Beina linsunum að landsliðsmönnum frá landsbyggðunum
Nýr þáttur á N4 þar sem fjallað verður um þá landsliðsstráka frá landsbyggðunum sem komust í lokahóp HM í knattspyrnu í Rússlandi fer í loftið fimmtudaginn 14. júní. Þættirnir verða alls fjórir og í hverjum þeirra verða tveir landsliðsmenn teknir fyrir.
Umsjónarmenn eru Skúli Bragi Magnússon dagskrárgerðarmaður og Árni Rúnar Hrólfsson kvikmyndatökumaður.
„Við fáum að kynnast strákunum með augum bæjarfélagsins þaðan sem þeir koma. Foreldrar, ömmur og afar, bræður og systur, vinir og þjálfarar segja frá uppvaxtarárum og karakter strákanna. Við fengum frábærar móttökur við gerð þáttanna, allir voru tilbúnir til að hjálpa okkur við að gera skemmtilegt sjónvarp og síðast en ekki síst upplýsandi. Í þessum þáttum kemur margt nýtt fram, sem til þessa hefur ekki verið nema á vitorði þeirra nánustu. Við renndum í raun og veru nokkuð blint í sjóinn, en eftir því sem líður á vinnsluna erum við sannfærðir um að þættirnir komi til með að vekja athygli,“ segja þeir félagar Skúli Bragi og Árni Rúnar.
Landsbyggðastrákarnir í þáttunnum eru Björn Bergmann Sigurðarsson frá Akranesi, Jón Daði Böðvarsson frá Selfossi, Arnór Ingvi Traustason og Samúel Kári Friðjónsson frá Reykjanesbæ, Aron Einar Gunnarsson og Birkir Bjarnason frá Akureyri, Hólmar Örn Eyjólfsson frá Sauðárkróki og Alfreð Finnbogason frá Grindavík.
Fyrsti þátturinn verður frumsýndur fimmtudaginn 14. júní klukkan 20:30. Næstu þættir verða á dagskrá 18., 19. og 20. júní.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
