Draumur eldri borgara á Akureyri drepinn með eins atkvæðis mun
Ásdís Árnadóttir skrifar
Forsaga málsins er að ég kona á níræðisaldri, búsett syðst í Hagahverfi ásamt mínum maka, komumst að þeirri niðurstöðu, að við myndum einangrast hér er færi að halla undan fæti, svo leit var hafin að húsnæði, nær þjónustu og fólki á okkar aldri.
Eftir leit að íbúð í svokölluðum eldri borgara blokkum hér í bæ (sem allar eru verðlagðar langt fram úr hófi án skýringa en eldra fólk lætur sig hafa það, til að vera nálægt fólki á svipuðu reki) ákvað ég að reyna að finna byggingarmeistara og lóð, þar sem byggja mætti blokk fyrir venjulegt fólk á almennu gangverði (60+)
Eftir langa leit gekk þetta allt upp, lóðin að Hulduholti 2 var hentug og verktakinn sem fékk lóðina úthlutaða tilbúinn að byggja og selja okkur.
Ég hafði stofnað hóp á Facebook fyrir áhugasama, haldið tvo fjölmenna fundi, þar sem hönnuður og verktaki sátu fyrir svörum, teikningar af tilvonandi íbúðum lágu frammi og höfðu 15 íbúðir af 24 verið skráðar á nafn, en nokkrir voru að skoða málið. Byggingarnefnd var stofnuð sem í sátu 5 eldri borgarar.
Eftir grenndarkynningu 2020 í nýju Holtahverfi, breytti skipulagsráð Akureyrar umræddri byggingu þannig að þriðja og efsta hæð yrði verulega inndregin með þeim afleiðingum að einungis yrði pláss fyrir lúxusíbúðir þar, í stað átta venjulegra.
Tillaga okkar þess efnis að plássið yrði fullnýtt á efstu hæðinni var lögð fram fyrir skipulagsráð sem tók ákvörðun 6. apríl s.l. Beiðni um nauðsynlega breytingu var hafnað með eins atkvæðis mismun af þeim Þórhalli Jónssyni, D-lista Guðmundi B Guðmundssyni B-lista og Arnfríður Kjartansdóttir, V-lista. Sindri Kristjánsson, S-lista og Ólöf Inga Andrésdóttir, L-lista voru mjög meðmælt breytingunni og létu bóka það sérstaklega.
Eftir fund með skipulagsstjóra bæjarins og bæjarstjóra í framhaldi af þessari óvæntu niðurstöðu kom í ljós að engu var hægt að breyta, eina lausnin að þeirra mati var að hefja ferlið aftur sem tæki a.m.k. 3 mánuði eða meira og gæti niðurstaðan þessvegna aftur orðið neikvæð. Við gengum af þeirra fundi, algjörlega buguð og sáum okkur ekki fært að halda áfram. Fallegi draumurinn var úti, að bærinn sem við höfum öll greitt gjöld til um langan aldur, og þjónað af trúmennsku myndi verðlauna þennan aldurshóp sem er frá 67-86 ára, fyrir að taka af þeim ómakið að koma upp byggingu fyrir eldra fólk sem sárlega vantar. Þarna var okkur neitað um hagkvæma breytingu á húsinu, sem hefði verið lítið mál að gera, að mati sérfræðinga, en viljinn var enginn.
Ásdís Árnadóttir, eldri borgari á Akureyri.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
