18 - 25 september - Tbl 38
Hringtorg við Lónsbakka Tilboð verkið um 90% yfir áætluðum kostnaði
Teikning af fyrirhuguðu hringtorgi
„Við erum að skoða það að gera breytingar á hönnun sem felast í því að fella undirgöngin út á þessum stað. Það gerir framkvæmdina bæði mun ódýrari og einfaldari, svo framkvæmdatíminn mun styttast umtalsvert,“ segir Rúna Ásmundsdóttir deildarstjóri Tæknideildar á Norðursvæði Vegagerðarinnar.
Gera á hringtorg við Lónsbakka, við Lónsá sem skilur að Akureyrarbæ og Hörgársveit. Verkið var boðið út í sumar sem leið en einungis eitt tilboð barst. Það var verulega mikið yfir áætluðum kostnaði. Tilboðið var frá Nesbræðrum sem buðu ríflega 854,2 milljónir króna í verkefni. Áætlaður verktakakostnaður var rúmar 451 milljón króna. Tilboð Nesbræðra var því tæplega 90% yfir áætluðum kostnaði við verkefnið.
Auk hringtorgsins var innifalið í verkefninu sem Vegagerðin, Hörgársveit og Norðurorka buðu út, að gera undirgöng, stoðveggi, vegtengingar og stíga. Þá var einnig innifalið í verkinu lenging á steyptu ræsi Lónsár sem og lagning hitaveitulagna.
Rúna segir að nú sé til skoðar að koma göngum fyrir óvarða vegfarendur fyrir á öðrum stað, „en það hefur þó ekkert verið fastneglt niður í þeim efnum og verður ekki hluti af þessari framkvæmd.“
Markmið með gerð hringtorgs á þessum stað er að auka umferðaröryggi vegfarenda og íbúa svæðisins, tryggja greiðari samgöngur og laga samgöngumannvirki betur að framtíðarþörfum íbúa og umhverfis.
Nýjast
-
Tóku við veglegri gjöf Framsýnar
Aðalfundur Framsýnar stéttarfélags samþykkti að færa Styrktarfélagi HSN í Þingeyjarsýslum að gjöf kr. 15.000.000,- til kaupa á tækjum og búnaði til að efla starfsemina enn frekar -
Þingeyjarsveit hástökkvari norðursins
Þingeyjarsveit er í toppbaráttunni á Norðurlandi eystra þegar kemur að tölum yfir íbúa. Nýjar tölur frá Þjóðskrá um íbúafjölda sveitarfélaga sýna að íbúum. Þingeyjarsveitar hefur fjölgað um 89 frá 1. desember 2023 til 1. september 2024 eða um 6%. -
Ný glæsileg fríhöfn opnar á Akureyrarflugvelli n.k laugardag
Hjördís Þórhallsdóttir flugvallarstjóri á Akureyrarflugvelli segir i morgun í færslu á Facebokarvegg hennar frá opnun nýrrar fríhafnar á flugvellinum. Vefurinn fékk leyfi til þess að birta færsluna. -
Græni hatturinn Endurfundir við Kristján frá Djúpalæk og textana hans
Hljómsveitin Djúpilækur heldur tónleika helgaða dægurlagatextum Kristjáns frá Djúpalæk á Græna hattinum laugardaginn 26 október kl. 15. -
Námskeið fyrir konur með ADHD í boði á landsbyggðinni
Mikill vitundavakning hefur átt sér stað undanfarið um ADHD og þau áhrif sem ógreint og ómeðhöndlað einkenni getur haft á sjálfsmynd fólks og líðan. Mikilvægi þess að fá greiningu hefur líka verið í umræðunni og mörg þúsund Íslendingar eru á biðlistum hjá ADHD teymi heilsugæslunnar. -
Lokaorðið - Og við verðum öll að geta hlustað.
Það getur ekki öllum liðið alltaf vel. En það á heldur engum að líða alltaf illa. Passleg blanda er líklega best, horfa bjartsýn fram á veg, snúa baki við skugganum. Vita af þungum steinum, en láta þá ekki hafa áhrif á sig. Lífsviðhorf sem ætti að vera auðvelt og einfalt, en er það ekki fyrir marga. Alltof marga. -
Húsvískur kúreki á krossgötum
Kúreki norðursins: Saga Johnny King, eftir Árna Sveinsson -
Ekkert að gerast í húsnæðismálum Kisukots Samþykkt í bæjarráði fyrir 10 mánuðum að hefja samningaviðræður
„Vægt til orða tekið þá er ég orðin mjög þreytt á þessu. Ég er reglulega spurð að því hvernig gangi að fá stuðning frá Akureyrarbæ við Kisukot, en staðan þar er bara sú sama og verið hefur, það virðist ekkert vera að gerast. Síðustu samskipti mín við bæinn voru í apríl á þessu ár. Ég hef send nokkra tölvupósta síðan en ekki fengið svör. Það er greinilegt að áhuginn er enginn,“ segir Ragnheiður Gunnarsdóttir sem hefur um árabil rekið athvarf fyrir ketti á heimili sínu, eða frá því í lok janúar árið 2012. -
Hvert er hlutverk sveitarfélaga í þjóðarátaki gegn ofbeldi meðal barna
Umræðan um ofbeldi meðal ungs fólks hefur verið áberandi okkur síðustu vikur og langar mig til að byrja á því að votta aðstandendum Bryndísar Klöru samúð mína og þakka þeim fyrir sitt sterka ákall um breytingar
Athugasemdir