11. sept - 18. sept - Tbl 37
Akureyri - Leikskóli fyrir 160 börn verður byggður við Naustagötu í Hagahverfi
Tölvugerð teikning af fyrirhugðum leikskóla
Í gær var undirritaður samningur Akureyrarbæjar og Húsheildar ehf. um hönnun og byggingu leikskóla við Naustagötu í Hagahverfi ásamt frágangi á leiksvæði, leiktækjum, bílastæði og öðru á lóð.
Lóð leikskólans er um 9.328 m² að stærð og gert er ráð fyrir 40-50 bílastæðum á lóðinni. Byggja skal einnar hæðar byggingu sem verður um 1.665 m².
Markmiðið er að bæta úr þörf fyrir 8 deilda leikskóla við Naustagötu 9 í Hagahverfi á Akureyri og að öll aðstaða fyrir börn og starfsfólk verði til fyrirmyndar. Leikskóli í Hagahverfi verður við Naustagötu þar sem bærinn Naust 2 stóð áður. Á lóðinni er nokkur trjágróður sem lögð er sérstök áhersla á að nýta sem best fyrir leikskólalóðina. Lóðin er einnig í góðum tengslum við fallega náttúru og útivistarsvæði með trjárækt.
Leikskólinn er fyrir um 156 börn á 8 deildum, leikrými fyrir hvert barn verði að lágmarki 3,5m². Börnin eru á aldrinum eins árs til sex ára. Gert er ráð fyrir allt að 47 stöðugildum i leikskólanum en mestur getur fjöldinn orðið 55 samtímis, vegna afleysinga og sérstuðnings. Markmið Akureyrarbæjar með byggingu leikskólans eru að bæta úr þörf fyrir 5 deildir 2026 og fullbúinn leikskóla með 8 deildum árið 2028.
Leitað er eftir góðri lausn á húsnæðismálum leikskólans með það í huga að nýting á lóðinni verði sem best út frá því starfi sem á sér stað í leikskólanum. Markmið bæjarins er einnig að útlit húss og lóðar taki mið af því umhverfi sem byggingin er í og þjóni starfsemi leikskóla sem best. Leikskólinn verði aðlaðandi bæði að utan og innan og aðkoma að honum verði auðveld.
Áhersla á að húsið veiti skjól fyrir norðan- og norðaustanátt
Við hönnun leikskólans er hugað sérstaklega að skjólmyndun á leikskólalóð, þannig að börn njóti útiverunnar sem mest. Hönnun og efnisval tekur mið af því að allt viðhald verði sem hagkvæmast til lengri tíma litið. Leikskólinn verður byggður í “L” og að mestu meðfram norðurhlið lóðar og að hluta með austurhlið að trjáreit sem á að varðveita. Lögð er áhersla á að húsið veiti skjól fyrir norðan- og norðaustanátt og þarf verktaki að láta gera vindgreiningu vegna norðanáttar og bregðast við því sem upp á vantar til að skýla fyrir norðanátt.
Í útboðsgögnum segir að lóð leikskólans skuli girða af með girðingu af vandaðri og viðurkenndri gerð, öll leiktæki og undirlag verði að uppfylla kröfur sem gerðar eru í lögum og reglugerðum. Verkinu tilheyra einnig allar innréttingar, búnaður og tæki sem ekki eru sérstaklega undanskilin sem framlag Akureyrarbæjar. Verktaki skal sjá um alla hönnun verksins og skila inn öllum þeim teikningum sem krafist er í lögum og reglugerðum. Öll hönnun og bygging hússins skal uppfylla íslenska staðla, lög og reglugerðir m.a. byggingarreglugerð, reglugerðir sem fjalla um hollustuhætti og öryggismál og annað sem á við um byggingu leikskóla og leikskólalóðar.
Verkinu er skipt í tvo áfanga. Fyrri áfanga skal ljúka í ágúst 2026 en hann felur í sér fullnaðarfrágang á 4-5 deildum og hluta lóðar ásamt bílastæðum. Síðari áfanginn er fullnaðarfrágangur á leikskólanum sem skal lokið í júní 2028.
