20. nóvember - 27. nóvember - Tbl 47
Byggðarráð samþykkir að fara í endubætur á stjórnsýsluhúsi
Stjórnsýsluhús Norðurþings á Húsavík. Mynd úr safni/epe
Snemma á þessu ári greindist mygla í hluta Stjórnsýsluhúss Norðurþings á Húsavík og var starfsemi hússins flutt til að hluta. Fundir nefnda og ráða hafa af þeim orsökum farið fram í fundarsal GB 5.
Stofnaður var starfshópur í lok apríl til að meta þá kosti sem í boði væru fyrir húsnæði stjórnsýslunnar með það að markmiði að skila haldgóðri tillögu að framtíðarlausn fyrir stjórnsýsluhús á Húsavík.
Helstu verkefni starfshóps:
Greina starfsemi stjórnsýslu og meta stærð varanlegs húsnæðis fyrir starfsemina.
Skilgreina áskoranir og tækifæri við breytingu á húsnæði stjórnsýslunnar.
Meta kosti og galla þeirra leiða sem eru í boði.
Kostnaðargreina valkosti.
Leggja fram tillögur til byggðarráðs að varanlegri lausn fyrir starfsemi stjórnsýslu.
Á fundi byggðarráðs Norðurþings í dag voru tillögur starfshópsins kynntar og samþykkt að fara leið 1. Þ.e. að farið verið í endurbætur á Ketilsbraut 7-9. Þar sem starfsemi stjórnsýslunnar er nú þegar til húsa. „Það rými sem ekki þarf undir starfsemi stjórnsýsluhúss fái annað hlutverk fyrir aðra þætti starfsemi Norðurþings,“ segir í fundargerð ráðsins.
Hafrún Olgeirsdóttir D-lista og Áki Hauksson M-lista greiddu atkvæði með tillögunni en Hjálmar Bogi Hafliðason, forseti sveitarstjórnar, B-lista sat hjá.
Þá létu áheyrnarfulltrúar S-lista og V-lista, Benóný Valur Jakobsson og Aldey Unnar Traustadóttir; bóka að þau styddu að farin yrði leið 1.
Hjálmar Bogi segir í samtali við Vikublaðið að hinar leiðirnar hafi annars vegar verið svokölluð leiguleið, þ.e. að leigja húsnæði af öðrum aðila eins og ríkið er víða að gera með sínar stofnanir. Svo er hin leiðin að nota Ketilsbraut 7 að hluta.
Aðspurður segir Hjálmar Bogi að hann hefði kosið að fara á leigumarkaðinn. „Ég er á þeim stað að fara þessa leiguleið og nýta fjármunina með öðrum hætti heldur en að fara í endurbætur á núverandi húsnæði,“ segir hann.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
