Eigendaskipti á elstu snyrtistofu Akureyrar
Eigendaskipti hafa orðið á elstu snyrtistofu Akureyrar en nýverið seldu þau Kristín Hildur Ólafsdóttir og Sigurður Sverrisson reksturinn á Abaco heilsulind.
Það voru þær Hugrún Lind Geirdal, Ingibjörg Hulda Jónsdóttir og Inga Heinesen sem keyptu reksturinn en þær tvær síðarnefndu höfðu áður rekið fyrirtækið Derma Klíník sem sérhæfir sig í fegrunarmeðferðu. Með eigendaskiptunum á Abaco mun reksturinn sameinast og verður fyrirtækið rekið undir nafninu Abaco heilsulind/Derma Klíník til að byrja með.
Abaco er til húsa í Hrísalundi 1a og mun verða áfram undir dyggri handleiðslu þessara þriggja, en Ingibjörg Hulda og Inga eru hjúkrunarfræðingar og Hugrún Lind er snyrtifræðimeistari.
Frá vinstri Hugrún Lind er snyrtifræðimeistari, Inga og Ingibjörg Hulda en þær eru hjúkrunarfræðingar
Vikublaðið fékk þær stöllur í spjall, en þær eru harðákveðnar að halda rekstrinum í góðu horfi eins og áður hefur verið og halda áfram að bjóða Akureyringum uppá faglega og fjölbreytta þjónustu í heimabyggð: „Abaco býður upp á svo marga möguleika. Hún er elsta snyrtistofa Akureyrar og við erum ótrúlega stoltar af því að halda rekstrinum í “heimahéraði”.
,,Við erum með stóra drauma og sjáum fyrir okkur að geta verið starfsstöð fyrir fjölbreyttan hóp af metnaðarfullu fólki. Húsið er stórt og við getum og viljum sannarlega bæta við okkur góðu fólki sem getur notið félagsskaps og stuðnings af hvort öðru. Bæði ungt fólk sem er að stíga sín fyrstu skref í rekstri og þau sem eru með sjálfstæðan rekstur og vilja prófa nýtt umhverfi."
,,Í dag erum við svo heppnar að hafa Evu fótaaðgerðarfræðing hjá okkur. Við getum leitað til hennar og hún til okkar sem reynist okkur mjög dýrmætt. Við erum eina stofan á Akureyri sem býður upp á fegrunarmeðferðir hjá hjúkrunarfræðingum og við komum klárlega til með að bæta við okkur fleiri nýjungum og veita Akureyringum fjölbreytta þjónustu sem hefur hingað til verið bundin við höfuðborgarsvæðið.“
En hvernig kom það til að þær skyldu taka við rekstrinum af þeim Kristínu og Sigga?
„Inga og Hulda byrjuðu að leigja herbergi á Abaco í desember 2022 með fyrirtæki sitt Derma Klíník. Þær sáu strax hvað það eru mörg tækifæri á þessari rótgrónu snyrtistofu sem er einmitt 25 ára á árinu. Þær fengu svo Hugrúnu snyrtimeistara með sér í lið enda mikilvæg viðbót í teymið þar sem hún hefur starfað á Abaco síðan 2020 og þekkir reksturinn vel. Inga og Hulda voru með þennan draum í maganum frá fyrsta degi að taka við fyrirtækinu og er í raun ástæðan fyrir því að þær fluttu sig á Abaco.“
Eins og áður segir býður Abaco upp á gríðarlega fjölbreytta þjónustu en fyrir utan hinar hefðbundnu snyrtimeðferðir er einnig boðið upp á fylliefni og aðrar fegrunarmeðferðir. Það er fullbúin baðstofa á staðnum og velútbúin nuddstofa.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
