Eins og þú, í Borgarhólsskóla
Nemendur Borgarhólsskóla á Húsavík fengu heldur betur góða heimsókn á mánudag þegar tónlistarmaðurinn Ágúst Þór Brynjarsson mætti á svæðið og stýrði söngsal hjá nemendum skólans. Ágúst tekur eins og kunnugt er þátt í söngvakeppni sjónvarpsins með lagið "Eins og þú" og það var að sjálfsögðu sungið svo undir tók í salnum. Ágúst er sjálfur fyrrverandi nemandi og starfsmaður skólans og það leyndi sér ekki að krakkarnir voru ánægðir með að fá hann heim.
Ágúst er fæddur og uppalinn á Húsavík og bjó þar til 18 ára aldurs en er í dag búsettur á Akureyri. Það er því ljóst að hann nýtur mikils stuðnings á Norðurlandi í keppninni en Ágúst stígur á svið í fyrra undanúrslitakvöldinu sem fram fer á Rúv í kvöld.
Söngsalurinn var eftirminnilegur þar sem Ágúst leiddi nemendur í gegnum nokkur klassísk söngsalarlög eins og Skólasöng Borgarhólsskóla og Höfuð, herðar hné og tær en þegar kom að því að syngja „Eins og þú“ var engu líkara en að þakið ætlaði af húsinu og það hafði ekkert með veðrið að gera. Að sögnum loknum tók Ágúst sér tíma til að spjalla við nemendur og gefa þeim eiginhandaráritanir.
Nýjast
-
Eins og þú, í Borgarhólsskóla
Ágúst Þór Brynjarsson tróð upp fyrir nemendur -
Krefst þess að velferðarnefnd alþingis verði kölluð saman vegna lokunnar flugbrautar.
Njáll Trausti Friðbertsson (D) hefur óskað þess í erindi til Guðmundar Inga Kristinssonar (V) formanns velferðarnefndar alþingis að nefndin komi saman til fundar hið fyrsta til þess að ræða þá alvarlegu stöðu sem blasir við í tengslum við lokun á lendingar á flugbraut 13/31 á Reykjavíkurflugvelli. Lendingarbannið tekur að öllu óbreyttu gildi á miðnætti í kvöld. -
Framsýnarfélagar telja hag sínum best borgið austan Vaðlaheiðar
Framsýn stéttarfélag hefur tekið til umfjöllunar hugmyndir Félags verslunar- og skrifstofufólks á Akureyri um sameiningu stéttarfélaga á Norðurlandi í eitt 18 þúsund manna stéttarfélag. Hugmyndirnar eru settar fram í bréfi til aðildarfélaga Alþýðusambands Norðurlands í nóvember í fyrra. Framsýn hefur fjallað ítarlega um erindið á fundum í félaginu. -
Sýndu kraft með prjóni Amtsbókasafnið á morgun laugardag
Í tilefni af vitundarvakningu Krafts verður boðið uppá pop-up prjónaviðburð í Amtbókasafninu á morgun laugardag milli kl 11 og 13. -
Gervigreindin og háskólar - útgáfa bókar
Fyrir áramót kom út bókin Generative Artificial Intelligence in Higher Education á vegum Libri Publishing Ltd. Bókin fjallar um skapandi gervigreind í háskólasamfélaginu. Bókinni er ætlað að styðja starfsfólk háskóla við innleiðingu gervigreindar á ýmsum sviðum. Töluverðar umræður hafa átt sér stað í samfélaginu um notkun gervigreindar, ýmsar siðferðilegar áskoranir og heiðarleika í vinnu, námi, rannsóknum og kennslu. Með tilkomu nýrrar tækni er mikilvægt að skoða hvaða hlutverk og hvaða möguleika notkun gervigreindar getur fært okkur. -
Þegar allt er orðið hljótt, já eða svo gott sem
Veðrið sem hér hefur geisað s.l sólarhring er loks að slota og má fullyrða að flestir fagni því. Starfsfólk Norðurorku hefur haft í mörg horn að líta og ekki gefið neitt eftir. -
Krefjast tafarlausra viðbragða vegna lokana á flugbrautum Reykjavikurflugvallar
Miðstöð sjúkraflugs á Íslandi en að henni standa Slökkvilið Akureyrar, Sjúkrahúsið á Akureyri og Norlandair, sendi frá sér mjög harða yfirlýsingu ný síðdegis vegna þeirrar stöðu sem við blasir á Reykjavíkurflugvelli með lokun ,,tveggja flugbrauta, 13 – 31, í myrkri vegna áhrifa trjágróðurs á aðflugs- og brottflugsfleti umræddra flugbrauta. Þann 6. febrúar síðastliðinn var svo tilkynnt að innan 48 klukkustunda verði flugbrautunum lokað fyrir allri flugfumferð, burtséð frá birtuskilyrðum. Sú lokun mun því taka gildi laugardaginn 8.febrúar." -
Viðbúnaður og í mörg horn að líta hjá starfsfólki Norðurorku
Nú er aftakaveður aftur skollið á og staðan orðin þung víða. Áskoranir dagsins eru af ýmsu tagi og snúa að öllum veitum fyrirtækisins. Neyðarstjórn var virkjuð og mönnuð í gærkvöldi og er það enn í dag og starfsfólk Norðurorku hefur síðan í gær unnið hörðum höndum að því að tryggja órofinn rekstur. -
Veðrið hefur áhrif á dreifingu Vikublaðsins og Dagskrár
Ljóst er að veðrið mun setja svip sinn á dreifingu Vikublaðsins í dag. Blaðið er prentað í Reykjavík og þvi svo flogið hingað norður yfir heiðar. Eins og fólki er kunnugt liggur allt innanlandsflug niðri í rauðri viðvörun sem er í gildi langt fram eftir þessum degi.
