Bærinn að hrekja okkur burtu af svæðinu
„Þetta mál er allt hið furðulegasta, vægast sagt, en við eigum eftir að bregðast við síðustu bókun skipulagsráðs,“ segir Hólmgeir Karlsson framkvæmdastjóri Bústólpa. Skipulagsráð Akureyrarbæjar fjallað um lóðina við Norðurtanga 7 og 9 á fundi sínum nýverið, en fyrir liggur að bæði Slippurinn Akureyri ehf. og Bústólpi ehf hafa óskað eftir sama svæði við Norðurtanga fyrir framtíðaruppbyggingu.
Að mati meirihluta skipulagsráðs er starfsemi Slippsins háðari nálægð við hafnarsvæði en starfsemi Bústólpa. Meirihluti ráðsins hafnaði því erindi Bústólpa um nýja lóð við Norðurtanga og fól skipulagsstjóra að ganga til viðræðna við fyrirtækið um hentuga staðsetningu fyrir starfsemina.
Hólmgeir segir að Akureyrarbær hafi gert nýtt skipulag á svæðinu við Norðurtanga en það hafi þó ekki enn tekið gildi. Um sé að ræða svæði þar sem Bústólpi eigi lóð, þ.e. þar sem gömlu áburðarbraggarnir standa. „Bærinn er í raun með þessu að leggja upp í þá vegferð að hrekja okkur burt af svæðinu ef af þessu verður og veita Slippnum nýjar lóðir þar sem liggja yfir okkar núverandi svæði,“ segir hann.
Sótt fyrst um í júní 2019
Bendir Hólmgeir á að umsókn frá fyrirtækinu hafi legið inni hjá Akureyrarbæ frá því í júní árið 2019, en þá óskaði Bústólpi eftir lóðum númer 7 og 9 við Norðurtanga með það að markmiði að byggja nýtt allt að 2 þúsund fermetra húsnæði í stað þeirra mannvirkja sem fyrir eru á staðnum. Skipulagsráð frestaði erindinu.
Í október árð 2020 ítrekaði Bústólpi ósk sína um nýja lóð undir starfsemi sína á Norðurtanga, en jafnframt var þá líka lögð frá ósk frá Slippnum um lóðir og skipulag á svæðinu. Málin var einnig frestað á þeim tíma. „Við höfum verið með umsókn inni hjá bænum í rúm fjögur ár um að fara í uppbyggingu og endurbætur á þessu svæði eða löngu áður en Slippurinn fékk hugmynd um að sækja um þetta pláss sem hefur aldrei verið auglýst af bænum,“ segir Hólmgeir.
Bústólpi setti inn umsókn um lóðina eftir ráðleggingu frá Skipulagsdeild bæjarins og var hún þannig hugsuð að fyrirtækið gæti áfram verið með starfsemi á svæðinu, en væri að fá nýju lóðirnar í stað þeirra sem það er með nú og eru enn þinglýstar á nafni Bústólpa að sögn Hólmgeirs.
Hólmgeir Karlsson framkvæmdastjóri Bústólpa
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
