Berglind, Berglind og Valgerður sækjast eftir öðru sætinu á lista Sjálfstæðisflokksins
Þær sækjast eftir öðru sætinu á lista Sjálfstæðisflokksins í Norðausturkjördæmi.
Berglind Harpa Svavarsdóttir, oddviti Sjálfstæðisflokksins í Múlaþingi og varaþingmaður flokksins í Norðausturkjördæmi, Berglind Ósk Guðmundsdóttir þingmaður og Valgerður Gunnarsdóttir, fyrrverandi þingmaður, hafa allar lýst yfir áhuga á að taka annað sætið á lista flokksins í kjördæminu fyrir komandi kosningar.
Berglind Harpa birti yfirlýsingu á Facebook í gærkvöldi þar sem hún sagðist sækjast eftir öðru sætinu. Þar segir hún það lýsa krafti og áhuga hve margir sækist eftir sætum á listaum.
Berglind Harpa, sem er formaður Sambands sveitarfélaga á Austurlandi, vísar þar meðal annars í efnahagsgreiningu Austurlands sem unnin var fyrir SSA í fyrra. Sú greining sýndi að landshlutinn leggur til fjórðung vöruútflutnings landsins. Berglind kveðst vilja nýta þá aðferðafræði fyrir allt kjördæmið til að leggja áherslu á öflugri innviðauppbygginu. Hún segir einnig að samgöngur hafi setið á hakanum og úr því verði að bæta. Berglind Harpa hefur á kjörtímabilinu sex sinnum tekið sæti á Alþingi.
Berglind Ósk birti einnig yfirlýsingu á Facebook í gær þar sem hún segist bjóða fram krafta sína til áframhaldandi setu í öðru sæti listans. Hún nefnir þar sérstaklega jöfn tækifæri í menntakerfi og eflingu heilbrigðisþjónustu utan höfuðborgarsvæðisins auk verðmætasköpunar. Hún segir þann árangur ekki nást nema með að einfalda regluverk, draga úr óþarfa ríkisafskiptum og styðja við einstaklingsframtakið. Berglind Ósk var fyrst kjörin á þing í síðustu kosningum.
Valgerður, sem sat á Alþingi fyrir flokkinn árin 2013-2017, nefnir menntamálin einnig í sinni tilkynningu en hún er skólameistari Framhaldsskólans á Húsavík og var áður skólameistari Framhaldsskólans á Laugum. Hún kemur sérstaklega inn á eflingu iðn- og verknáms sem skapað geti fleiri tækifæri fyrir ungt fólk í heimabyggð. Hún talar einnig um samgöngu- og orkumál, lífsgæði eldra fólks og verðbólgu.
Jens Garðar Helgason og Njáll Trausti Friðbertsson hafa báðir gefið kost á sér í fyrsta sætið. Njáll Trausti lét hafa eftir sér í samtali við Vísi að líklega tæki hann annað sætið ef hann tapaði því fyrsta.
Tillaga liggur fyrir að kjósa um fimm efstu sætin á framboðslistanum á tvöföldu kjördæmisþingi fokksins í Mývatnssveit á sunnudag.
Frá þessu segir á vef Austurfréttar
Nýjast
-
Berglind, Berglind og Valgerður sækjast eftir öðru sætinu á lista Sjálfstæðisflokksins
Berglind Harpa Svavarsdóttir, oddviti Sjálfstæðisflokksins í Múlaþingi og varaþingmaður flokksins í Norðausturkjördæmi, Berglind Ósk Guðmundsdóttir þingmaður og Valgerður Gunnarsdóttir, fyrrverandi þingmaður, hafa allar lýst yfir áhuga á að taka annað sætið á lista flokksins í kjördæminu fyrir komandi kosningar. -
Vinnu við nýjar kirkjutröppur lýkur senn
Miklar og ófyrirséðar tafir hafa orðið á vinnu við nýjar kirkjutröppur á Akureyri en nú er fátt sem getur komið í veg fyrir að framkvæmdum ljúki fyrir árslok. -
Lóð við Súluveg/Miðhúsabraut álitlegur staður fyrir nýja slökkviliðsstöð -Leita þarf að nýjum stað fyrir dýraspítala sem áður hafði fengið lóðina
