Dómsmálaráðherra heimsótti Norðurland eystra
Dómsmálaráðherra, Guðrún Hafsteinsdóttir, heimsótti nýverið stofnanir ráðuneytisins á Norðurlandi eystra. Hjá héraðsdómi Norðurlands eystra í Hafnarstræti tók á móti ráðherranum héraðsdómarinn Hlynur Jónsson, í fjarveru dómstjóra Arnbjargar Sigurðardóttur. Ráðherra kynnti sér starfsemi dómstólsins og skoðaði húsakost hans. Héraðsdómur Norðurlands eystra er annasamasti héraðsdómstóllinn utan höfuðborgarsvæðisins og starfa þar að jafnaði tveir dómarar.
Lögreglustjórinn á Norðurlandi eystra, Páley Borgþórsdóttir, tók á móti ráðherra í lögreglustöðinni við Þórunnarstræti á Akureyri. Lögreglan á Norðurlandi eystra rekur auk þess starfsstöðvar á Húsavík, Þórshöfn, Siglufirði og Dalvík. Tveir sérsveitarmenn hafa starfað á Akureyri en til stendur að fjölga þeim þannig að fjórir sérsveitarmenn starfi norðan heiða.
Íbúar umdæmisins eru um 32 þúsund talsins í 11 sveitarfélögum og er lengd vegakerfisins um 3.200 km. Í umdæminu eru margir þéttbýlisstaðir og margir vinsælir ferðamannastaðir, auk þess sem mikill fjöldi ferðamanna heimsækir svæðið reglulega. Í máli lögreglustjóra kom fram að málafjöldi hjá embættinu hafi aukist verulega undanfarin ár, mál séu oft orðin alvarlegri, rannsóknir flóknari og viðbúnaður oft þurft að vera meiri. Lögreglustjóri nefndi sem dæmi að á fyrri hluta árs 2023 hefði lögregla vopnast nær fjórfalt oftar en allt árið áður. Hún lýsti áhyggjum manna af verulegri aukningu á ofbeldi og ofbeldishótunum gagnvart lögreglumönnum.
Sýslumaðurinn á Norðurlandi eystra, Svavar Pálsson, tók á móti ráðherra í Hafnarstræti á Akureyri og síðan á aðalskrifstofu embættisins að Útgarði á Húsavík. Sýslumaður kynnti embættið fyrir ráðherra og fylgdarmönnum hennar og sýndi húsakost á Akureyri sem og á Húsavík. Hjá sýslumanni á Norðurlandi eystra starfa 25 starfsmenn á fimm starfsstöðvum á Akureyri, Húsavík, Siglufirði og Þórshöfn auk viðveru á Dalvík. Fram kom að rekstur allra starfstöðva embættisins byggir á samstarfi eða samrekstri með öðrum ríkisstofnunum eða sveitarfélögum.
Á meðal þeirra sérverkefna sem sýslumannsembættinu hafa verið falin eru greiðsla bóta til þolenda afbrota, meðhöndlun sanngirnisbóta og útgáfa leyfisbréfa til starfsréttinda lögmanna.. Umsjón sérverkefnanna er að mestu leyti sinnt á starfstöð á Siglufirði.
Í heimsókninni spunnust góðar umræður um eflingu sýslumannsembættanna með auknum flutningi verkefna á grundvelli góðrar reynslu. Jafnframt vaxandi tækifærum til stafrænnar vinnslu opinberra verkefna í þágu hagræðingar í ríkisrekstri.
Frá þessu er sagt á vef Stjórnarráðsins
Jóhannes Sigfússon og Skarphéðinn Aðalsteinsson aðstoðaryfirlögregluþjónar, Guðrún Hafsteinsdóttir dómsmálaráðherra og Páley Borgþórsdóttir lögreglustjóri á Norðurlandi eystra.
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
