn,“ segir Ragnheiður Gunnarsdóttir sem hefur um árabil rekið athvarf fyrir ketti á heimili sínu, eða frá því í lok janúar árið 2012.
Um þessar mundir eru 15 aukakettir í Kisukoti og ekki allir tilbúnir að fara inn á heimili. „Það er mjög algengt að hér séu um 10 kettir aukalega, oftast fleiri og sérstaklega er margir hjá mér yfir sumarmánuðina. Ég gæti verið með fleiri, þörfin er slík, en það bara er ekki meira pláss,“ segir hún.
Bæjarráð Akureyrar samþykkti í byrjun nóvember á liðnu ári að hefja samningaviðræður við Kisukot sem miðuðu að því að starfseminni yrði komið fyrir í húsnæði sem uppfyllt þau skilyrði að fá starfsleyfi.
Mörg hundruð kisum bjargað – kostar vinnu, tíma og fjármagn
Stjórn Samtaka um dýravelferð á Íslandi skoraði einnig á liðnu ári á bæjarstjórn Akureyrar að styðja við það mikilvæga starf sem fer fram í Kisukoti. „Mörghundruð kisum hefur verið bjargað, það hefur kostað vinnu, tíma og fjármagn. Áframhaldandi starfsemi er tvímælalaust Akureyrarbæ í hag. Sveitafélög hafa aðstoðað samsvarandi starfsemi, má þar nefna Akranes sem útvegaði félaginu Villiköttum húsnæði. Mikilvægt er að sveitafélög láti til sín taka í málum sem varða velferð dýra,“ segir í áskorun Samtaka um dýravelferð.
Fram kemur í minnisblaði sem tekið var saman í fyrra, að sex sveitarfélög á landinu styrkja svipaða starfsemi og Kisukots í formi húsnæðis ásamt hita og rafmagni og fleira sem til þarf vegna reksturs undir slíka starfsemi. Talið er að húsnæðið undir kattaathvarf þurfi að vera um 50 m² að stærð. Beinn stuðningur við húsnæði af þeirri stærð yrði um 150 þúsund krónur á mánuði.
Bæjarráð Akureyrar samþykkti í nóvember í fyrra að hefja samningaviðræður við Kisukot um að koma starfseminni út af heimili í bænum og í húsnæði sem uppfyllti kröfur fyrir starfsleyfi. Ekkert hefur gerst enn og er Ragnheiður Gunnarsdóttir sem rekur Kisukot orðin langþreytt á stöðunni. Hún er með 15 auka ketti hjá sér um þessar mundir.
Leitum að hentugu húsnæði
„Við höfum verið að leita af hentugu húsnæði á góðum stað,“ segir Heimir Örn Árnason formaður bæjarráðs Akureyri. „Það hefur því miður ekkert hentugt dottið inn á borð hjá okkur.“ Kveðst Heimir Örn svo sannarlega vonast til að málið leysist á næstu mánuðum.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
