Carnegiea Gigantea
Það er áhugavert og frískandi að fara í leikhús þar sem hugtök á borð við réttarríki, lög, mannréttindi, valdboð og stjórnarskrárfíkn bera ítrekað á góma. Gott leikhús á meðal annars að hreyfa við áhorfendum og vekja upp spurningar og vangaveltur um lífið og tilveruna og samfélagið sem við erum hluti af og þátttakendur í. Leikverkið Kaktusinn, sem Leikfélag Akureyrar frumsýndi síðastliðið föstudagskvöld í Samkomuhúsinu, tekur á ýmsu er varðar þann ótta sem virðist hafa búið um sig í sálartetri einstaklinga og samfélaga um allan heim nú á 21. öldinni. Stöðugar fréttir af yfirvofandi árásum valda því að þráin eftir öryggi er mikil, sama hvort það öryggi er raunverulegt eða falskt, enda kannski ekki auðvelt að skilja þar á milli. Í verkinu má greina vissa ádeilu á stjórnvöld sem sögð eru ala á ótta almennings og óttinn svo notaður sem stjórntæki. Höfundur verksins er þýski rithöfundurinn og mannréttindalögfræðingurinn Juli Zeh. Löglærður rithöfundur er spennandi blanda og því ekki að undra að efnistök í verki hennar séu tengd lögum og mannréttindum.
Leikstjóri sýningarinnar er Ragnheiður Skúladóttir leikhússtjóri Leikfélags Akureyrar og mun þetta vera hennar frumraun sem leikstjóri hjá Leikfélaginu. Leikarahópurinn er sá sami og í Leigumorðingjanum nú í haust, þau Aðalbjörg Árnadóttir, Anna Gunndís Guðmundsdóttir, Einar Aðalsteinsson og Hannes Óli Ágústsson. Öll eru þau fastráðnir leikarar hjá Leikfélagi Akureyrar sem hafa fyrr á leikárinu sýnt og sannað hæfni sína og frábært samspil. Sögusvið leikverksins er skrifstofa lögreglunnar í Frankfurt í Þýskalandi, þar sem meintur hryðjuverkamaður frá Californiu, Carnegiea Gigantea, er tekinn höndum og færður á lögreglustöðina til yfirheyrslu. Honum er kynntur réttur sinn, meðal annars rétturinn til að þegja. Óhætt er að segja að hinn grunaði nýti þann rétt sinn út allt verkið, enda er hann risastór kaktus sem eðli málsins samkvæmt er ekki málgefinn. Þýski sérsveitarmaðurinn Dürrmann, sem leikinn er af Hannesi Óla, vill ganga hart fram í yfirheyrslunum og hefur sér til aðstoðar tvo lögreglunema, þau Cem og Súsí, sem Einar og Anna Gunndís leika. Það er einungis Súsí sem viðrist hafa nokkrar efasemdir um þessa aðgerð. Hún minnir félaga sína á að hinn grunaði sé saklaus uns sekt hans er sönnuð og vísar þar til einnar af meginreglum sakamálaréttarfars sérhvers réttarríkis. Það er ekki fyrr en æðstavaldið Doktor Schmidt, sem leikinn er af Aðalbjörgu, kemur til sögunnar að hlutirnir fara að gerast.
Leikmynd og búninga hannaði Tinna Ottesen. Leikmyndin samanstendur einungis af litlu þröngu skrifstofuherbergi. Þetta minnkar sjálft sviðið og það leikrými sem leikararnir hafa, en að sama skapi finna áhorfendur fyrir meiri nánd við sjálft leikverkið. Á köflum var þetta þrúgandi og erfitt, sértaklega eftir að búið var að byrgja fyrir einu útgönguleiðina á sviðinu og hitinn í salnum ætlaði alla að kæfa. Þetta var þó án efa gert meðvitað til þess að koma til skila þeirri stöðu sem persónurnar töldu sig vera í. Ljósahönnun var í höndum Jóhanns Bjarna Pálmasonar. Eðli málsins samkvæmt býður verkið ekki upp á mikla fjölbreytni í lýsingu, en Jóhanni tókst vel að nýta þau tækifæri sem í boði voru og má þar sérstaklega nefna lýsingu í gegnum göt á skrifstofumöppunum.
Leikararnir eiga allir hrós skilið fyrir góðan og sannfærandi leik og túlkun, en því miður var það ekki nóg. Þrátt fyrir áhugavert umfjöllunarefni nær sýningin ekki að halda áhorfendum við efnið. Hún er langdregin á köflum og sum atriðin heldur viðburðasnauð. Hér á ferðinni leikrit sem vandi er að vinna úr og hefði mátt þétta og stytta, en sýningin heldur ekki út í rúma tvo klukkutíma. Verður að skrifa þessa ágalla á höfund verksins og á leikstjórann.
Sólveig Þórhallsdóttir, leiklistargagnrýnandi Vikudags
Nýjast
-
Völsungspiltar í Lengjudeild í fótboltanum 2025!
