Bogfimideild Íþróttafélagsins Akurs í nýtt húsnæði
„Þetta er mikil framför og við hlökkum til vetrarins og að geta kynnt íþróttina fyrir almenningi. Við finnum fyrir miklum áhuga,“ segir Alfreð Birgisson há Íþróttafélaginu Akri – bogfimideild sem opnar um helgina nýja aðstöðu við Kaldbaksgötu 2 á Akureyri.
Deildin hefur verið á hrakhólum um skeið, var síðast með lítið pláss í kjallara Íþróttahallarinnar og þar komust einungis fyrir afreksíþróttafólk, í allt fjórir og engin leið að taka inn nýliða eða bjóða upp á almennar æfingar. Húsnæðið er í eigu Blikk- og tækniþjónustunnar sem flutt hefur starfsemi sína annað. Fær bogfimideildin um 200 fermetra húsnæði til umráða auk þess sem tveir 40 feta gámar eru til reiðu en þeir uppfylla reglur um lengd keppnisvalla. Sjálfboðaliðar á vegum deildarinnar hafa unnið hörðum höndum undanfarnar vikur við endurbætur á húsnæðinu.
Finna fyrir áhuga
„Við gerum allt sjálf og borgum þetta líka sjálf. Við vitum að Akureyrarbær vill ekki að íþróttafélög séu að leiga húsnæði af einkaaðilum úti í bæ en þetta er kannski millileikur þar til eitthvað annað og betra býðst. Hér getum við boðið upp á æfingar og við finnum mikinn áhuga bæði hjá þeim sem voru áður í þessari grein og líka hjá nýliðum sem langar að prófa. Ég yrði ekki hissa þó um það bil 40 manns yrðu við æfingar hjá okkur í vetur,“ segir Alfreð.
Hann bendir á að fleiri íþróttagreinar búi við svipaða aðstöðu og bogfimideildin, þ.e. að hafa ekki fast og nægilega gott húsnæði fyrir starfsemina. Hann varpar fram þeirri hugmynd að byggt verði á Akureyri fjölnota íþróttahús þar sem hægt væri að koma fyrir nokkrum íþróttagreinum og vísar í Egilshöll sem fyrirmyndar. „Ég held það yrði gott skref að taka og leysti húsnæðimál fleiri íþróttagreina en bara bogfiminnar,“ segir Alfreð.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