Frá undirritun samningsins í gær.
Nýjast
-
Þingeyjarsveit hástökkvari norðursins
Þingeyjarsveit er í toppbaráttunni á Norðurlandi eystra þegar kemur að tölum yfir íbúa. Nýjar tölur frá Þjóðskrá um íbúafjölda sveitarfélaga sýna að íbúum. Þingeyjarsveitar hefur fjölgað um 89 frá 1. desember 2023 til 1. september 2024 eða um 6%. -
Ný glæsileg fríhöfn opnar á Akureyrarflugvelli n.k laugardag
Hjördís Þórhallsdóttir flugvallarstjóri á Akureyrarflugvelli segir i morgun í færslu á Facebokarvegg hennar frá opnun nýrrar fríhafnar á flugvellinum. Vefurinn fékk leyfi til þess að birta færsluna. -
Græni hatturinn Endurfundir við Kristján frá Djúpalæk og textana hans
Hljómsveitin Djúpilækur heldur tónleika helgaða dægurlagatextum Kristjáns frá Djúpalæk á Græna hattinum laugardaginn 26 október kl. 15. -
Námskeið fyrir konur með ADHD í boði á landsbyggðinni
Mikill vitundavakning hefur átt sér stað undanfarið um ADHD og þau áhrif sem ógreint og ómeðhöndlað einkenni getur haft á sjálfsmynd fólks og líðan. Mikilvægi þess að fá greiningu hefur líka verið í umræðunni og mörg þúsund Íslendingar eru á biðlistum hjá ADHD teymi heilsugæslunnar. -
Lokaorðið - Og við verðum öll að geta hlustað.
Það getur ekki öllum liðið alltaf vel. En það á heldur engum að líða alltaf illa. Passleg blanda er líklega best, horfa bjartsýn fram á veg, snúa baki við skugganum. Vita af þungum steinum, en láta þá ekki hafa áhrif á sig. Lífsviðhorf sem ætti að vera auðvelt og einfalt, en er það ekki fyrir marga. Alltof marga. -
Húsvískur kúreki á krossgötum
Kúreki norðursins: Saga Johnny King, eftir Árna Sveinsson -
Ekkert að gerast í húsnæðismálum Kisukots Samþykkt í bæjarráði fyrir 10 mánuðum að hefja samningaviðræður
„Vægt til orða tekið þá er ég orðin mjög þreytt á þessu. Ég er reglulega spurð að því hvernig gangi að fá stuðning frá Akureyrarbæ við Kisukot, en staðan þar er bara sú sama og verið hefur, það virðist ekkert vera að gerast. Síðustu samskipti mín við bæinn voru í apríl á þessu ár. Ég hef send nokkra tölvupósta síðan en ekki fengið svör. Það er greinilegt að áhuginn er enginn,“ segir Ragnheiður Gunnarsdóttir sem hefur um árabil rekið athvarf fyrir ketti á heimili sínu, eða frá því í lok janúar árið 2012. -
Hvert er hlutverk sveitarfélaga í þjóðarátaki gegn ofbeldi meðal barna
Umræðan um ofbeldi meðal ungs fólks hefur verið áberandi okkur síðustu vikur og langar mig til að byrja á því að votta aðstandendum Bryndísar Klöru samúð mína og þakka þeim fyrir sitt sterka ákall um breytingar -
Völsungspiltar í Lengjudeild í fótboltanum 2025!
Völsungur mun eiga lið í næst efstu deild karlafótboltans á Íslandi næsta sumar, þetta varð ljóst eftir frábæran stórsigur 8-3 á liði KFA á Reyðarfirði í dag. Liðið sem sérfróðir sunnan heiða gáfu enga möguleika á einu eða neinu í spám fyrir sumarið er svo sannarlega vel að þessum árangri komið. Þeir hafa svo dæmið sé tekið ekki lotið í lægra haldi í seinustu níu leikjum.
Athugasemdir