Bjóða Eyjafjarðarsveit að kaupa hlut þess í félaginu
Meirihluti stjórnar Norðurorku, Hlynur Jóhannsson, Geir Kristinn Aðalsteinsson og Þórhallur Jónsson, töldu rétt að bjóða Eyjafjarðarsveit að Norðurorka kaupi hlut þeirra í félaginu beri sveitarfélagið ekki traust til félagsins. Sif Jóhannesar Ástudóttir og Hlynur Örn Ásgeirsson sem einnig sitja í stjórn Norðurorku tóku ekki undir bókunina og töldu réttara að taka frekara samtal um málið.
„Þetta var kurteisisboð, ef Eyjafjarðarsveit er ósátt og vill losna út úr félaginu er sjálfsagt að bjóða upp á þann valkost,“ segir Hlynur Jóhannsson formaður stjórnar Norðurorku. Hann segir tilboðið standa en svör við því hafi ekki borist. Eyjafjarðarsveit eigi um 0.12% hlut í Norðurorku.
Tilefni þess að tilboðið er sett fram eru viðbrögð við tölvupósti frá forsvarsmönnum Eyjafjarðarsveitar þar sem m.a. segir að ekki hafi fengist samþykki fyrir stækkun hitaveitu austan megin í firðinum. Vanefndir hafi orðið af hálfu Norðurorku við að útvega heitt vatn til svínabús og loks að ekki sé hægt að útvega heitt vatn til nýs hótels við Skógarböðin. Bréf frá Eyjafjarðarsveit var sent eftir ósk um að eigendur Norðurorku gengu í ábyrgð fyrir framkvæmdaláni sem tekið var hjá Sambandi sveitarfélaga. Öll sveitarfélög hafa nú veitt samþykki sitt.
Varðandi stækkun á hitaveitu austan megin í firðinum segir stjórn Norðurorku að því hafi verið synjað fyrst og fremst á þeim forsendum að ekki sé til nægt vatn til að ráðast í stækkun. Fyrir liggi að dreifiveitan þurfi á öllu sínu að halda til að mæta stækkandi byggðakjörnum og þéttingu byggðar á starfssvæði fyrirtækisins, m.a. í Eyjafjarðarsveit. Þá kemur fram varðandi vatn til svínabús að boðið hafi verið upp á valkost varðandi afhendingu á heitu vatni sem eiganda þess hugnast ekki. Magn sem óskað er eftir hafi rúmlega fimmfaldast frá fyrstu áætlunum og breytt forsendum verulega. Í þriðja lagi vildi Eyjafjarðarsveit ræða það að ekki væri hægt að útvega heitt vatn til nýs hótels við Skógarböðin. Var á það bent að gott samtal er í gangi á milli Norðurorku og aðila sem að væntanlegu hóteli standa um lausn á því máli og engin ástæða til að gera ágreining um það.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