Völsungur mun eiga lið í næst efstu deild karlafótboltans á Íslandi næsta sumar, þetta varð ljóst eftir frábæran stórsigur 8-3 á liði KFA á Reyðarfirði í dag. Liðið sem sérfróðir sunnan heiða gáfu enga möguleika á einu eða neinu í spám fyrir sumarið er svo sannarlega vel að þessum árangri komið. Þeir hafa svo dæmið sé tekið ekki lotið í lægra haldi í seinustu níu leikjum. -
Hringtorg við Lónsbakka Tilboð verkið um 90% yfir áætluðum kostnaði
„Við erum að skoða það að gera breytingar á hönnun sem felast í því að fella undirgöngin út á þessum stað. Það gerir framkvæmdina bæði mun ódýrari og einfaldari, svo framkvæmdatíminn mun styttast umtalsvert,“ segir Rúna Ásmundsdóttir deildarstjóri Tæknideildar á Norðursvæði Vegagerðarinnar. -
Kvennaathvarfið á Akureyri Enn hefur ekki tekist að finna nýtt húsnæði
„Við erum orðnar frekar órólegar yfir stöðunni,“ segir Linda Dröfn Gunnarsdóttir framkvæmdastýra Kvennaathvarfsins. Leigusamningi við Kvennaathvarfið á Akureyrar var sagt upp á liðnu sumri og verður það því húsnæðislaust frá og með 1. janúar 2025 finnist ekki hentugt húsnæði fyrir þann tíma. Leit hefur staðið yfir undanfarna tvo mánuði en ekki borið árangur. Kvennaathvarf, ætlað konum og börnum sem flýja þurfa heimili sitt sökum ofbeldis var fyrst opnað á Akureyri í ágúst árið 2020 -
Hver er Akureyri framtíðar?
Akureyri er blómlegur bær, með öll lífsins gæði; er mikilvæg miðstöð þjónustu og skýr valkostur fyrir þau okkar sem vilja búa í þægilegu borgarumhverfi á þessu landshorni frekar en öðru. Þannig viljum við örugglega öll hafa það og á þeim forsendum viljum við, held ég flest, að bærinn haldi áfram að vaxa og dafna. En hvað þarf til, og hvað getur komið í veg fyrir að bærinn sé og verði besta útgáfan af sjálfum sér? -
Ný heimasíða Bjarmahlíðar þolendamiðstöðvar fyrir þolendur ofbeldis er orðin að veruleika.
Síðan er styrktarverkefni nokkurra aðila og þar ber fyrst að nefna FKA félag kvenna í atvinnulífinu en fyrir tilstilli þessa félags sem Kristín Snorradóttir teymisstjóri Bjarmalíðar er aðili að fór boltinn að rúlla. Kristín lét það berast innan félagsins að hún sem teymisstjóri Bjarmahlíðar óskaði eftir styrkjum til þess að fara í að gera nýja heimasíðu. Viðbrögðin létu ekki standa á sér og Harpa Magnúsdóttir eigandi Hoobla bauðst til þess að auglýsa eftir aðilum sem væru tilbúnir til að vera með styrktarverkefni í heimasíðugerð í von um að fá einstaklega gott verð. Hoobla styrkti Bjarmahlíð með þessu og sá styrkur átti sannarlega eftir að margfaldast, mörg góð boð komu í verkið en fyrir valinu varð Vigdís Guðmundsdóttir vefhönnuður og Markaðssérfræðingur með meiru https://www.linkedin.com/in/vigdisgudmunds/ -
Akureyri - Leikskóli fyrir 160 börn verður byggður við Naustagötu í Hagahverfi
Í gær var undirritaður samningur Akureyrarbæjar og Húsheildar ehf. um hönnun og byggingu leikskóla við Naustagötu í Hagahverfi ásamt frágangi á leiksvæði, leiktækjum, bílastæði og öðru á lóð. -
Aðalsteinn Árni hættir sem stjórnarformaður Þekkingarnets Þingeyinga
Á aðalfundi Þekkingarnets Þingeyinga urðu þau tíðindi að Aðalsteinn Árni Baldursson steig úr stóli formanns stjórnar Þekkingarnetsins. Aðalsteinn, eða Kúti okkar, hefur leitt stjórn stofnunarinnar frá stofnun eða í ríflega 20 ár. Þar á undan átti hann meira að segja einnig sæti í stjórn Fræðslumiðstöðvar Þingeyinga, sem steig fyrstu skref í fullorðinsfræðsluþjónustu í héraðinu, áður en Þekkingarnetið tók þá starfsemi yfir. Aðalsteinn Árni óskaði ekki eftir áframhaldandi kjöri í stjórn á aðalfundi og lagði til að aðrir tækju við sínu hlutverki, þ.m.t. samstarfsfólk úr ranni aðila atvinnulífsins. -
Heilbrigðisstofnun Norðurlands rekin með 36 milljón króna afgangi á liðnu ári
„Þrátt fyrir að HSN glími við áskoranir í mönnun, eins og aðrar heilbrigðisstofnanir, þá er stofnunin afar heppin með starfsfólk sem er almennt mjög helgað og veitir fyrirtaks þjónustu. Á hverjum degi má sjá fjölbreyttan hóp starfsfólks lyfta grettistaki í margvíslegum störfum sínum,“ segir í skýrslu framkvæmdastjórnar Heilbrigðisstofnunar Norðurlands, HSN en ársfundur stofnunarinnar var haldin nýverið. -
Færri gistinætur í júní og ágúst en júlí var góður
„Í heildina hefur þetta ár komið ágætlega úr það sem af er,“ segir Ásgeir Hreiðarsson framkvæmdastjóri Hamra, útilífsmiðstöðvar skáta Akureyri. Fyrstu þrjá mánuði ársins var um 100% aukningu á milli ára að ræða og í aprílmánuði var fjöldi þeirra sem gisti á Hömrum svipaður og var árið á undan, „en það var í raun trúlega að mestu fyrir það að það snjóaði hraustlega í byrjun apríl og sá mánuður varð okkur þyngstur í snjómokstri,“ segir hann.
Athugasemdir