Heilbrigðisstofnun Norðurlands rekin með 36 milljón króna afgangi á liðnu ári
„Þrátt fyrir að HSN glími við áskoranir í mönnun, eins og aðrar heilbrigðisstofnanir, þá er stofnunin afar heppin með starfsfólk sem er almennt mjög helgað og veitir fyrirtaks þjónustu. Á hverjum degi má sjá fjölbreyttan hóp starfsfólks lyfta grettistaki í margvíslegum störfum sínum,“ segir í skýrslu framkvæmdastjórnar Heilbrigðisstofnunar Norðurlands, HSN en ársfundur stofnunarinnar var haldin nýverið.
Heilbrigðisstofnun Norðurlands var rekin með 36 milljóna afgangi á árinu 2023. Rekstur stofnunarinnar var þó þungur allt árið. Meginskýringin lá í talsverðum launabreytingum sem ekki voru bættar að fullu.
Önnur veigamikil skýring er mikil veikindi starfsfólks sem hefur talsverðan beinan kostnað í för með sér. Jafnframt felst mikill hulinn kostnaður í veikindum, svo sem vegna verkefna stjórnenda við að tryggja nauðsynlega mönnun á hverjum tíma og aukins álags á starfsfólk sem eftir er.
Ráða inn nema og lækna í sérnámi
Miklar áskoranir voru við mönnun á heilbrigðismenntuðu starfsfólki á árinu og á það við um flestar starfsstöðvar stofnunarinnar. Ein af þeim aðgerðum sem gripið hefur verið til er að taka á móti fleiri nemum og læknum í sérnámi en fjárheimildir leyfa, með það í huga að byggja grunn undir mönnun, til dæmis heimilislækna. Til framtíðar eru meiri líkur á að fá fólk til starfa sem fær menntun í heimabyggð segir í skýrslunni. Og að þessi aðgerð sé byrjuð að skila árangri en breytingar á vinnumarkaði, nýjar kynslóðir með aðrar þarfir sem og fjölmenning krefjast nýrra áherslna og aðgerða og eru því spennandi áskoranir framundan.
„Heilt yfir gekk árið vel, kannanir sýna að íbúar svæðisins treysta stofnuninni vel og mörg markmið hafa náðst. Framkvæmdastjórn horfir björtum augum til framtíðar. Á árinu 2024 hafa verið mörg mikilvæg verkefni, s.s. stefnumótun og flutningur í nýja heilsugæslustöð á Akureyri en jafnframt mun stofnunin fagna tíu ára afmæli.“
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