Skipulagsráð hefur falið skipulagsfulltrúa að finna nýja lóð í bæjarlandi Akureyrar sem hentar fyrir starfsemi dýraspítala. Samþykkt var á fundi bæjarráðs í ágúst 2022 að veita Dýralæknaþjónustu Eyjafjarðar lóð á mótum Súluvegar og Miðhúsabrautar. Frestur til framkvæmda er liðinn samkvæmt almennum byggingarskilmálum. Slökkvilið Akureyrar sótti um þessa sömu lóð og telur að umrætt svæði sé best til þess fallið að byggja upp nýja slökkvistöð á Akureyri til framtíðar litið. Í greinargerð slökkviliðsstjóra segir að nauðsynlegt sé að huga að byggingu nýrrar slökkvistöðvar. Staðsetning núverandi slökkvistöðvar sé slæ, umferð mikil og vaxandi og tefji útkallstíma. Lóðin við Súluveg henti slökkviliði vel, bærinn hafi stækkað til norðurs og suðurs og staðsetning nýrrar lóðar sé miðsvæðis. Umferðarþungi á svæðinu er lítill og lóðin býður upp á svæði til æfinga og þjálfunar. Fram kemur að skynsamlegt sé að ráðast í byggingu nýrrar slökkvistöðvar sem fyrst, það sé fjárhagslegur ávinningur fyrir bæjarsamfélagið. -
Ég sækist eftir 1 sæti á framboðslista Sjálfstæðisflokksins
Ég hef ákveðið að sækjast eftir 1.sæti á framboðslista Sjálfstæðisflokksins í Norðausturkjördæmi í Alþingiskosningum 30. nóvember næstkomandi. Frá því að ég hlaut trúnað ykkar og kjör á Alþingi 2016 hef ég af af öllum kröftum verið að vinna að hag kjördæmis okkar og þjóðarinnar allrar. Áherslur mínar hafa allan þann tíma verið á þau grundvallarmál sem skipta mestu fyrir verðmætasköpun í landinu: Atvinnumál, lífskjör fólks og búsetuskilyrði í Norðausturkjördæmi, samgöngumál, heilbrigðismál, raforkumál, málefni ferðaþjónustunnar, landbúnaðarmál, sjávarútvegsmál, byggðamál, menntun og menningarmál og svo mætti lengi telja. Jafnframt hef ég haft trúnað Alþingis til að vinna að efnahagsmálum, ríkisfjármálum og utanríkismálum. Ég hef verið virkur í umræðum í öryggis og varnarmálum og leitt þátttöku íslands á erlendri grund í þeim efnum. Samgöngumál hafa verið sérstakt baráttumál enda má segja að ekkert skipti velferð fólks á landsbyggðinni meira máli en góðar og öruggar samgöngur. Reynsla og þekking er verðmæt í störfum á Alþingi. Með þátttöku minni og tengslum við atvinnulíf, við sveitarstjórnarmál og áralöng reynsla af þingmennsku hef ég öðlast skarpa sýn á þau málefni sem þurfa sérstaka athygli á vettvangi stjórnmála á næstu áru -
Líneik Anna hættir á þingi
Líneik Anna Sævarsdóttir, þingmaður Framsóknarflokksins í Norðausturkjördæmi, hefur ákveðið að gefa ekki kost á sér í komandi Alþingiskosningum. -
Öruggara Norðurland eystra
Miðvikudaginn 16. október formfestum við svæðisbundið samráð um varnir gegn ofbeldi og öðrum afbrotum á Norðurlandi eystra undir merkjum Öruggara Norðurland eystra. -
Um 65 tilkynningar um tjón vegna rafmagnstruflana á Akureyri
„Tjónstilkynningum heldur áfram að fjölga en þær eru nú orðnar rétt í kringum sextíu hér á Akureyri,“ segir Gunnur Ýr Stefánsdóttir skrifstofustjóri á skrifstofu forstjóra Norðurorku en fyrirtækið tekur við tilkynningum um tjón sem urðu á Akureyri vegna truflana í flutningskerfi Landsnets 2. október síðastliðinn. Rarik heldur utan um tjónstilkynningar utan Akureyrar. -
Hvernig velja framboðin á lista í Norðausturkjördæmi?
Flest framboðin í Norðausturkjördæmi munu stilla upp á lista sína. Undantekningin er Sjálfstæðisflokkurinn sem velur fimm efstu á kjördæmisþingi og Píratar sem halda prófkjör. Vinsælt er að koma saman í Mývatnssveit til að velja listana. -
Stuðmenn og Gærurnar í Samkomuhúsinu á Húsavík
Píramus & Þispa frumsýnir söngleikinn Með allt á hreinu
